Μα Ανέν ι Γιαβερέν σε Δύσκολη Θέση

Σο Κερντάς ο Παύλος

ΒΙΝΤΕΟΣ: Ο Παύλος Ντέλα Μαρτυρία κο Αθηναίοι

1. Ντικχέν ο ΒΙΝΤΕΟΣ ή διαβάνεν Πράξεις 17:​22, 23. Σοράν σκεφτίνεν ο ερωτήσεις:

1. α. Σαρ αβιλό ι Παυλόσκε κάνα ντικχλάς ο λάθος πράγματα σο πακιάνας ο τζενέ κι Αθήνα;​—Ντικχέν Πράξεις 17:16.

2. β. Αντίς τι ανέλ ι τζενέν κι Αθήνα σε δύσκολη θέση, σαρ ασταρντάς-πες οντουλένταρ σο πακιάνας για τι βακερέλ λένγκε ο λατσσέ αμπέρια;

Σο Σικλιάσα Κατά Παύλος;

2. Ο πο μπουτ φαρ, ο τζενέ κα ασουνέν-αμέν άμα κα τραμπίνας λατσσές σο βακεράσα, σαρ βακεράσα-λες ντα κάνα βακεράσα-λες.

Μοιάζεν κο Παύλος

3. Τι τραμπίνεν σουκάρ λάφια. Για παράδειγμας, κάνα κερένα λάφι εκχέ τζενέσαρ σο να μπαριλό σαρ Χριστιανός, μπέκιμ κα χρειαζίντιβελ τι αλλάνεν ο τρόπος σο κα κερέν λάφι ι Γραφιάκε ή ι Ιησούσκε.

4. Μα σιγκιαρέν τι διορθώνεν ι τζενές. Μουκχέν-λες τι πουτρέλ πο γκι. Άμα κα βακερέλ κάτι σο να ταιριάνελα οντουλέντζαρ σο βακερέλα η Γραφή, ατσσικιαρέν-τουμέν για μα τι τζαν λέσαρ κόντρα. (Ιακ. 1:​19) Άμα κα ασουνέν ι τζενές, κα αγαβέν πο λατσσές σαρ σκεφτίνελα.​—Παρ. 20:5.

5. Κάνα αβέλα-πες, τι συμφωνίνεν ι τζενέσαρ ντα τι ισαρέν-λες. Μπέκιμ τι πακιάλα μπαγιά ότι λέσκι θρησκεία ισί σωστή. Προσπαθίνεν τι κερέν λάφι εκχέ πραγμάσκε σο ο ντούι-ντα συμφωνίνενα, ντα σοράν βοηθίνεν χάνικ χάνικ ι τζενές τι αγαβέλ σο σικλιαρέλα η Γραφή.