Σο Πακιάνα Τουμέν ότι Ισί η Αγία Γραφή;
Πακιάνα ότι ισί . . .
βιβλίος σο τθερέλα τζενένγκε λάφια;
βιβλίος σο τθερέλα μασάλια;
βιβλίος σο τθερέλα ο λάφια ι Ντεβλέσκε;
ΣΟ ΒΑΚΕΡΕΛΑ Η ΑΓΙΑ ΓΡΑΦΗ
«Ο άγιος πνεύμας ι Ντεβλέσκο βοηθιντάς τι γραφίντιβελ σαρί η Γραφή».—2 Τιμόθεο 3:16, Μετάφραση Νέου Κόσμου.
ΣΟ ΜΑΝΓΚΕΛΑ ΤΙ ΒΑΚΕΡΕΛ ΑΝΤΑΒΑ ΤΟΥΜΕΝΓΚΕ
Κα αρακχέν λατσσέ απαντήσεις κο μπαρέ ερωτήματα ι ζωγιάκε.—Παροιμίες 2:1-5.
Κα σικαβέλ τουμένγκε σαρ τι τθερέν εκ ευτυχισμέ ζωή ακανά.—Ψαλμός 119:105.
Κα τθερέν εκ πραγματική ελπίδα ανγκλά-τουμέντε.—Ρωμαίους 15:4.
ΜΠΟΡΙΝΑΣΑ ΤΙ ΠΑΚΙΑΣ ΟΝΤΟΥΛΑ ΣΟ ΒΑΚΕΡΕΛΑ Η ΑΓΙΑ ΓΡΑΦΗ;
Βα, για μπουτ λόγους, αλλά αμέν κα ντικχάς τριν ντανέ:
Κατά αρχή μέχρι κο τέλος ισί ίδια. Η Αγία Γραφή κερντάς τι γραφίντιβελ 1.600 μπρεσά από 40 διαφορετικά μουρσά. Ο πιο μπουτ οντουλένταρ να τζανένας-πες, αλλά να γραφιντέ διαφορετικά λάφια ο εκ ι γιαβερέσταρ. Οτθάρ, σαρί η Αγία Γραφή τθερέλα εκ βασικός θέμας!
Βακερέλα πάντα οντουβά σο ισί μπαγιά. Ο τζενέ σο γραφίνενα ο βιβλία της ιστορίας ο πιο μπουτ φαρ να μουτθαβένα όταν ο λαός λένγκο χασαρέλα κο τζένγκια, δηλαδή κο πόλεμοι. Οκιά μπάνταρ όμως, ο τζενέ σο γραφιντέ ι Αγία Γραφή βακερένας εμ ο λάθη σο κερένας βον εμ ο λάθη πουμαρέ λαόσκε.—2 Χρονικών 36:15, 16· Ψαλμός 51:1-4.
Προφητείες σο μπορίνασα τι πακιάς-λεν. Η Αγία Γραφή βακερντάς ότι η Βαβυλώνα κα καταστραφίντιβελας 200 μπρεσά προτού τι αβέλ-πες ανταβά. (Ησαΐας 13:17-22) Να βακερντάας σάντε ότι κα καταστραφίντιβελας η Βαβυλώνα, αλλά μουτθαντάας ο ναβ-ντα οντουλέσκο σο κα κερέλας-λες ανταβά!—Ησαΐας 45:1-3.
Μπουτ γιαβερά προφητείες σο τθερέλα η Αγία Γραφή νικίστιλε μπαγιά. Ατζέ-ντα ο πιο χουρντέ πράγματα αντράλ κατά Αγία Γραφή αβιλέ-πες ακριβώς σαρ βακέρντιλε. Ανταβά να κα μπεγκλεντίναας εκχέ βιβλιόσταρ σο τθερέλα ο λάφια ι Ντεβλέσκε;—2 Πέτρου 1:21.
ΣΚΕΦΤΙΝΕΝ
Σαρ μπορίνελα τι κερέλ πιο λατσσί τουμαρί ζωή ο βιβλίος ι Ντεβλέσκο;
Η Γραφή ντέλα ι απάντηση κο εδάφια ΗΣΑΪΑΣ 48:17, 18 ντα 2 ΤΙΜΟΘΕΟ 3:16, 17.