Συνεργαζίντιβασα για τι Βακεράς ο Λατσσέ Αμπέρια Εκχέ Τομεάστε σο Κερένα Λάφι Διάφορα Τσσιμπά

Ο πιο μπουτ φαρ ο τζενέ δεχτίνενα πιο λατσσές ο αμπέρια ι Βασιλειάκε κάνα ασουνένα-λεν πουμαρέ τσσιμπάτε. Μάλλον ανταβά ισινέ ο λόγος σο κι Πεντηκοστή του 33 Κ.Χ. ο Ιεχωβά κερντάς “Ιουδαιόν σο νταρένας κατά Ντεβέλ ντα ισινέ σαρέ κατά τθεμά σο ισί τελάλ κατά ουρανός” τι ασουνέν κι “τσσιπ σο μπιάντιλε” ο λατσσέ αμπέρια, παρόλο σο μάλλον τζανένας ι εβραϊκή ή ι μπαλαμανί, εκ κατά τσσιμπά σο κερντιόνας λάφι οτθέ. (Πρ 2:5, 8) Αντιβές κο περιοχές σο τζουβντιόνα τζενέ μπουτέ τθεμένταρ, αμαρέ κχανγκιριά σο κερένα συναθροίσεις διαφορετικέ τσσιμπέντε μπορεί τι τθερένα τομέας κο ίδιες γειτονιές. Οτθάρ, μπορεί τι κερένα συχνά προσπάθειες για τι βακερέν ο λατσσέ αμπέρια οντουλέ τομεάστε ντα ανταβά τι κερέλ ι τζενέν σο μπεσένα οντουλέ γειτονιέντε τι νευριάνεν. Σαρ μπορίνενα ο ευαγγελιζόμενοι σο ισί ανταλέ κχανγκιρίνταρ μα τι κερέν κάτι ασακό καζόμ συνεργαζίντιβενα για τι ντεν μαρτυρία σαριλέντε;

• 

  Τι βακερέν ο εκ κο γιαβέρ τουμαρί άποψη (Παρ 15:​22): Ο επίσκοποι υπηρεσίας πρέπει τι βακερέν ο εκ κο γιαβέρ πουμαρί άποψη για τι αποφασίνεν σαρ κα βακερέν ο λατσσέ αμπέρια με εκ τρόπος σο κα αβέλ ο πιο λατσσό σαρέ ι κχανγκιρίνγκε σο ισί οτθέ. Ο κχανγκιριά σο βακερένα ο λατσσέ αμπέρια γιαβερέ τσσιμπέντε, άμα λένγκο τομέας ισί χουρντό, μπορεί μα τι μανγκένα τι τζαλ τουμαρί κχανγκιρί κχερέντε σο κερντιόλα λάφι λένγκι τσσιπ. Όμως, άμα να μπορίνενα τι κερέν τακτικά σαρό πουμαρό τομέας επειδή ισί μπαρό, μπορεί τι μανγκέν τουμένταρ τι τζαν κο κχερά σο κερντιόλα λάφι λένγκι τσσιπ, αλλά τι βακερέν λένγκε όταν εκ τζενό κα σικαβέλ ενδιαφέρον. (od σ. 93 ¶37) Ή μπορεί τι μανγκέν τουμαρέ κχανγκιριάταρ τι βοηθίνελ-λεν τι αρακχέν τζενέν σο κερένα λάφι λένγκι τσσιπ για τι τσσουβέν ο διευθύνσεις οντουλέ τζενένγκε πουμαρέ τομεάστε. Τι ντεν-τουμέν γκοντί ότι, μπάζιμ, μπορεί ο τζενέ σο μπεσένα κο ίδιος κχερ τι κερένα λάφι πιο μπουτ από εκ τσσιπ. Ο πράγματα σο κανονίντιβενα για τι κερντιόλ σαρό ο τομέας πρέπει τι ταιριάνεν με το νόμοι σο υπαρχίντιβενα ντα τθερένα τι κερέν με το προσωπικά δεδομένα.

• 

  Τι συνεργαζίντιβεν (Εφ 4:​16): Τι ακολουθίνεν σο-ντα οδηγία ντέλα-τουμέν τουμαρό επίσκοπος υπηρεσίας. Μήπως κερένα μελέτη κατά Γραφή εκχέ τζενέσαρ σο μπεϊντίνελα πιο μπουτ εκ τσσιπ σο να κερένα-λα λάφι τουμαρέ κχανγκιριάτε; Ο τζενό μπορεί τι κερέλ πρόοδος πιο σουγκό άμα κα ντεν ι μελέτη εκχέ κχανγκιριάτε ή εκχέ ομιλόστε σο κερένα λάφι λέσκι τσσιπ ντα ισί οτθέ πασέ.

• 

  Τι προετοιμάντιβεν (Παρ 15:​28· 16:1): Άμα κα αρακχέν εκχέ τζενές τουμαρέ τομεάστε σο κερέλα λάφι γιαβέρ τσσιπ, κερέν ο πιο λατσσό σο μπορίνενα για τι βακερέν λέσκε ο λατσσέ αμπέρια. Για τι προετοιμάντιβεν, σκεφτίνεν καλά τσσιμπά μπορεί τι αρακχέν ντα γουλιαρέν πιο τζανγκλέ μεταφράσεις ι Γραφιάκε ντα βίντεα κο τάμπλετ ή τουμαρέ κινητόστε. Μπορίνενα επίσης τι χρησιμοποιήνεν ι εφαρμογή JW Language για τι σικλιόν εκ χαιρετισμός μερικέ τσσιμπέντε.