ΑΡΧΙΝΕΝ ΕΚ ΣΥΖΗΤΗΣΗ
ΜΑΘΗΜΑΣ 4
Τι Αβέν Ταπεινοί
Εδάφιος: «Με ταπεινότητα τι πακιάν ότι ο γιαβερά ισί πο σημαντικοί τουμένταρ».—Φιλιπ. 2:3.
Σο Κερντάς ο Παύλος
1. Ντικχέν ο ΒΙΝΤΕΟΣ ή διαβάνεν Πράξεις 26:2, 3. Σοράν σκεφτίνεν ο ερωτήσεις:
α. Σαρ σικαντάς ταπεινότητα ο Παύλος ι τροπόσαρ σο κερντάς λάφι κο βασιλιάς Αγρίππας;
β. Σαρ γκερντάς ο Παύλος ι προσοχή κο Ιεχωβά ντα κι Γραφή, ντα όχι πι νεαυτόστε;—Ντικχέν Πράξεις 26:22.
Σο Σικλιάσα Κατά Παύλος;
2. Ο λατσσέ αμπέρια αβένα πο σουκάρ κάνα κεράσα λάφι με ταπεινότητα ντα σεβασμός.
Μοιάζεν κο Παύλος
3. Μα αμντίνεν-τουμέν πο οπρέ κατά γιαβερά. Μα νακχαβέν κο γιαβερά ότι τουμέν τζανένα-λεν σαρέ ντα ότι βον να τζανένα τίποτα. Τι κερέν λέντζαρ λάφι με σεβασμός.
4. Σικαβέν ξεκάθαρα ότι οντουλά σο σικλιαρένα ισί κατά Αγία Γραφή. Ο Λάφι ι Ντεβλέσκο ερεσέλα κο γκι κι τζενένγκο. Κάνα χρησιμοποιήνασα-λες, βοηθίνασα-λεν τι τθερέν πίστη κι Αγία Γραφή ντα όχι αμαρέ λαφίντε.
5. Ατσσόν ήρεμοι. Μα μαρέν-τουμέν τι σικαβέν ότι τθερένα δίκιος. Να μανγκάσα τι χας-αμέν λαφίντζαρ ι τζενέντζαρ. Τι σικαβέν ταπεινότητα καζόμ ατσσόνα ήρεμοι ντα αγαβένα κάνα ισί λατσσό τι νασέν. (Παρ. 17:14· Τίτο 3:2) Κάνα απαντίνασα σουκάρ τροπόσαρ, ανταβά μπορεί τι κερέλ ι τζενές τι μανγκέλ τι ασουνέλ εκ γιαβέρ φαρ.