Τζανένας-λες;

Σο κερένας ο ιερείς κο ναός κι Ιερουσαλήμ ι ρατέσαρ κατά ζώα σο θυσιάνενας κο θυσιαστήριος;

ΚΑΘΕ μπρες, ο ιερείς κο πουρανό Ισραήλ κερένας χιλιάδες θυσίες ζωόνγκε κο θυσιαστήριος κο ναός. Σαρ βακερέλα ο Ιώσηπος, εκ Ιουδαίος ιστορικός, κο Πάσχας θυσιάνενας πο μπουτ από 250 χιλιάδες μπρακέν, ντα αντικάς τσσορντιόλας μπουτ ρατ. (Λευιτ. 1:10, 11· Αριθ. 28:16, 19) Κάι τζάλας σαρό ανταβά ρατ;

Ο αρχαιολόγοι χαντζουντέ ο τθαν ντονταλάι κατά ναός του Ηρώδη σο χρησιμοποιήντιβελας μέχρι τι καταστραφίντιβελ ο ναός κο 70 Σ.Κ.Χ. (σοράν κατά Χριστός). Οτθέ αρακχλέ ότι λατσσαρντέας χαντάκια για τι μπορίνελ τι νασέλ οτθάρ ο ρατ κατά ναός.

Ντικχέν ντούι πράγματα σο βοηθιντέ τι ατσσόλ πάκι ο θυσιαστήριος:

• Γούρνες τελέ κο θυσιαστήριος: Εκ βιβλίος σο τθερέλας ο νόμοι ντα ο έθιμα ι Ιουδαιόνγκε, σο γραφίντιλο σοράν κατά μπρες 200, βακερέλα ότι υπαρχίντιβενας ντούι γούρνες σε εκ γωνία σο τθερέλας ο θυσιαστήριος. Ο βιβλίος εξηγίνελα ότι εμ ο ρατ κατά θυσίες εμ ο πανί σο χρησιμοποιήντιβελας για τι καθαρίνεν ο θυσιαστήριος νασένας κατά γούρνες, νακχένας αντράλ κατά χαντάκια ντα τζάνας κι κοιλάδα Κιδρόν. Εκ βιβλίος σο βακερέλα ι ιστορία ι Ιουδαιόνγκι κο τελευταία μπρεσά εξηγίνελα ι ίδιε τροπόσαρ ο χαντάκια σο αρακχλέας οντουλά αρχαιολόγοι. Ανταλένταρ σο αρακχλέ, ο αρχαιολόγοι συμφωνίνενα ότι ο γούρνες μάλλον χρησιμοποιήντιβενας για τι νασέλ οτθάρ ο ρατ.

• Μπουτ πανί: Ο ιερείς χρειαζίντιβενας μπερεκέτι πανί για τι καθαρίνεν ο τελαϊνό μέρος κατά θυσιαστήριος ντα τι βοηθίνεν τι νασέλ ο ρατ οντουτθάρ. Για τι μπορίνεν τι κερέν ανταγιά σημαντική μπουτί, χρειαζίντιβενας μπουτ πανί κατά πόλη. Ο πανί κατά πόλη αβέλας κο θυσιαστήριος αντράλ κατά χαντάκια, κατά υδραγωγεία, κατά στέρνες ντα κατά δεξαμενές. Ο αρχαιολόγος Τζόζεφ Πάτριχ βακερντάς: «Καέκ γιαβέρ ναός κο πουρανέ μπρεσά να τθερέλας ασακό λατσσό τρόπος για τι τθερέλ πανί κο ναός ντα τι νασκιαρέλ ο μελαλό πανί».