ΣΑΡ ΤΙ ΤΖΟΥΒΝΤΙΑΣ ΣΑΡ ΧΡΙΣΤΙΑΝΟΙ
Ο Ιεχωβά Βοηθίνελα-αμέν τι Νταϊντίνας Αμαρέ Δοκιμασίες
Ανταλέ τελευταίε ντιβεσέντε, τθεράσα μπουτ δύσκολες δοκιμασίες. Μπάζιμα, μπέκιμ νιωθίνασα ότι αμαρέ δοκιμασίες ισί αζόμ μπαρέ σο ναστί νταϊντίνασα-λεν. Όμως, άμα συνεχίνασα τι αβάς πασέ κο Ιεχωβά, βοβ κα βοηθίνελ-αμέν τι νταϊντίνας ατζέ-ντα ο πο πφαρέ δοκιμασίες. (Ησ 43:2, 4) Σαρ μπορίνασα τι αβάς πασέ κο Ιεχωβά κάνα νακχάσα δοκιμασίες;
Προσευχή. Κάνα πουτράσα αμαρό γκι κο Ιεχωβά, ντέλα-αμέν ειρήνη αμαρέ γκοντιάτε ντα ζορ αμαρέ γκίστε για τι νταϊντίνας.—Φλπ 4:6, 7· 1Θε 5:17.
Συναθροίσεις. Πο μπουτ σαρέ κατά γιαβερά μπρεσά, τθεράσα ανάγκη ο πνευματικός χαμπέ ντα ι παρέα ι πφραλένγκι σο ντέλα-αμέν ο Ιεχωβά αμαρέ συναθροισιέντε. (Εβρ 10:24, 25) Κάνα προετοιμάντιβασα για τι τζας ντα για τι συμμετεχίνας κο συναθροίσεις, βοηθίντιβασα καζόμ πο μπουτ αβέλα-πες κατά πνεύμας ι Ιεχωβάσκο.—Απ 2:29.
Έργος. Κα αβέλ πο εύκολος τι ντικχάς ο λατσσέ πράγματα άμα κεράσα σο νακχέλα αμαρέ βαστένταρ για τι νικιάς κο έργος καζόμ πο μπουτ αβέλα-πες. Επίσης, κα κεράς πο ζουρανί ι φιλία σο τθεράσα ι Ιεχωβάσαρ ντα αμαρέ συνεργατόντζαρ.—1Κο 3:5-10.
ΝΤΙΚΧΕΝ Ο ΒΙΝΤΕΟΣ Ο ΙΕΧΩΒΑ ΚΑ ΔΕΧΤΙΝΕΛ-ΤΟΥΜΕΝ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:
Σαρ βοηθίντιλι η Μαλού τι ατσσόλ πασέ κο Ιεχωβά καζόμ τθερέλας δοκιμασίες;
Σαρ αβιλό-πες ι Μαλούσαρ, σαρ κοβλιαρένα αμαρί ντουκχ ο λάφια σο ισί κο εδάφιος Ψαλμός 34:18 καζόμ τθεράσα δοκιμασίες;
Σαρ σικαβέλα οντουβά σο νακχλάς η Μαλού ότι ο Ιεχωβά ντέλα-αμέν «ζορ σο ισί πο μπαρί αμαρέ ζοριάταρ» κάνα τθεράσα δοκιμασίες;—2Κο 4:7.