Άμα Πουταρντάς ι Πόρτα εκ Χουρντό Τσσαβό ή εκ Χουρντί Τσσάι

Άμα πουταρντάς ι πόρτα εκ χουρντό, πρέπει τι βακεράς λέσκε ότι μανγκάσα τι κεράς λάφι λέσκε νταντέσαρ ή λέσκε νταγιάσαρ. Ανταβά σικαβέλα ότι σεβάνασα ι νταντές ντα ι νταγιά σο κερένα κουμάντος κι φαμιλί. (Παρ 6:​20) Άμα ο χουρντό βακερντάς αμένγκε τι τζας αντρέ κο κχερ, αμέν δεν πρέπει τι τζας. Άμα νανέ οτθέ ο ντατ ή η ντάι, πρέπει τι τζας εκ γιαβέρ φαρ.

Άμα οντουβά σο πουταρντάς ι πόρτα ισί πιο μπαρό ντα μπορεί τι αβέλ κι εφηβεία, πάλι ισί λατσσό τι μανγκάς τι κεράς λάφι ι νταντέσαρ ή ι νταγιάσαρ. Άμα νανέ οτθέ, μπορεί τι πουτσάς-λες άμα λέσκο ντατ ή λέσκι ντάι μουκχένα-λες τι τραμπίνελ σο κα διαβάνελ. Άμα κα βακερέλ ότι μουκχένα-λες, μπορίνασα τι ντας-λες έντυπα ντα τι σικαβάς λέσκε ο jw.org.

Άμα εκ οντουλέ τσσαβένταρ σικαντάς ενδιαφέρον, όταν κα κεράς ι επανεπίσκεψη πρέπει τι μανγκάς τι ντικχάς λέσκε νταντές ή λέσκε νταγιά. Ανταβά κα βοηθίνελ-αμέν τι εξηγίνας σόσκε γκιλάμ οντουλέ κχερέστε ντα τι σικαβάς λένγκε ο σωστές συμβουλές σο ντέλα η Γραφή κο φαμιλιά ντα σο αξίνελα τι κεράς-λεν αμαρέ ζωγιάτε. (Ψλ 119:​86, 138) Άμα σικαβάσα σεβασμός ντα ενδιαφέρον κο ντατ ντα κι ντάι, ανταβά κα ντελ λατσσί εντύπωση ντα μπορεί τι ντελ-αμέν πιο μπουτ ευκαιρίες για τι βακεράς ο λατσσέ αμπέρια σαρέ οντουλένγκε σο ισί κι φαμιλί.​—1Πε 2:12.