Σο Σικλιάσα Κατά Σαμουηλίσκι Ζωή

Ο Σαμουήλ ατσσιλό πιστός κο Ιεχωβά σαρί πι ζωή. Κάνα ισινέ χουρντό, να μανγκλάς τι κερέλ μπέτι πράγματα σαρ ο τσσαβέ ι Ηλείσκε, ο Οφνεί ντα ο Φινεές. (1Σα 2:​22-26) Ο Σαμουήλ μπαριόλας ντα ο Ιεχωβά ισινέ λέσαρ. (1Σα 3:​19) Κάνα πφουρίλιλοας, να τσσιναντάας τι πφιρέλ κι Ιεχωβάσκο ντρομ, παρόλο σο λέσκε τσσαβέ τσσιναντέας.​—1Σα 8:​1-5.

Σο σικλιαρέλα-αμέν ο παράδειγμας ι Σαμουηλίσκο; Άμα ισινέν τερνέ, τι αβέν σίγουροι ότι ο Ιεχωβά αγαβέλα ο προβλήματα σο νακχένα ντα σο τθερένα τουμαρέ γκίστε. Μπορίνελα τι βοηθίνελ-τουμέν μα τι νταρέν. (Ησ 41:​10, 13) Άμα τουμαρό τσσαβό νασλό κατά Ντεβλέσκο ντρομ, τι ντεν-τουμέν γκοντί ότι ο Σαμουήλ-ντα ναστί τσσουβέλας ζορίσαρ πι μπαρέ τσσαβέν τι ντεν καν κι Ιεχωβάσκε λάφια. Ανταβά μπορεί τι λοκχιαρέλ τουμαρό γκι. Ο Σαμουήλ μουκχλάς ο πρόβλημας κι Ιεχωβάσκε βαστά ντα κι ίδια στιγμή ατσσικιαρέλας σαστό πο γκι πι Νταντέστε κο Ιεχωβά ντα κερέλας σο μανγκέλας λέσταρ. Μπέκιμ τουμαρό λατσσό παράδειγμας τι τσσίντελ τουμαρέ τσσαβές τι βουρτίνελ κο Ιεχωβά.

ΝΤΙΚΧΕΝ Ο ΒΙΝΤΕΟΣ ΣΙΚΛΙΟΝ ΛΕΝΤΑΡ​—ΣΑΜΟΥΗΛ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σαρ σικαντάς ο χουρντό Σαμουήλ ότι να νταρέλας;

• 

  Σαρ σικαντάς ο Ντάνι ότι να νταρέλας;

• 

  Σαρ ντινάς ο Σαμουήλ λατσσό παράδειγμας κάνα ισινέ πφουρό;

• 

  Σαρ ντινάς λατσσό παράδειγμας ο ντατ ντα η ντάι ι Ντανίσκε;