“Βακερέν ότι Αβιλό ο Μπρες σο ο Ιεχωβά Σικαβέλα Λατσσιπέ”

“Ο μπρες σο ο Ιεχωβά σικαβέλα λατσσιπέ” νανέ εκ κανονικός μπρες

61:1, 2

• Ισί ο καιρός σο ντέλα ο Ιεχωβά κο λατσσέ τζενέ ι ευκαιρία τι ασουνέν λέσκε λάφια για τι ελευθερώντιβεν

• Κο πρώτος αιώνας, ο μπρες σο ο Ιεχωβά σικαντάς λατσσιπέ αρχισάλο κο 29 Κ.Χ., όταν ο Ιησούς ξεκινισάλο τι κερέλ ο έργος ι Ντεβλέσκο, ντα ατσσικιαρντάς μέχρι “κο ντιβές [σο ο Ιεχωβά] λιντάς εκδίκηση” κο 70 Κ.Χ., όταν καταστραφισάλι η Ιερουσαλήμ

• Αμαρέ ντιβεσέντε, οντουβά μπρες αρχισάλο κάνα ο Ιησούς αβιλό Βασιλιάς κο ουρανός κο 1914 ντα κα τελειώνελ όταν κα αβέλ η μπαρί στεναχώρια

Ο Ιεχωβά ντέλα πι λαός «μπαρέ δέντρα δικαιοσύνης»

61:3, 4

• Ο πιο μπαρέ δέντρα ι ντουνιάσκε μπαριόνα συνήθως μαζί κο δάση, ντα οτθέ ο εκ δέντρος ασταρέλα ο γιαβέρ

• Ο μπαρέ ρίζες ενώντιβενα ντα αντικάς στηρίνενα ο δέντρα ντα βοηθίνενα-λεν μα τι περέν όταν ντέλα μπαρέ μπρισιμά

• Ο μπαρέ δέντρα ντένα βουτσσάλ κο χουρντέ δέντρα ντα αντικάς αρακχαβένα-λεν. Ο φύλλα σο περένα κατά δέντρα ισί σαρ λίπασμας ι πφουβιάκε

Σαρέ ο πφραλά ντα ο πφενιά κο ντουνιάς βοηθίντιβενα ντα αρακχάντιβενα κατά “μπαρέ δέντρα δικαιοσύνης”, δηλαδή κατά χρισμέ σο ισί ατζέκ κι πφουβ