Βοηθίνεν Οντουλέν σο Κερένα-λεν Μελέτη τι Αβέν Λατσσέ Αμαλά ι Ιεχωβάσαρ

Ο Ιεχωβά μανγκέλα τι υπηρετίνας-λες μανγκιμάσαρ. (Ματ 22:​37, 38) Ο μανγκιπέ σο τθερένα ι Ντεβλέσκε ο τζενέ σο κερένα μελέτη, κα ντελ-λεν ι ζορ για τι κερέν ο αλλαγές σο χρειαζίντιβελα ντα μα τι τσσίντεν-πες παλάλ κο δοκιμασίες. (1Ιω 5:3) Ο μανγκιπέ σο τθερένα ι Ντεβλέσκε κα κερέλ-λεν τι μπολντιόν.

Τι βοηθίνεν ι τζενέν σο κερένα-λεν μελέτη τι ντικχέν καζόμ μανγκέλα-λεν ο Ντεβέλ. Τι κερέν λένγκε ερωτήσεις σαρ: «Σο σικλιαρέλα-τουτ ανταβά ι Ιεχωβάσκε;» ή «Σαρ σικαβέλα ανταβά ότι ο Ντεβέλ μανγκέλα-τουτ;» Τι βοηθίνεν-λεν τι αγαβέν σαρ βοηθίνελα-λεν ο Ιεχωβά λένγκε ζωγιάτε. (2Χρ 16:9) Τι πουτρέν λένγκε σαρ απαντιντάς τουμένγκε ο Ιεχωβά συγκεκριμέ προσευχιέντε, ντα τι βακερέν ι τζενένγκε ότι ισί λατσσό τι τσσουβέν σημασία σαρ απαντίνελα ο Ιεχωβά λένγκε-ντα προσευχιέντε. Χαιρίνασα μπουτ κάνα ντικχάσα ι τζενέν τι νιωθίνεν ο μανγκιπέ ι Ιεχωβάσκο, τι σικαβέν λέσκε βον-ντα πουμαρό μανγκιπέ ντα τι αβέν λέσκε αμαλά.

ΝΤΙΚΧΕΝ Ο ΒΙΝΤΕΟΣ ΒΟΗΘΙΝΕΝ ΟΝΤΟΥΛΕΝ ΣΟ ΚΕΡΕΝΑ-ΛΕΝ ΜΕΛΕΤΗ ΤΙ ΑΒΕΝ ΛΑΤΣΣΕ ΑΜΑΛΑ Ι ΙΕΧΩΒΑΣΑΡ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σο δοκιμασία νακχέλας η Τζέιντ;

• 

  Σαρ βοηθιντάς η Νίτα ι τζενιά;

• 

  Σαρ νακχαντάς η Τζέιντ πι δοκιμασία;