Βοηθίνεν Οντουλέν σο Κερένα-λεν Μελέτη τι Τσσιναβέν ο Μπέτι Συνήθειες

Σάντε οντουλά σο ισί πάκι κι Ιεχωβάσκε γιακχά μπορίνενα τι αβέν λατσσέ αμαλά λέσαρ. (1Πε 1:​14-16) Κάνα ο τζενέ σο κερένα μελέτη τσσιναβένα ο μπέτι συνήθειες, μπορεί τι τθερέν πο ευτυχισμέ φαμιλί, πο λατσσί υγεία ντα μα τι χαλαβέν σινανέ πουμαρέ λοβέ.

Ντεν-λεν τι αγαβέν σαρ τι ατσσόν πάκι κι Ιεχωβάσκε γιακχά, σόσκε πρέπει τι κερέν-λες ανταβά ντα καλά λατσσίματα κα λεν. Κερέν ο πο λατσσό για τι βοηθίνεν ι τζενέν σο σικλιόνα ι Ντεβλέσκε τι αλλάνεν ο τρόπος σο σκεφτίνενα, ντα αντικάς τι κερέν κορκορέ οντουβά σο μανγκέλα ο Ιεχωβά. (Εφ 4:​22-24) Τι βακερέν λένγκε ότι ι Ιεχωβάσκε ζοριάσαρ μπορίνενα τι τσσιναβέν εκ μπέτι πράγμας σο ισί σικλέ τι κερέν. (Φλπ 4:​13) Σικλιαρέν-λεν τι μολίνεν ι Ιεχωβάς για τι βοηθίνελ-λεν κάνα αβέλα λένγκε τι κερέν κάτι γκεραλό ντα τι αμαρτίνεν. Βοηθίνεν-λεν τι αγαβέν σο πράγματα τσσουβένα-λεν κο πειρασμός για τι νασέν ντουρ ανταλένταρ. Βακερέν λένγκε τι κερέν πράγματα σο κα ανέν λένγκε λατσσιπέ. Κάνα ντικχένα ι τζενέν τι κερέν αλλαγές ι Ιεχωβάσκε ζοριάσαρ, τουμέν κα πφερντιόν χαρά.

ΝΤΙΚΧΕΝ Ο ΒΙΝΤΕΟΣ ΒΟΗΘΙΝΕΝ ΟΝΤΟΥΛΕΝ ΣΟ ΚΕΡΕΝΑ-ΛΕΝ ΜΕΛΕΤΗ ΤΙ ΤΣΣΙΝΑΒΕΝ Ο ΜΠΕΤΙ ΣΥΝΗΘΕΙΕΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σαρ ο πρεσβύτεροι ντα η Νίτα ντινέ μπέσα κι Τζέιντ;

• 

  Σαρ βοηθιντάς η Νίτα πο μπουτ ι τζενιά;

• 

  Σαρ μανγκλάς η Τζέιντ βοήθεια κατά Ιεχωβά;