Καζόμ Σικλιαρένα-τουμέν Ρόντεν Σημεία σο κα Βοηθίνεν Γιαβερέν-ντα

Κάνα σικλιαράσα-αμέν κατά Γραφή, νιωθίνασα λατσσές. Όμως νιωθίνασα ατζέ πο λατσσές κάνα βακεράσα κο γιαβερά ο πράγματα σο σικλιλάμ ντα βοηθιντέ-αμέν τι πλησιάνας πο μπουτ ι Ιεχωβάς. Ο εδάφιος Παροιμίες 11:25 βακερέλα: «Κον λοκχιαρέλα ι γιαβερένγκο γκι κα λοκχιόλ λέσκο-ντα γκι».

Κάνα βακεράσα κο γιαβερά οντουλά σο σικλιάσα, μπορίνασα τι ντας-αμέν γκοντί πο εύκολα ο σημεία ντα τι αγαβάς-λεν πο λατσσές. Ντα επειδή ασακέ σημεία μπορίνενα τι βοηθίνεν γιαβερέν, ντέλα-αμέν χαρά τι βακεράς λένγκε ασακέ διαμάντια κατά Γραφή.​—Πράξ. 20:35.

Δοκιμάνεν ακαβά: Κι εβδομάδα σο κα αβέλ, προσπαθίνεν τι βακερέν εκχέ γιαβερέ τζενέστε κάτι σο σικλιλέν. Μπορίνενα τι κερέν-λες ανταβά εκχέ τζενέστε τουμαρέ φαμιλιάταρ, τουμαρέ κχανγκιριάταρ, τουμαρέ μπουτιάταρ, σε εκ συμμαθητής τουμαρό, σε εκ γείτονας τουμαρό ή εκχέ τζενέστε σο αρακχλέν κο έργος. Προσπαθίνεν τι βακερέν ανταβά σημείος τουμαρέ λαφίντζαρ, απλά ντα ξεκάθαρα.

Ντεν-τουμέν γκοντί: Βακερέν ο σημείος σο σικλιλέν για τι ντεν ζορ κο γιαβερά ντα όχι για τι κερέν λένγκε εντύπωση.​—1 Κορ. 8:1.