ΜΑΘΗΜΑΣ 13
Ο Τιμόθεος Μανγκέλας τι Βοηθίνελ Γιαβερέν
Ο Τιμόθεος ισινέ εκ τερνό τσσαβό σο μπεϊντίνελας τι βοηθίνελ ι γιαβερέν. Οτθάρ, κερέλας ταξίδια σε διάφορα τθανά ντα η ζωή λέσκι ισινέ μπουτ σουκάρ. Μανγκέσα τι σικλιός λέσκε ζωγιάκε;—
Η ντάι ντα η μπάμπα ι Τιμοθεόσκι σικλιαρντέ-λες ι Ιεχωβάσκε
Ο Τιμόθεος μπαριλό εκχέ τθεμέστε σο βακέρντιβελας Λύστρα. Όταν ισινέ χουρντό, η μπάμπα λέσκι η Λωίδα ντα η ντάι λέσκι η Ευνίκη αρχισάλε τι σικλιαρέν-λες ι Ιεχωβάσκε. Καζόμ μπαριόλας, μανγκέλας τι βοηθίνελ ι γιαβερέν τι σικλιόν ι Ιεχωβάσκε.
Όταν ο Τιμόθεος ισινέ τερνό τσσαβό, ο Παύλος μανγκλάς λέσταρ τι τζαν εκ ταξίδι για τι βακερέν ο λατσσέ αμπέρια γιαβερέ τθεμέντε, ντα βοβ γκιλό επειδή μανγκέλας αντράλ πι γκίσταρ τι βοηθίνελ ι γιαβερέν.
Ο Τιμόθεος γκιλό εκ ταξίδι ι Παυλόσαρ κι Θεσσαλονίκη. Για τι τζαν οτθέ, έπρεπε τι πφιρέν μπουτ ντα σοράν τι λεν καράβι. Όταν τελικά ερεσλέ, βοηθιντέ μπουτέ τζενέν τι σικλιόν ι Ιεχωβάσκε. Μερικά τζενέ, όμως, χολιασάλε ντα προσπαθιντέ τι κερέν λένγκε κακός. Οτθάρ, ο Παύλος ντα ο Τιμόθεος έπρεπε τι νασέν οντουλέ τθεμέσταρ για τι τζαν τι κερέν λάφι ι Ντεβλέσκε γιαβερτθέ.
Ο Τιμόθεος τθερέλας εκ σουκάρ ντα ευτυχισμέ ζωή
Μετά από χάνικ μάσεκ, ο Παύλος μανγκλάς κατά Τιμόθεος τι βουρτίνελ παλάλ κι Θεσσαλονίκη για τι ντικχέλ σαρ τζάνας ο πφραλά οτθέ. Χρειαζίντιβελας μπουτ θάρρος για τι τζαλ πάλι οντουλέ τθεμέστε σο, χάνικ πιο πριν, μανγκένας τι κερέν λένγκε κακός! Αλλά ο Τιμόθεος γκιλό επειδή πφαμπόλας ι πφραλένγκε οτθέ. Όταν βουρτισάλο παλάλ κο Παύλος, βακερντάς λέσκε λατσσέ αμπέρια. Ο πφραλά κι Θεσσαλονίκη τζάνας μπουτ λατσσές!
Ο Τιμόθεος ισινέ ι Παυλόσαρ μπουτ μπρεσά. Ο Παύλος γραφιντάς, εκ φαρ, ι Τιμοθεόσκε ότι ισινέ ο πιο λατσσό τζενό σο μπορίνελας τι μπουτσσαβέλ για τι βοηθίνελ ο εκκλησίες ι αληθινέ Χριστιανόνγκε. Ο Τιμόθεος μανγκέλας μπουτ εμ ι Ιεχωβάς εμ ι γιαβερέν.
Τούι τθερέσα αγάπη ι γιαβερένγκε, ντα μανγκέσα τι βοηθίνες-λεν τι σικλιόν ι Ιεχωβάσκε;— Άμα μανγκέσα, τι ζωή κα αβέλ μπουτ ευτυχισμέ ντα σουκάρ, σαρ ισινέ ι Τιμοθεόσκι-ντα!