Μπαριαρέν ι Γιαβερένγκι Πίστη κο Ιεχωβά ντα κο Ιησούς Αντράλ Κατά Βιβλίος Μπουτ Σουκάρ Ζωή για Πάντα!

Για τι κερέν ο γκι ι Ντεβλέσκο ο τζενέ σο κερένα μελέτη, πρέπει τι μπαριαρέν πουμαρί πίστη. (Εβρ 11:6) Αμέν μπορίνασα τι ερεσάς κο γκι κι τζενένγκο αντράλ κατά βιβλίος Μπουτ Σουκάρ Ζωή για Πάντα! Ανταβά βιβλίος τθερέλα σημαντικά εδάφια, λατσσέ βίντεα, μπουτ σουκάρ φωτογραφίες, τσσουβέλα ι τζενέν τι σκεφτίνεν ντα τθερέλα ερωτήσεις σο βοηθίνενα-λεν τι νικαβέν σωστά συμπεράσματα. Άμα βοηθίνασα ι τζενέν σο κεράσα-λεν μελέτη τι μπαριαρέν ο ιδιότητες σο κερένα ο γκι ι Ντεβλέσκο, ντα τι αβέν αμαλά λέσαρ, κα βοηθίνας-λεν τι αβέν σταθεροί.​—1Κο 3:​12-15.

Μερικά τζενέ δυσκολίντιβενα τι πακιάν ότι κα αβέν αμαλά ι Ντεβλέσαρ, αφού ναστί ντικχένα-λες. Οτθάρ χρειαζίντιβελα τι βοηθίνας-λεν τι σικλιόν ι Ιεχωβάς ντα τι ντεν λέσκε μπέσα.

ΝΤΙΚΧΕΝ Ο ΒΙΝΤΕΟΣ ΜΠΑΡΙΑΡΕΝ Ι ΓΙΑΒΕΡΕΝΓΚΙ ΠΙΣΤΗ ΚΟ ΙΕΧΩΒΑ, ΑΝΤΡΑΛ ΚΑΤΑ ΒΙΒΛΙΟΣ «ΜΠΟΥΤ ΣΟΥΚΑΡ ΖΩΗ ΓΙΑ ΠΑΝΤΑ!» ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ τζανάσα ότι η πφεν κερντάς λατσσί προετοιμασία ι μελετιάκε;

• Σαρ τραμπιντάς λατσσέ ερωτήσεις για τι κερέλ ι τζενιά τι βακερέλ οντουλά σο σκεφτίνελα ντα νιωθίνελα ι εδαφιόνγκε Ησαΐας 41:​10, 13;

• Σαρ βοηθίντιλι η τζενί κατά βίντεος ντα κατά εδάφια;

Μπουτ τζενέ να αγαβένα σο ισί ο λύτρος ή να πακιάνα ότι ισί εκ δώρος σο κερντάς ο Ντεβέλ λένγκε. (Γα 2:​20) Οτθάρ πρέπει τι βοηθίνας-λεν τι μπαριαρέν πουμαρί πίστη κι Ιησούσκι θυσία.

ΝΤΙΚΧΕΝ Ο ΒΙΝΤΕΟΣ ΜΠΑΡΙΑΡΕΝ Ι ΓΙΑΒΕΡΕΝΓΚΙ ΠΙΣΤΗ ΚΟ ΙΗΣΟΥΣ, ΑΝΤΡΑΛ ΚΑΤΑ ΒΙΒΛΙΟΣ «ΜΠΟΥΤ ΣΟΥΚΑΡ ΖΩΗ ΓΙΑ ΠΑΝΤΑ!» ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ τζανάσα ότι ο πφραλ κερντάς λατσσί προετοιμασία ι μελετιάκε;

• Σαρ τραμπιντάς ο σωστός θέμας οτθάρ σο βακερέλα «Ρόντε» για τι βοηθίνελ ι τζενές;

• Σόσκε ισί μπουτ σημαντικός τι προσευχίντιβας ι τζενέσκε;