Τι Χρησιμοποιήνεν ο Έντυπα με Σωστός Τρόπος

Ο Ιησούς βακερντάς: «Λιντέν χωρίς τι ποκινέν, ντεν χωρίς τι ποκίντιβεν». (Ματ 10:8) Αμέν κεράσα-λες ανταβά όταν να μανγκάσα λοβέ για τι ντας κο τζενέ ι Γραφή ή ο έντυπα σο βασίντιβενα κι Γραφή. (2Κο 2:​17) Ανταλά έντυπα τθερένα σημαντικές αλήθειες κατά Ντεβλέσκο Λάφι. Αβέλα μπαρί προσπάθεια ντα χαλάντιβενα λοβέ για τι νικιόν ντα τι μπουτσσάντιβεν κο εκκλησίες σο ισί σαρό κο ντουνιάς. Οτθάρ, πρέπει τι λας σάντε ο έντυπα σο χρειαζίντιβασα.

Τι σκεφτίνεν λατσσές πριν τι ντεν εκ έντυπος, ατζέ-ντα άμα κερένα έργος τθανέντε σο νακχένα μπουτ τζενέ. (Ματ 7:6) Μα ιλιαβέν απλώς ο έντυπα οντουλέντε σο νακχένα, αλλά προσπαθίνεν τι κερέν λέντζαρ λάφι για τι αγαβέν άμα ενδιαφερίντιβενα μπαγιά. Κα βακερένας «βα» έστω σε εκ ερώτηση οντουλένταρ σο ισί κο πλαίσιος; Άμα να ισινέν σίγουροι ότι εκ τζενό σικαβέλα ενδιαφέρον, πιο λατσσές ντεν-λες εκ φυλλάδιος. Όμως, άμα μανγκέλα τι λελ εκ περιοδικός ή εκ γιαβέρ έντυπος, κα ντας-λες λέστε με χαρά.​—Παρ 3:​27, 28.