Σαρ τι Σικλιαράς ι Ντεβλέσκε πιο Λατσσές​— Σαρ τι Αρακχάς Σαρέ Οντουλέν σο Ισί Αμαρέ Τομεάστε

ΣΟΣΚΕ ΙΣΙ ΣΗΜΑΝΤΙΚΟΣ: Ο Ζαχαρίας βακερντάας ότι τζενέ σαρέ κατά τθεμά κα δεχτίνενας ο λατσσέ αμπέρια. (Ζαχ 8:​23) Αλλά κον κα σικλιαρέλ-λεν; (Ρω 10:​13-15) Αμέν τθεράσα ο προνόμιος ντα ι ευθύνη τι βακεράς ο λατσσέ αμπέρια σαρέ οντουλέ τζενέντε σο ισί αμαρέ τομεάστε.​—od σ. 84 ¶10, 11.

ΣΟ ΤΙ ΚΕΡΕΝ:

• Προετοιμάνεν-τουμέν. Μήπως αρακχένα τζενέν σο κερένα λάφι γιαβέρ τσσιπ; Μπορίνενα τι χρησιμοποιήνεν ι εφαρμογή JW Language για τι σικλιόν εκ απλή παρουσίαση. Ή τι σικαβέν εκχέ τζενέσκε τουμαρέ κινητόσταρ ή κατά τάμπλετ σαρ τι αρακχέλ πιο μπουτ πληροφορίες πι τσσιμπάτε κο jw.org

• Τι αβέν παρατηρητικοί. Άμα ισινέν κο έργος κχερ κχερέστε, μα μουκχέν καέκ ευκαιρία σο μπορεί τι τθερέν για τι κερέν λάφι ι Ντεβλέσκε οντουλέντε σο νακχένα ή οντουλέντε σο μπεκλεντίνενα κο αυτοκίνητος. Άμα τζάνα κι δημόσια μαρτυρία, τθερέν τουμαρέ γκοντιάτε ο στόχος σο τθερένα τι κερέν λάφι ι Ντεβλέσκε

• Τι κερέν προσπάθειες για τι αρακχέν-λεν. Συνεχίνεν τι ρόντεν οντουλένγκε σο να ισινέ πουμαρέ κχερέστε ι πρώτη φαρ σο γκιλέν. Προσπαθίνεν τι αρακχέν τουλάχιστον εκχέ τζενές σε κάθε κχερ. Για τι αβέλ-πες ανταβά κα μπορίνενας τι τζαν εκ γιαβέρ σαάτι ή εκ γιαβέρ ντιβές. Μερικέ τζενένγκε, μπορεί τι χρειαζίντιβελ τι μπουτσσαβέν εκ γράμμας, τι λεν-λεν εκ τηλέφωνος ή τι αρακχέν-λεν κι δημόσια μαρτυρία για τι κερέν λέντζαρ λάφι

• Τι τζαν πάλι κο τζενέ σο σικαντέ ενδιαφέρον. Τι κερέν σουγκό επανεπίσκεψη κο τζενέ σο σικαντέ ενδιαφέρον. Άμα ο τζενό κερέλα λάφι γιαβέρ τσσιπ, προσπαθίνεν τι αρακχέν εκχέ πφραλές σο μπορίνελα τι βοηθίνελ-λες λέσκε τσσιμπάτε. Πρέπει τι συνεχίνεν τι τζαν μέχρι τι τζαν λέσκε ο πφραλά σο κερένα λάφι λέσκι τσσιπ.​—od σ. 94 ¶39, 40

ΝΤΙΚΧΕΝ Ο ΒΙΝΤΕΟΣ ΚΗΡΥΓΜΑ «ΩΣ ΤΟ ΠΙΟ ΑΠΟΜΑΚΡΥΣΜΕΝΟ ΜΕΡΟΣ ΤΗΣ ΓΗΣ» ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σαρ προετοιμασάλε ο πφραλά ντα ο πφενιά για τι αρακχέν τζενέν εκχέ τομεάστε σο ισινέ μπουτ ντουρ; (1Κο 9:​22, 23)

• 

  Καλά εμπόδια έπρεπε τι νακχαβέν;

• 

  Σο ευλογίες τθερένας;

• Σο προσπάθειες μπορίνενα τι κερέν τουμέν για τι αρακχέν πιο μπουτ τζενέν τουμαρέ τομεάστε;