Ισί ο Λατσσέ Αμπέρια Μπαγιά Κατά Ντεβέλ;

1. Κον ισί οντουβά σο Γραφιντάς ι Αγία Γραφή;

Η Αγία Γραφή βακερέλα ο λατσσέ αμπέρια ότι ο τζενέ κα τζουβντιόν για πάντα κι πφουβ. (Ψαλμός 37:29) Τθερέλα 66 πιο χουρντέ βιβλία. Ο Ντεβέλ χρησιμοποιηντάς περίπου 40 μουρσέν σο ισινέ πιστοί λέστε για τι γραφίνεν-λα. Ο πρώτα παντς βιβλία γραφιντάς-λεν ο Μωυσής πριν από περίπου 3.500 μπρεσά ντα ο τελευταίος βιβλίος γραφιντάς-λες ο απόστολος Ιωάννης πριν από περίπου 1.900 μπρεσά. Κάσκε λάφια γραφιντέ κι Γραφή; Ο Ντεβέλ ντέλας-λεν πο άγιος πνεύμας ντα αντικάς να γραφιντέ πουμαρέ λάφια, αλλά ι Ντεβλέσκε. (2 Σαμουήλ 23:2) Άρα, οντουβά σο γραφιντάς ι Αγία Γραφή ισί ο Ιεχωβά.​—Διαβάνεν 2 Τιμόθεο 3:16· 2 Πέτρου 1:20, 21.

Ντικχ ο βίντεος Κον Ισί Οντουβά σο Γραφιντάς ι Αγία Γραφή;

2. Σαρ ισινάμ σίγουροι ότι η Αγία Γραφή ισί κατά Ντεβέλ;

Τζανάσα ότι η Αγία Γραφή ισί κατά Ντεβέλ επειδή βακερέλα ακριβώς σο κα αβέλ-πες ανγκλ’ αμέντε. Ούτε εκ τζενό ναστί κερέλα-λες ανταβά. (Ιησούς του Ναυή 23:14) Μόνο ο Ντεβέλ μπορίνελα τι ντικχέλ σο κα αβέλ-πες ανγκλ’ αμέντε.​—Διαβάνεν Ησαΐας 42:9· 46:10.

Ισινάμ σίγουροι ότι εκ βιβλίος κατά Ντεβέλ ισί ξεχωριστός. Δισεκατομμύρια Γραφές ισί σε εκατοντάδες τσσιμπά. Παρόλο σο ισί εκ βιβλίος μπουτέ μπρεσένγκο, συμφωνίνελα με την επιστήμη ντα να βακερέλα λάθος πράγματα. Επίσης, ο 40 μουρσά σο γραφιντέ-λα να βακερένας αντίθετα λάφια ο εκ ι γιαβερέσαρ.a Ατζέ πιο σημαντικός ισί ότι η Γραφή σικαβέλα καμπόρ αγάπη τθερέλα αμένγκε ο Ντεβέλ ντα ότι τθερέλα ι ζορ τι αλλάνελ ι ζωή ι τζενένγκι. Σαρέ ανταλά, κερένα μπουτέ τζενέν τι πακιάν ότι η Αγία Γραφή ισί ι Ντεβλέσκο βιβλίος.​—Διαβάνεν 1 Θεσσαλονικείς 2:13.

Ντικχ ο βίντεος Σαρ Ισινάμ Σίγουροι ότι Οντουλά σο Βακερέλα η Αγία Γραφή Ισί Μπαγιά;

3. Σο λάφια τθερέλα αντρέ η Αγία Γραφή;

Ο θέμας σο τθερέλα η Αγία Γραφή ισί ο λατσσέ αμπέρια, ότι ο Ντεβέλ τθερέλα εκ σουκάρ σκοπός ι τζενένγκε. Βακερέλα σαρ ο τζενέ χασαρντέ ο δώρος σο τθερένας τι τζουβντιόν ατθέ κο παράδεισος κι πφουβ ντα σαρ ο Ντεβέλ κα ξανά κερέλ ι πφουβ παράδεισος.​—Διαβάνεν Αποκάλυψη 21:4, 5.

Η Αγία Γραφή τθερέλα νόμους, εντολές ντα συμβουλές. Επίσης, βακερέλα σο κερέλας ο Ντεβέλ κο πουρανέ μπρεσά ι τζενέντζαρ​—εκ ιστορία σο σικαβέλα κον ισί ο Ιεχωβά. Άρα, βοηθίνελα-τουμέν τι σικλιόν ι Ντεβλές ντα βακερέλα σαρ μπορίνενα τι αβέν λέσκε φίλοι.​—Διαβάνεν Ψαλμός 19:7, 11· Ιακώβου 2:23· 4:8.

4. Σαρ μπορίνενα τι αγαβέν οντουλά σο βακερέλα η Αγία Γραφή;

Για τι αγαβέν ο τζενέ ι Γραφή, ο Ιησούς βακερέλας διάφορα εδάφια ντα εξηγίνελας-λεν. Ανταβά ειδικός βιβλιάριος κερέλα ο ίδιος, ντα αντικάς κα βοηθίνελ-τουμέν τι αγαβέν πιο λατσσές ι Γραφή.​—Διαβάνεν Λουκάς 24:27, 45.

Ισινάμ σίγουροι ότι, άμα κα σικλιόν ο λατσσέ αμπέρια ι Ντεβλέσκε, κα χαιρίνεν μπουτ. Μερικά τζενέ να ενδιαφερίντιβενα λένγκε, ενώ γιαβερά τζενέ να μανγκένα-λεν. Τουμέν, όμως, συνεχίνεν τι σικλιόν, μα σταματίνεν. Για τι τζουβντιόν για πάντα πρέπει τι συνεχίνεν τι σικλιόν ι Ντεβλέσκε.​—Διαβάνεν Ιωάννης 17:3.