Τι Χρησιμοποιήνεν ο Βίντεα για τι Σικλιαρέν ι Τζενέν σο Κερένα Μελέτη

Ο πράγματα σο σικαβάσα κο τζενέ ταρτίνενα λένγκι προσοχή ντα βοηθίνενα-λεν τι αγαβέν ντα τι ντεν-πες γκοντί οντουβά σο σικλιλέ. Αμαρό Μπαρό Εκπαιδευτής, ο Ιεχωβά, σικαβέλας πράγματα κο γιαβερά για τι σικλιαρέλ σημαντικά μαθήματα. (Γε 15:5· Ιερ 18:​1-6) Ο Ιησούς-ντα, ο Μπαρό Δάσκαλος, κερέλας ο ίδιος. (Ματ 18:​2-6· 22:​19-21) Κάτι σο σικαβάσα κο τζενέ ντα βοηθίνελα μπουτ ο τελευταία μπρεσά ισί ο βίντεα. Χρησιμοποιήνενα τουμέν ο βίντεα κάνα σικλιαρένα ι τζενέν σο κερένα μελέτη;

Υπαρχίντιβενα ντες βίντεα για τι βοηθίνεν-αμέν όταν σικλιαράσα κατά μαθήματα σο ισί κο βιβλιάριος Ο Λατσσέ Αμπέρια ι Ντεβλέσκε! Ο πιο μπουτ φαρ, ο τίτλος ι κάθε βιντεόσκο τθερέλα τι κερέλ με εκ κατά ερώτηση σο ισί με καλέ γράμματα κο βιβλιάριος. Κο ψηφιακές εκδόσεις υπαρχίντιβενα σύνδεσμοι σο σικαβένα αμένγκε κάνα μπορίνασα τι σικαβάς ο κάθε βίντεος. Επίσης, υπαρχίντιβενα κάποια γιαβερά βίντεα σο μπορίνασα τι σικαβάς κάνα χρησιμοποιήνασα ο εκδόσεις μελέτης κατά Εργαλεία για τι Σικλιαράς.

Μήπως συζητίνενα ι τζενέσαρ σο κερένα-λες μελέτη εκχέ θεμάσκε κατά Γραφή σο να μπορίνελα τι αγαβέλ; Ή μήπως ο τζενό σο κερένα-λες μελέτη νακχέλα εκ συγκεκριμέ δοκιμασία; Ρόντεν κο βίντεα σο υπαρχίντιβενα κο jw.org® ντα κο JW Broadcasting® για τι αρακχέν οντουβά σο κα βοηθίνελ-λες. Ίσως κα μπορίνενας τι ντικχέν γιεκ λέσαρ εκ βίντεος ντα σοράν τι συζητίνεν-λες.

Κάθε μάσεκ, νικιόνα νεβέ βίντεα. Ενώ ντικχένα-λεν, σκεφτίνεν σαρ κα μπορίνενας τι χρησιμοποιήνεν-λεν κάνα σικλιαρένα γιαβερέν.