ΣΑΡ ΤΙ ΣΙΚΛΙΑΡΑΣ Ι ΝΤΕΒΛΕΣΚΕ ΠΟ ΛΑΤΣΣΕΣ | ΜΠΑΡΙΑΡΕΝ ΤΟΥΜΑΡΙ ΧΑΡΑ ΚΟ ΕΡΓΟΣ
Σικλιαρέν Οντουλέν σο Κερένα-λεν Μελέτη τι Παρβαρέν Πνευματικά Πουμαρό Νεαυτός
Για τι σικλιόν ι Ιεχωβάσκε ντα τι τθερέν ζουρανί φιλία λέσαρ, ο τζενέ σο κεράσα-λεν μελέτη να ερεσέλα τι σικλιόν σάντε οντουλά σο σικλιαράσα-λεν. (Ματ 5:3· Εβρ 5:12–6:2) Πρέπει τι σικλιόν σαρ τι παρβαρέν-πες πνευματικά.
Ντιπ κατά αρχή, σικαβέν κο τζενέ σο κερένα-λεν μελέτη σαρ τι προετοιμάντιβεν πουμαρέ μελετιάκε, ντα βακερέν λένγκε τι κερέν-λες ανταβά. (mwb18.03 6) Τι βακερέν λένγκε ότι ισί λατσσό τι προσευχίντιβεν κάθε φαρ πριν τι σικλιαρέν-πες. Βοηθίνεν-λεν τι αρακχέν ντα τι χρησιμοποιήνεν ο εργαλεία ι σικλιαριμάσκε, σαρ ισί ο JW Library®, ο jw.org ντα η Σκοπιά—ΒΙΒΛΙΟΘΗΚΗ ΚΟ ΙΝΤΕΡΝΕΤ™. Σικαβέν λένγκε σαρ τι αρακχέν σο νεβό νικιόλα κο ιστότοπος ντα κο JW Broadcasting®. Χάνικ χάνικ σικλιαρέν-λεν τι διαβάνεν ι Γραφή κάθε ντιβές, τι προετοιμάντιβεν ι συναθροισιένγκε ντα τι ρόντεν για τι σικλιόν οντουλά σο μανγκένα. Βοηθίνεν-λεν τι σκεφτίνεν λατσσές οντουλά σο σικλιόνα.
ΝΤΙΚΧΕΝ Ο ΒΙΝΤΕΟΣ ΒΟΗΘΙΝΕΝ ΟΝΤΟΥΛΕΝ ΣΟ ΚΕΡΕΝΑ-ΛΕΝ ΜΕΛΕΤΗ ΤΙ ΣΙΚΛΙΟΝ ΣΑΡ ΤΙ ΠΑΡΒΑΡΕΝ ΠΝΕΥΜΑΤΙΚΑ ΠΟΥΜΑΡΟ ΝΕΑΥΤΟΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:
Σαρ ντινάς η Νίτα κι Τζέιντ τι αγαβέλ ότι να ερεσέλα σάντε τι τζανέλ ο απαντήσεις κι μελέτη;
Σο βοηθιντάς την Τζέιντ τι πακιάλ ότι ο Ιεχωβά τθερέλα δίκιος σο να μουκχέλα ο λουμνιπέ;
Σικλιαρέν οντουλέν σο κερένα-λεν μελέτη τι παρβαρέν πουμαρί γκοντί ντα πουμαρό γκι
Σο αγαντάς η Τζέιντ ότι αβέλα-πες κάνα σκεφτίνελα λατσσές οντουλά σο διαβάνελα;