Ντένα-τουμέν Γκοντί;

Διαβαντέν προσεκτικά ανταβά μπρες ο περιοδικά Σκοπιά; Ντικχέν άμα ντένα-τουμέν γκοντί ο απαντήσεις ακαλέ ερωτησιέντε:

Σο λατσσιπέ κα τθεράς άμα ντάσα αμαρέ σαατίσταρ για τι κεράς λάφι κο Ιεχωβά, για τι ασουνάς-λες ντα για τι κεράς σκέψεις λέσκε;

Κα λας πο λατσσέ αποφάσεις, κα σικλιαράς πο λατσσές, αμαρί πίστη κα αβέλ πο ζουρανί ντα αμαρό μανγκιπέ ι Ιεχωβάσκε κα αβέλ ατζέ πο μπαρό.​—w22.01, σελ. 30, 31.

Σόσκε κα αβέλ λατσσό αμένγκε άμα κα σικλιάς τι ντας μπέσα κο Ιεχωβά ντα ι τζενένγκε σο τραμπιντάς τι κερέν κουμάντος λέσκε λαός;

Πρέπει από ακανά τι σικλιάς τι ντας μπέσα κο τρόπος σο κερέλα ο Ντεβέλ ο πράγματα. Κεράσα-λες ανταβά κάνα αβάσα πάντα σίγουροι ι λαφίνγκε σο βακερένα αμένγκε ο πρεσβύτεροι. Κι μπαρί στεναχώρια, κα αβάς έτοιμοι τι ντας καν, ατζέ-ντα άμα κα βακέρντιβελ αμένγκε τι κεράς πράγματα σο να αγαβάσα-λεν ή σο πακιάσα ότι νανέ γκοντιαβέρ.​—w22.02, σελ. 4-6.

Σο μανγκέλας τι βακερέλ ο άγγελος κάνα βακερντάς κο Ζαχαρίας εκχέ “σολέσκε ι μπαρέσαρ κο βας κι Ζοροβαβελίσκο” σο ισινέ ο αρχηγός ι Ιουδαιόνγκο; (Ζαχ. 4:​8-10)

Ανταγιά φαντασία ντινάς ι Ντεβλέσκε λαός τι αγαβέλ ότι ο ναός κα λατσσάρντιβελας ντα κα αβέλας αντικάς σαρ μανγκέλας ο Ιεχωβά, παρόλο σο να ντικχίντιβελας αζόμ σουκάρ μερικέ τζενένγκε.​—w22.03, σελ. 16, 17.

Σαρ μπορίνασα τι ντας λατσσό παράδειγμας αμαρέ λαφίντζαρ; (1 Τιμ. 4:12)

Σικαβάσα λατσσιπέ ντα σεβασμός αμαρέ λαφίντζαρ κο έργος, γκιλιαβάσα σαρέ αμαρέ γκίσαρ ντα ντάσα απαντήσεις κο συναθροίσεις, βακεράσα ι αλήθεια ντα κεράσα λάφι τροπόσαρ σο ντέλα ζορ ι γιαβερέν, ντα νασκιαράσα αμένταρ σαρέ ο κουσίματα.​—w22.04, σελ. 6-9.

Σόσκε ο σταρ θηρία (κυβερνήσεις) σο υπαρχίντιβενα κο 7ος κεφάλαιος κι Δανιηλίσκο βακέρντιβενα σαρ εκ τανό θηρίος κο εδάφια Αποκάλυψη 13:1, 2;

Ο θηρίος κο κεφάλαιος 13 ι Αποκαλυψιάκο να μανγκέλα τι σικαβέλ σάντε εκ κυβέρνηση, σαρ ισί η Ρώμη. Οκιά μπάνταρ, μανγκέλα τι σικαβέλ σαρέ ο κυβερνήσεις σο τθερένα κερντό κουμάντος σαρέ ανταλά μπρεσά ι τζενέν.​—w22.05, σελ. 9.

Καβά ισί εκ σημαντικός τρόπος για τι σικαβάς ότι ντάσα μπέσα κι δικαιοσύνη κι Ντεβλέσκι;

Αν κάποιος προσβαλιντάς-αμέν ή αμαρτιντάς κόντρα αμέντε, προσπαθίνασα τι νασκιαράς ι χολί σο τθεράσα αντρ’ αμέντε ντα μουκχάσα ο πράγματα κι Ιεχωβάσκε βαστά. Βοβ κα λατσσαρέλ σαρό ο ζιάνι σο αβιλό ιτιρί κατά αμαρτία.​—w22.06, σελ. 10, 11.

Σο πρέπει τι ντελ-πες γκοντί εκ πφραλ σο κερέλα προσευχή εκχέ συναθροισιάτε;

Η προσευχή δεν πρέπει τι αβέλ για τι ντιντιόλ συμβουλή κι κχανγκιρί ή για τι βακέρντιβεν αμπέρια. Ατζέ πο μπουτ κι αρχή κι συναθροισιάκι, ο πφραλ δεν πρέπει τι κερέλ μπαρί προσευχή. (Ματθ. 6:7)​—w22.07, σελ. 24, 25.

Σο μανγκέλα τι βακερέλ ότι οντουλά σο “κερντέ μπέτι πράγματα κα αναστίντιβεν για τι κρίντιβεν”; (Ιωάν. 5:29)

Ο Ντεβέλ να κα κρίνελ-λεν ι πραγματένγκε σο κερντέ πριν τι μερέν. Οκιά μπάνταρ, ο Ντεβέλ κα ντικχέλ σο πράγματα κα κερέν ντα σαρ κα συμπεριφερίντιβεν σοράν κατά ανάσταση λένγκι.​—w22.09, σελ. 18.

Σο βακερντάς ζουρανέ φωνιάσαρ ο Ι. Φ. Ρόδερφορντ εκχέ συνελευσιάτε κο Σεπτέμβριος 1922;

Εκχέ συνελευσιάτε κο Σίνταρ Πόιντ κο Οχάιος κο ΗΠΑ, βακερντάς: «Ο Βασιλιάς κερέλα κουμάντος! Τουμέν τθερένα ο διορισμός τι διαφημίνεν-λες ανταβά. Οτθάρ, διαφημίνεν, διαφημίνεν, διαφημίνεν ι Βασιλιάς ντα λέσκι Βασιλεία!»​—w22.10, σελ. 3-5.

Καλέ τρινέ τροπόντζαρ βοηθίνελα-αμέν ο Ντεβέλ τι νταϊντίνας αμαρέ δοκιμασίες, σαρ βακερέλα κο Ησαΐας κεφάλαιος 30;

Ανταβά κεφάλαιος σικαβέλα ότι (1) ασουνέλα προσεκτικά αμαρέ προσευχές ντα απαντίνελα λέντε, (2) οδηγίνελα-αμέν ντα (3) ντέλα-αμέν ευλογίες εμ ακανά εμ κο ντιβεσά σο κα αβέν.​—w22.11, σελ. 9.

Σόσκε πακιάσα ότι ο λάφια κο Ψαλμός 37:​10, 11, 29 νικίστιλε μπαγιά ανγκλέ αλλά κα νικιόν μπαγιά εμ κο ντιβεσά σο κα αβέν;

Ο λάφια ι Δαβιδίσκε σικαβένα καζόμ σουκάρ ισινέ ο πράγματα κο Ισραήλ, κάνα κυβερνίνελας ο Σολομών. Ο Ιησούς βακερντάς ο εδάφιος 11 ντα σικαντάς ότι οντουλά λάφια κα νικιόν μπαγιά κο παράδεισος σο κα αβέλ. (Ματθ. 5:5· Λουκ. 23:​43)​—w22.12, σελ. 8-10, 14.