Κάνα κα Αβέλ ο Τέλος; Σο Βακερντάς ο Ιησούς

ΝΤΙΚΧΕΝ ΝΤΟΥΙ ΛΑΦΙΑ ΣΟ ΒΑΚΕΡΝΤΑΣ Ο ΙΗΣΟΥΣ ΓΙΑ ΤΟ ΤΕΛΟΣ:

«Οτθάρ, τι αβέν τζανγκαντέ, σόσκε να τζανένα ούτε ο ντιβές ούτε ο σαάτι».​—ΜΑΤΘΑΙΟΣ 25:13.

«Τι προσοχίνεν, τι αβέν τζανγκαντέ, σόσκε να τζανένα κάνα κα αβέλ οντουβά βακίτι».​—ΜΑΡΚΟΣ 13:33.

Άρα, καέκ κι πφουβ να τζανέλα ακριβώς κάνα κα αβέλ ο τέλος ανταλέ ντουνιάσκο. Όμως, ο Ντεβέλ “τζανέλα οντουβά βακίτι”​—“ο ντιβές ντα ο σαάτι”​—σο κα αβέλ ο τέλος. (Ματθαίος 24:​36) Μήπως ανταβά μανγκέλα τι βακερέλ ότι νανέ καέκ τρόπος τι τζανάς άμα ισί πασέ ο τέλος; Σίγουρα ισί. Ο Ιησούς βακερντάς πι μαθητένγκε τι τθερέν πουμαρέ γιακχά πουταρντέ για τι ντικχέν κάποια πράγματα σο κα σικαβένας ότι ισί πασέ ο τέλος.

Ο ΣΗΜΑΔΙ

Ανταλά πράγματα κα σικαβένας ότι ισί πασέ «ο τέλος ανταλέ ντουνιάσκο». Ο Ιησούς βακερντάς: «Κα τζαλ κόντρα τθεμ γιαβερέ τθεμέσαρ ντα βασίλειος γιαβερέ βασιλειόσαρ ντα κα αβέλ μποκχ ντα σεισμοί τθεμ τθεμέστε». (Ματθαίος 24:3, 7) Βακερντάς επίσης ότι κα αβένας «νασφαλίματα». (Λουκάς 21:​11) Τουμέν ντικχένα ανταλά προφητείες σο βακερντάς ο Ιησούς;

Ο τζένγκια, η μποκχ, ο σεισμοί ντα ο νασφαλίματα σο αβένα παλάλ γιαβερέστε τσσιντικιαρένα μπουτ ι τζενέν αντιβές. Για παράδειγμας, κο 2004 εκ ζουρανό σεισμός σο αβιλό-πες κο Ινδικός Ωκεανός αντάς εκ ζουρανό τσουνάμι σο μουνταρντάς περίπου 225.000 τζενέν. Αντρέ σε τριν μπρες, ο Κορωνοϊός μουνταρντάς πασέ 6,9 εκατομμύρια τζενέν σαρό κο ντουνιάς. Ο Ιησούς βακερντάς ότι ασακέ πράγματα κα σικαβένας ότι ο τέλος ανταλέ ντουνιάσκο ισί πασέ.

Ο «ΤΕΛΕΥΤΑΙΑ ΝΤΙΒΕΣΑ»

Ο βακίτι πριν τι αβέλ ο τέλος βακέρντιβελα κι Γραφή «τελευταία ντιβεσά». (2 Πέτρου 3:3, 4) Κο εδάφια 2 Τιμόθεο 3:​1-5 βακερέλα ότι κο τελευταία ντιβεσά ο τζενέ κα κερένας μπίλατζανε πράγματα. (Ντικχέν ο πλαίσιος «Ακριβώς Πριν Κατά Τέλος ι Ντουνιάσκο») Τουμέν τζανένα τζενέν αντιβές σο ντικχένα σάντε πουμαρό νεαυτός, σο μανγκένα μπουτ ο λοβέ, ισί άγριοι ντα να μανγκένα ιτς ι γιαβερέν; Ανταβά ισί ατζέκ εκ πράγμας σο σικαβέλα ότι ο τέλος ι ντουνιάσκο ισί μπουτ πασέ.

Καζόμ κα ατσσικιαρέν ο τελευταία ντιβεσά; Σαρ βακερέλα η Γραφή, «χάνικ χρόνος». Σοράν, ο Ντεβέλ κα καταστραφίνελ «οντουλέν σο καταστραφίνενα ι πφουβ».​—Αποκάλυψη 11:​15-18· 12:12.

ΑΤΖΕΧΑΝΙΚ Η ΠΦΟΥΒ ΚΑ ΑΒΕΛ ΠΑΡΑΔΕΙΣΟΣ!

Ο Ντεβέλ τραμπιντάς ο ντιβές ντα ο σαάτι σο κα αβέλ ο τέλος ανταλέ πφιρνέ ντουνιάσκο. (Ματθαίος 24:​36) Αλλά ισί γιαβερά-ντα λατσσέ αμπέρια​—ο Ντεβέλ «να μανγκέλα τι καταστραφίντιβελ καέκ τζενό». (2 Πέτρου 3:9) Ντέλα-αμέν ι ευκαιρία τι σικλιάς λέσκε ντα τι ντας-λες καν. Σόσκε; Επειδή μανγκέλα τι σώντιβας κάνα κα αβέλ ο τέλος ανταλέ ντουνιάσκο ντα τι τζουβντιάς λέσκε νεβέ ντουνιάστε, σο η πφουβ κα αβέλ παράδεισος.

Ο Ντεβέλ βοηθίνελα σαρέ ι τζενέν τι σικλιόν σαρ τι τζουβντιόν κο νεβό ντουνιάς τελάλ λέσκε Βασιλειάταρ. Ο Ιησούς βακερντάς ότι ο λατσσέ αμπέρια ι Ντεβλέσκε Βασιλειάκε κα βακέρντιβενας «σαρί κι πφουβ». (Ματθαίος 24:​14) Σαρό κο ντουνιάς ο Μάρτυρες ι Ιεχωβάσκε κερένα δισεκατομμύρια σαάτια έργος για τι βακερέν ντα τι σικλιαρέν ο λατσσέ αμπέρια ι Γραφιάκε σο ντένα ελπίδα. Ο Ιησούς βακερντάς ότι ανταλά λατσσέ αμπέρια ι Βασιλειάκε κα βακέρντιβενας σαρί κι πφουβ πριν τι αβέλ ο τέλος.

Ο βακίτι σο ατσσιλό για το κυβερνήσεις ι τζενένγκε ισί μπουτ χάνικ. Αλλά ο λατσσέ αμπέρια ισί ότι τουμέν μπορίνενα τι σώντιβεν κάνα κα αβέλ ο τέλος ι ντουνιάσκο ντα τι τζουβντιόν κο Παράδεισος κι πφουβ σο ντινάς πο λάφι τι ανέλ ο Ντεβέλ. Ο γιαβέρ μάθημας κα σικαβέλ σαρ μπορίνενα τι τζουβντιόν ανταλέ νεβέ ντουνιάστε.