Σαρ κα Αρακχές Εκχέ Τζενές για τι Παντρίνες;

1, 2. (α) Καλά πράγματα πρέπει τι σκεφτίνεν προσεκτικά ο μπίπαντριμε Χριστιανοί πριν τι αρχίνεν γνωριμία; (β) Σο μανγκέλα τι βακερέλ «γνωριμία»; (Ντικχέν «Σο Μανγκέλα τι Βακερέλ»)

ΜΑΝΓΚΕΣΑ τι παντρίνες; Παρόλο σο να χρειαζίντιβελα τι παντρίνελ κάποιος για τι αβέλ ευτυχισμέ, μπουτ μπίπαντριμε Χριστιανοί, είτε ισί τερνέ είτε ισί πο μπαρέ κι ηλικία, κα μανγκένας τι παντρίνεν. Σίγουρα, πριν τι αρχίνες εκ γνωριμία, πρέπει τι τθερές λατσσί φιλία ι Ιεχωβάσαρ, τι τζανές λατσσές το νεαυτός ντα τι μπορίνες τι νικαβές ο λοβέ σο χρειαζίντιβενα για τι φροντίνες τι φαμιλί.a (1 Κορ. 7:36) Άμα κα κερές-λεν ανταλά, κα αβέλ πο σίγουρος ότι κα τθερές εκ ευτυχισμέ μπιαβ.

² Όμως, νανέ πάντα εύκολος τι αρακχές εκχέ λατσσέ τζενές για τι παντρίνες. (Παρ. 31:10) Αλλά ατζέ-ντα άμα κα αρακχές εκχέ τζενές σο κα μανγκέας τι γνωρίνες-λες πο λατσσές, μπέκιμ νανέ εύκολος τι αρχίνες γνωριμία.b Ανταλέ μαθημάστε, κα ντικχάς σο μπορίνελα τι βοηθίνελ ι μπίπαντριμε Χριστιανόν τι αρακχέν εκχέ τζενές για τι παντρίνεν ντα τι αρχίνεν γνωριμία. Κα σικλιάς επίσης σαρ μπορίνενα ο γιαβερά κι κχανγκιρί τι βοηθίνεν ι μπίπαντριμε πφραλέν ντα πφενίν σο μανγκένα τι παντρίνεν.

ΣΑΡ ΚΑ ΑΡΑΚΧΕΣ ΕΚΧΕ ΛΑΤΣΣΕ ΤΖΕΝΕΣ ΓΙΑ ΤΙ ΠΑΝΤΡΙΝΕΣ

3. Καλά πράγματα πρέπει τι σκεφτίνελ εκ μπίπαντριμε Χριστιανός κάνα μανγκέλα τι αρακχέλ εκχέ τζενές για τι παντρίνελ;

³ Άμα μανγκέσα τι παντρίνες, ισί πο λατσσό τι τζανές καλά ιδιότητες κα μανγκέας τι τθερέλ ο γιαβέρ τζενό πριν τι αρχίνες εκ γνωριμία. Άμα να κα κερές-λες ανταβά, μπέκιμ κα γνωρίνες εκχέ λατσσέ τζενές αλλά να κα αγαβές ότι ισί τούκε. Ή μπέκιμ κα αρχίνες γνωριμία εκχέ τζενέσαρ σο να ταιριάνελα τούκε. Σίγουρα, καλέ-ντα τζενές τι τραμπίνες, πρέπει τι αβέλ μπολντό πφραλ ή πφεν. (1 Κορ. 7:39) Αλλά σάντε επειδή εκ τζενό ισί μπολντό, να μανγκέλα τι βακερέλ ότι κα ταιριάνελ τούκε. Οτθάρ, μπορίνεσα τι σκεφτίνες: “Καλά στόχους τθεράβα μι ζωγιάτε; Καλά ιδιότητες πρέπει τι τθερέλ μο ρομ ή μι ρομνί; Ισί λογικά οντουλά σο μπεκλεντίναβα λέσταρ ή λάταρ;”

4. Καλά πράγματα βακερντέ μερικοί πουμαρέ προσευχιέντε;

⁴ Άμα μανγκέσα τι παντρίνες, σίγουρα κερντάν προσευχή ανταλέσκε. (Φιλιπ. 4:6) Όμως, ο Ιεχωβά να ντέλα πο λάφι ότι λέσκε υπηρέτες κα αρακχέν εκχέ τζενές για τι παντρίνεν. Αλλά ενδιαφερίντιβελα μπουτ για το ανάγκες σο τθερέσα ντα οντουλένγκε σο νιωθίνεσα, ντα μπορίνελα τι βοηθίνελ-τουτ καζόμ προσπαθίνεσα τι αρακχές εκχέ τζενές για τι παντρίνες. Οτθάρ, συνέχινε τι βακερές λέσκε σο μανγκέσα ντα σαρ νιωθίνεσα. (Ψαλμ. 62:8) Τι κερές προσευχή για τι ντελ-τουτ υπομονή ντα σοφία. (Ιακ. 1:5) Ο Τζον,c εκ μπίπαντριμε πφραλ κατά Ηνωμένες Πολιτείες, εξηγίνελα σο βακερέλα πι προσευχιέντε: «Βακεράβα κο Ιεχωβά καλά ιδιότητες μανγκάβα τι τθερέλ μι ρομνί. Προσευχίντιβαβα τι τθεράβ ευκαιρίες τι γνωρίναβ εκχέ λατσσέ πφενιά. Μανγκάβα επίσης κατά Ιεχωβά τι βοηθίνελ-μαν τι μπαριαράβ ιδιότητες σο κα κερέν-μαν λατσσό ρομ». Η Τάνια, εκ πφεν κατά Σρι Λάνκα, βακερέλα: «Καζόμ προσπαθίναβα τι αρακχάβ εκχέ λατσσέ ρομές, μανγκάβα κατά Ιεχωβά τι βοηθίνελ-μαν τι ατσσάβ πιστή λέστε ντα ευτυχισμέ». Ατζέ-ντα άμα κα χρειαζίντιβελ τι μπεσές πο μπουτ από ό,τι αμντίνεας για τι αρακχές εκχέ ρομές ή ρομνιά, ο Ιεχωβά ντέλα πο λάφι ότι κα συνεχίνελ τι ντελ-τουτ ο αναγκαία ντα τι σικαβέλ τούκε ι αγάπη ντα ι προσοχή σο χρειαζίντιβεσα.​—Ψαλμ. 55:22.

5. Καλά ευκαιρίες τθερένα ο μπίπαντριμε Χριστιανοί τι γνωρίνεν τζενέν σο μανγκένα ι Ιεχωβάς; (1 Κορινθίους 15:58) (Ντικχέν ι φωτογραφία-ντα)

⁵ Η Αγία Γραφή βακερέλα αμένγκε τι τθεράς “μπουτ πράγματα τι κεράς κο έργος κι Κυριόσκο”. (Διαβάνεν 1 Κορινθίους 15:58) Άμα κερέσα μπουτ πράγματα κι υπηρεσία κι Ιεχωβάσκι ντα νακχέσα σαάτι μπουτέ πφραλέντζαρ ντα πφενίντζαρ, ανταλά παρέες κα ντεν-τουτ ζορ. Εκτός ανταλέσταρ, κα τθερές ευκαιρίες-ντα τι γνωρίνες μπίπαντριμε τζενέν σο, βον-ντα, κερένα μπουτ πράγματα ι Ιεχωβάσκε, σαρ τούι. Ντα καζόμ μαρέσα-τουτ για τι κερές ι Ιεχωβάσκο γκι, κα νιωθίνες μπαγιά ευτυχισμέ.

6. Σο πρέπει τι τθερέν πουμαρέ γκοντιάτε ο μπίπαντριμε Χριστιανοί καζόμ προσπαθίνενα τι παντρίνεν;

⁶ Προσόχινε όμως: Καζόμ προσπαθίνεσα τι παντρίνες, μα τι μουκχές ανταβά ζήτημας τι αβέλ ο πο σημαντικός πράγμας τι ζωγιάτε. (Φιλιπ. 1:10) Για τι αβές μπαγιά ευτυχισμέ, ανταβά να τθερέλα τι κερέλ ι παντριάσαρ, αλλά άμα τθερέσα λατσσί φιλία ι Ιεχωβάσαρ. (Ματθ. 5:3) Επίσης, καζόμ ισινάν μπίπαντριμε, μπέκιμ τθερέσα πο μπουτ σαάτι για τι κερές πο μπουτ πράγματα κο έργος. (1 Κορ. 7:32, 33) Χρησιμοποίηνε ανταβά σαάτι καζόμ πο λατσσές μπορίνεσα. Η Τζέσικα, εκ πφεν κατά Ηνωμένες Πολιτείες σο παντρισάλι σχεδόν 40 μπρεσένγκι, βακερέλα: «Κεράβας μπουτ πράγματα κο έργος, ντα ανταβά βοηθίνελας-μαν τι αβάβ ευτυχισμέ μι ζωγιάτε παρόλο σο μανγκάβας τι παντρίναβ».

ΝΤΕ ΤΙ ΣΑΑΤΙΣΤΑΡ ΓΙΑ ΤΙ ΝΤΙΚΧΕΣ ΛΑΤΣΣΕΣ Ι ΤΖΕΝΕΣ

7. Σόσκε ισί γκοντιαβέρ τι ντικχές προσεκτικά εκχέ τζενές για κάποιο βακίτι πριν τι βακερές λέσκε σαρ νιωθίνεσα; (Παροιμίες 13:16)

⁷ Σο αβέλα-πες άμα πακιάσα ότι εκ τζενό κα αβέλας λατσσό ρομ ή ρομνί τούκε; Ισί σωστός τι βακερές λέσκε αμέσως σαρ νιωθίνεσα; Η Γραφή βακερέλα ότι ο γκοντιαβέρ τζενό σικλιόλα μπουτ πράγματα πριν τι λελ εκ απόφαση. (Διαβάνεν Παροιμίες 13:16) Οτθάρ, πριν τι βακερές εκχέ τζενέσκε σαρ νιωθίνεσα, ισί γκοντιαβέρ τι ντικχές-λες προσεκτικά για κάποιο βακίτι, χωρίς τι αγαβέλ-λες βοβ. «Ο αισθήματα μπορεί τι μπαριόν σουγκό, αλλά τι νασέν-ντα σουγκό», βακερέλα ο Έσγουιν κατά Ολλανδία. «Οτθάρ, άμα κα ντες τι σαατίσταρ για τι ντικχές προσεκτικά εκχέ τζενές, να κα αρχίνες γνωριμία χωρίς τι σκεφτίνες-λες λατσσές». Επίσης, καζόμ ντικχέσα προσεκτικά ανταλέ τζενές, μπέκιμ τι αγαβές ότι να κα αβέλας λατσσό ρομ ή ρομνί τούκε.

8. Σαρ μπορίνελα εκ μπίπαντριμε τζενό τι ντικχέλ προσεκτικά εκχέ τζενές σο μανγκέλα τι παντρίνελ; (Ντικχέν ι φωτογραφία-ντα)

⁸ Σαρ κα μπορίνεας τι ντικχές προσεκτικά ανταλέ τζενές, χωρίς τι αγαβέλ-λες βοβ; Κο συναθροίσεις ή κο παρέες, κα μπορίνεας τι ντικχές προσεκτικά άμα τθερέλα λατσσί φιλία ι Ιεχωβάσαρ, σαρ ισί λέσκο χαρακτήρας ντα σαρ συμπεριφερίντιβελα. Καλά ισί λέσκε αμαλά, ντα καλέ πραγματένγκε κερέλα λάφι; (Λουκ. 6:45) Ισί λέσκε στόχοι σαρ ο στόχοι σο τθερέσα τούι; Μπορίνεσα τι κερές λάφι ι πρεσβυτερόντζαρ λέσκε κχανγκιριάταρ ή γιαβερέ ώριμε πφραλέντζαρ σο τζανένα-λες λατσσές. (Παρ. 20:18) Μπορίνεσα τι πουτσές σο ναβ τθερέλα ντα καλά ιδιότητες σικαβέλα. (Ρουθ 2:11) Καζόμ ντικχέσα προσεκτικά ανταλέ τζενές, μα τι ανές-λες σε δύσκολη θέση ντα τι σεβάνες λέσκε αισθήματα. Να κα αβέλας σωστός τι αβές συνέχεια παλά-λέστε ή τι προσπαθίνες τι σικλιός σαρέ ο πράγματα λέσκε.

9. Πριν τι βακερές εκχέ τζενέσκε σαρ νιωθίνεσα λέσκε, καλέ πραγματένγκε πρέπει τι αβές σίγουρος;

⁹ Καζόμ βακίτι πρέπει τι ντικχές προσεκτικά ανταλέ τζενές πριν τι βακερές λέσκε σαρ νιωθίνεσα; Άμα κα κερές λέσκε λάφι μπουτ σουγκό, ανταβά τζενό μπορεί τι πακιάλ ότι να σκεφτίνεσα προσεκτικά πριν τι λες εκ απόφαση. (Παρ. 29:20) Οκιά μπάνταρ, άμα κα νακχέλ μπουτ βακίτι μέχρι τι κερές λέσκε λάφι, ανταβά τζενό μπορεί τι σκεφτίνελ ότι σακιντίνεσα μπουτ πριν τι λες εκ απόφαση, ατζέ πο μπουτ άμα αγαντάς ότι ενδιαφερίντιβεσα λέσκε. (Εκκλ. 11:4) Ντε-τουτ γκοντί ότι, πριν τι βακερές εκχέ τζενέσκε σαρ νιωθίνεσα λέσκε, να χρειαζίντιβελα τι αβές σίγουρος ότι κα παντρίνες λέσαρ. Χρειαζίντιβελα όμως τι αβές σίγουρος ότι τούι ισινάν έτοιμος τι παντρίνες ντα ότι ο γιαβέρ τζενό ντικχίντιβελα λατσσό ρομ ή ρομνί τούκε.

10. Σο πρέπει τι κερές άμα κα αγαβές ότι εκ τζενό ενδιαφερίντιβελα τούκε, αλλά τούι να νιωθίνεσα κάτι λέσκε;

¹⁰ Σο αβέλα-πες όμως άμα κα αγαβές ότι εκ τζενό ενδιαφερίντιβελα τούκε; Άμα τούι να νιωθίνεσα κάτι λέσκε, προσπάθινε τι σικαβές-λες ανταβά ξεκάθαρα ι τροπόσαρ σο συμπεριφερίντιβεσα λέσκε. Άμα κα κερέας ανταλέ τζενές τι πακιάλ ότι μάλλον μανγκέσα τι αρχίνες γνωριμία λέσαρ, ενώ ανταβά νανέ μπαγιά, κα συμπεριφερίντιβεας λέσκε χωρίς αγάπη.​—1 Κορ. 10:24· Εφεσ. 4:25.

11. Άμα κα κανονίνεν εκ γνωριμία ή εκ μπιαβ, καλά πράγματα πρέπει τι σκεφτίνεν;

¹¹ Μερικέ τθεμέντε, ο νταντά ντα ο νταγιά ή κάποιος γιαβέρ τραμπίνελα κας κα παντρίνελ λένγκο τζενό. Γιαβερέ τθεμέντε, αρακχένα λέσκε εκχέ ρομές ή εκχέ ρομνιά αλλά μουκχένα-λες τι αποφασίνελ βοβ άμα ταιριάνενα. Άμα κάποιος κα μανγκέλ τουμένταρ τι κανονίνεν εκ γνωριμία ή εκ μπιαβ, τι σκεφτίνεν σο μανγκένα ντα σο ανάγκες τθερένα ο ντούι-ντα. Μπέκιμ τθερένα εκχέ αμαλές ή εκχέ τζενές σο μανγκέλα τι παντρίνελ ντα αρακχλέν εκχέ τζενές σο πακιάνα ότι ταιριάνελα λέσαρ. Σο μπορίνενα τι κερέν; Σικλιόν καζόμ πο μπουτ πράγματα μπορίνενα για το χαρακτήρας, για το ιδιότητες οντουλέ τζενέσκε ντα, πο μπουτ, άμα τθερέλα λατσσί φιλία ι Ιεχωβάσαρ. Ανταβά ισί μπουτ πο σημαντικός σαρέ κατά γιαβερά πράγματα, σαρ ισί καζόμ λοβέ τθερέλα, καζόμ μορφωμέ ισί, καλέ φαμιλιάταρ ισί ή σο νάμι τθερέλα. Μα μπιστρέν όμως ότι ο μπίπαντριμε πφραλ ή πφεν ισί οντουβά σο πρέπει τι αποφασίνελ άμα κα παντρίνελ.​—Γαλ. 6:5.

ΣΑΡ ΤΙ ΑΡΧΙΝΕΣ ΓΝΩΡΙΜΙΑ

12. Άμα μανγκέσα τι αρχίνες γνωριμία εκχέ τζενέσαρ, σαρ μπορίνεσα τι βακερές-λες ανταβά λέσκε;

¹² Άμα μανγκέσα τι αρχίνες γνωριμία εκχέ τζενέσαρ, σαρ κα σικαβές το ενδιαφέρον λέσκε;d Κα μπορίνεας τι κανονίνες τι κερές λάφι ανταλέ τζενέσαρ είτε εκχέ τθανέστε σο ισί τζενέ είτε κατά τηλέφωνος. Τι βακερές ξεκάθαρα ότι ενδιαφερίντιβεσα λέσκε ντα ότι μανγκέσα τι γνωρίνες-λες πο λατσσές. (1 Κορ. 14:9) Άμα χρειαζίντιβελα, ντε κο τζενό σαάτι τι σκεφτίνελ σαρ τι απαντίνελ. (Παρ. 15:28) Άμα να ενδιαφερίντιβελα, δέχτινε λέσκι απόφαση λατσσέ τροπόσαρ.

13. Σο μπορίνεσα τι κερές άμα εκ τζενό βακερντάς ότι ενδιαφερίντιβελα τούκε; (Κολοσσαείς 4:6)

¹³ Σο αβέλα-πες άμα εκ τζενό βακερντάς ότι ενδιαφερίντιβελα τούκε; Μάλλον χρειαζίντιλο θάρρος για τι μουτθαβέλ τούκε σαρ νιωθίνελα, οτθάρ σίκαβ λέσκε λατσσιπέ ντα σεβασμός. (Διαβάνεν Κολοσσαείς 4:6) Άμα χρειαζίντιβεσα σαάτι για τι σκεφτίνες άμα κα αρχίνες γνωριμία, βάκερ-λες λέσκε. Αλλά προσπάθινε τι ντες εκ απάντηση καζόμ πο σουγκό αβέλα-πες. (Παρ. 13:12) Άμα να ενδιαφερίντιβεσα, βάκερ-λες με σεβασμός ντα ξεκάθαρα. Για τι ντικχάς σαρ απαντιντάς ο Χανς, εκ πφραλ κατά Αυστρία, κάνα πλησιαντάς-λες εκ πφεν: «Βακερντόμ λάκε μι απόφαση με σεβασμός αλλά ξεκάθαρα. Κερντόμ-λες ανταβά σουγκό σόσκε να μανγκάβας τι πακιάλ ότι κάτι κα αβέλας-πες λάσαρ. Οντουλέσκε, από αζομάν, προσοχίναβας επίσης σαρ συμπεριφερίντιβαβας λάκε». Οκιά μπάνταρ, άμα ενδιαφερίντιβεσα τι κερές γνωριμία ανταλέ τζενέσαρ, κερέν λάφι οντουλένγκε σο νιωθίνενα ντα οντουλένγκε σο μπεκλεντίνενα κατά γνωριμία. Οντουλά σο μπεκλεντίνεσα τούι μπέκιμ μα τι ταιριάνεν οντουλέντζαρ σο μπεκλεντίνελα ο γιαβέρ τζενό, επειδή ο κάθε εκ μπορεί τι τθερέλ γιαβέρ κουλτούρα ή τι μπαριλό γιαβέρτουλους.

ΣΑΡ ΜΠΟΡΙΝΕΝΑ Ο ΓΙΑΒΕΡΑ ΤΙ ΒΟΗΘΙΝΕΝ Ι ΜΠΙΠΑΝΤΡΙΜΕ ΧΡΙΣΤΙΑΝΟΝ;

14. Σαρ μπορίνασα τι βοηθίνας ι μπίπαντριμε Χριστιανόν αμαρέ λαφίντζαρ;

¹⁴ Σαρ μπορίνασα σαρέ τι βοηθίνας ι μπίπαντριμε Χριστιανόν σο μανγκένα τι παντρίνεν; Εκ τρόπος ισί τι προσοχίνας σο βακεράσα λένγκε. (Εφεσ. 4:29) Κα μπορίναας τι σκεφτίνας: “Μήπως πειράναβα οντουλέν σο μανγκένα τι παντρίνεν; Κάνα ντικχάβα εκχέ μπίπαντριμε πφραλές ντα εκχέ μπίπαντριμε πφενιά τι κερέν λάφι, μήπως νικαβάβα αμέσως ο συμπέρασμας ότι ενδιαφερίντιβενα ο εκ ι γιαβερέσκε;” (1 Τιμ. 5:13) Επίσης, ποτές δεν πρέπει τι κεράς ι μπίπαντριμε πφραλέν τι νιωθίνεν ότι κάτι να τζάλα λατσσές λέντζαρ ή ότι τθερένα πο χάνικ αξία κατά παντριμέ τζενέ. Ο Χανς βακερέλα: «Μερικά πφραλά βακερένα: “Σόσκε να παντρίνεσα; Νακχλέ το μπρεσά”. Ασακέ λάφια κερένα ι μπίπαντριμε πφραλέν τι νιωθίνεν ότι ο γιαβερά να εκτιμίνενα-λεν, ντα αντικάς πιένενα-λεν πο μπουτ τι παντρίνεν». Ισί μπουτ πο λατσσό τι αρακχάς ευκαιρίες για τι ισαράς ι μπίπαντριμε Χριστιανόν!​—1 Θεσ. 5:11.

15. (α) Σαρ βακερέλα ο εδάφιος Ρωμαίους 15:2, σο πρέπει τι σκεφτίνας πριν τι βοηθίνας εκχέ τζενές τι αρακχέλ εκχέ ρομές ή εκχέ ρομνιά; (Ντικχέν ι φωτογραφία-ντα) (β) Καλά σημεία κατά βίντεος κερντέ τουμένγκε εντύπωση;

¹⁵ Σο αβέλα-πες άμα αμντίνασα ότι εκ πφραλ ντα εκ πφεν κα ταιριάνενας; Η Γραφή βακερέλα αμένγκε τι σκεφτίνας ο αισθήματα ι γιαβερένγκε. (Διαβάνεν Ρωμαίους 15:2) Μπουτ μπίπαντριμε τζενέ να μανγκένα τι αρακχέν λένγκε ο γιαβερά εκχέ τζενές για τι παντρίνεν, ντα αμέν πρέπει τι σεβάνας-λες ανταβά. (2 Θεσ. 3:11) Γιαβερά μπίπαντριμε τζενέ μπέκιμ μανγκένα τι βοηθίνας-λεν, αλλά δεν πρέπει τι κεράς κάτι χωρίς τι βακερέν-λες ανταβά αμένγκε.e (Παρ. 3:27) Μερικά μπίπαντριμε τζενέ μανγκένα τι γνωρίνεν εκχέ τζενές εκχέ γιαβερέ τροπόσαρ. Η Λίντια, εκ μπίπαντριμε πφεν κατά Γερμανία, βακερέλα: «Κα μπορίνενας τι καλίνεν ι πφραλές ντα ι πφενιά σε εκ μπαρί παρέα. Απλώς ντεν-λεν ι ευκαιρία τι γνωρίντιβεν, ντα μουκχέν ο γιαβερά λέντε».

16. Σο πρέπει τι ντεν-πουμέν γκοντί ο Χριστιανοί;

¹⁶ Σαρέ αμέν, παντριμέ ντα μπίπαντριμε, μπορίνασα τι τθεράς εκ ευτυχισμέ ζωή πφερντί νόημας! (Ψαλμ. 128:1) Οτθάρ, άμα μανγκέσα τι παντρίνες, αλλά να αρακχλάν ατζέκ εκχέ τζενές, συνέχινε τι κερές μπουτ πράγματα κι υπηρεσία κι Ιεχωβάσκι. Εκ πφεν κατά Μακάο, η Σιν Γι, βακερέλα: «Ο μπρεσά σο κα αβέν μπίπαντριμε ισί μπουτ πο χάνικ κατά μπρεσά σο κα αβέν γιεκ τουμαρέ ρομέσαρ κο Παράδεισος. Τι εκτιμίνεν μπουτ ανταβά σαάτι ντα τι χρησιμοποιήνεν-λες λατσσές». Αλλά σο αβέλα-πες άμα αρακχλάν εκχέ τζενές για τι παντρίνες ντα αρχισάλαν γνωριμία; Κο γιαβέρ μάθημας, κα ντικχάς σαρ κα τθερές επιτυχία κι γνωριμία.