ΣΗΜΕΙΟΣ 14

Ξεχωρίνεν ο Σημαντικά Σημεία

Εβραίους 8:1

ΧΑΝΙΚ ΛΑΦΙΝΤΖΑΡ: Τι βοηθίνεν ι τζενέν τι παρακολουθίνεν τουμαρί ομιλία, ντα τι σικαβέν ξεκάθαρα σαρ ταιριάνελα ο κάθε σημαντικός σημείος με το σκοπός ντα με το θέμας σο τθερένα.

ΣΟ ΤΙ ΚΕΡΕΝ:

Τι τθερέν εκ σκοπός. Σκεφτίνεν άμα τουμαρί ομιλία μανγκέλα τι ντελ πληροφορίες κο τζενέ, τι κερέλ-λεν τι πακιάν κάτι ή τι ταρτίνελ-λεν τι κερέν πράγματα πουμαρέ ζωγιάτε, ντα σοράν ετοιμάνεν τουμαρί ομιλία ανάλογα με το σκοπός σο τθερέλα. Τι αβέν σίγουροι ότι σαρέ ο σημαντικά σημεία βοηθίνενα-τουμέν τι πετυχίνεν τουμαρό σκοπός.

Πουτσέν τουμαρό νεαυτός: “Καλά ερωτήσεις ή αντιρρήσεις μπορεί τι τθερέν ο τζενέ σο ασουνένα-μαν; Καλέ σειράσαρ κα κερένας ανταλά ερωτήσεις ή κα ανένας ανταλά αντιρρήσεις;” Σοράν, τσσουβέν τουμαρέ σημαντικά σημεία κι ίδια σειρά για τι μπορίνεν ο τζενέ τι παρακολουθίνεν, τι αγαβέν ντα τι δεχτίνεν ο πληροφορίες.
Τι τονίνεν ο θέμας τουμαρέ ομιλιάκο. Καζόμ κερένα τουμαρί ομιλία βακερέν πάλι ο βασικές λέξεις σο τθερέλα τουμαρό θέμας ή χρησιμοποιήνεν λέξεις σο τθερένα ι ίδια σημασία λέντζαρ.
Τι αβέν ο σημαντικά σημεία ξεκάθαρα ντα απλά. Τραμπίνεν σάντε ο σημαντικά σημεία σο ταιριάνενα τουμαρέ θεμάσαρ ντα σο μπορίνενα τι σικλιαρέν με αποτελεσματικός τρόπος κο χρόνος σο τθερένα. Μα τσσουβέν μπουτ σημεία. Βακερέν ξεκάθαρα ο κάθε σημαντικός σημείος, όταν αλλάνενα σημείος μπεσέν χάνικ ντα σοράν τζαν με σουκάρ τρόπος κατά εκ σημείος κο γιαβέρ.

Κα μπορίνενας κι αρχή τι σικαβέν ο σημαντικά σημεία για τι βοηθίνεν ι τζενέν τι παρακολουθίνεν-λεν ή τι βακερέν ανταλά σημεία πάλι κο τέλος για τι μπορίνεν τι ατσσόν λένγκε γκοντιάτε.