Τερνάλεν​—Πουτρέν Τουμαρό Γκι Τουμαρέ Νταντέστε ντα Νταγιάτε

Σόσκε πρέπει τι βακερές τι νταντέσκε ντα τι νταγιάκε οντουλά σο τθερέσα τι γκοντιάτε; (Παρ 23:​26) Σόσκε ο Ιεχωβά ντινάς-λεν ι ευθύνη τι αρακχαβέν-τουτ ντα τι σικλιαρέν-τουτ. (Ψλ 127:3, 4) Κα αβέλας δύσκολος λένγκε τι βοηθίνεν-τουτ άμα κα γκεραβέας λένταρ σαρέ οντουλά σο χάνα τι γκοντί. Ατζέ, κα χασαρέας ι ευκαιρία τι σικλιός κατά μπουτ πράγματα σο σικλιλέ πουμαρέ ζωγιάταρ. Ισί λάθος μα τι μουτθαβές μερικά πράγματα; Όχι πάντα. Αλλά τθερ τι γκοντί μα τι κερές-λες ανταβά για τι χουχαβές-λεν.​—Παρ 3:32.

Σαρ μπορίνεσα τι κερές λάφι τι νταντέσαρ ντα τι νταγιάσαρ; Τράμπινε εκ σαάτι σο ισί λατσσό εμ τούκε εμ λένγκε. Άμα ντικχίντιβελα μπουτ πφαρό τούκε, κα μπορίνεας τι γραφίνες εκ γράμμας είτε τι νταντέσκε είτε τι νταγιάκε για τι βακερές σο τθερέσα τι γκίστε. Σο αβέλα-πες άμα βον μανγκένα τι κερέν τούσαρ λάφι εκχέ πραγμάσκε αλλά τούι να μανγκέσα αζόμ μπουτ; Μα μπίσταρ ότι μανγκένα τι βοηθίνεν-τουτ. Βον ισί το αμαλά, νανέ ντουσμάνια. Άμα κερέσα ο πο λατσσό για τι κερές λάφι τι νταντέσαρ ντα τι νταγιάσαρ, κα ντικχές λατσσιπέ σαρί τι ζωή, για πάντα!​—Παρ 4:​10-12.

ΝΤΙΚΧΕΝ Ο ΒΙΝΤΕΟΣ ΜΟ ΤΕΡΝΙΚΑΝΕ ΜΠΡΕΣΑ​—ΣΑΡ ΤΙ ΚΕΡΑΒ ΛΑΦΙ ΜΙ ΝΤΑΝΤΕΣΑΡ ΝΤΑ ΜΙ ΝΤΑΓΙΑΣΑΡ; ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σο αγαντέ η Έστερ ντα ο Παρτίκ πουμαρέ νεαυτόσκε;

• 

  Σο σικλιόσα κατά Ιησούσκο παράδειγμας;

• 

  Σαρ σικαντάς το ντατ ντα τι ντάι ότι πφαμπόνα τούκε;

• 

  Καλά λάφια κατά Γραφή κα μπορίνενας τι βοηθίνεν-τουτ τι κερές λάφι τι νταντέσαρ ντα τι νταγιάσαρ;