«Ο Τζένγκι Ισί ι Ιεχωβάσκο»

Κο 1999, η κυβέρνηση της Γαλλίας βακερντάς ότι ο Μπέθελ της Γαλλίας έπρεπε τι ποκινέλ φόρους για το συνεισφορές σο λέλας κατά 1993 μέχρι κο 1996. Γκιλάμ κο δικαστήρια κι Γαλλία, αλλά να τθεράας καέκ αποτέλεσμας. Προσπαθιντάμ τι κεράς έφεση κι απόφαση ανταγιά, αλλά η απόφαση να αλλαξάλι. Οτθάρ η κυβέρνηση λιντάς πο μπουτ από τεσσεράμισι εκατομμύρια ευρώ κατά λογαριασμός σο τθερέλας κι τράπεζα ο Μπέθελ. Ο τελευταίος πράγμας σο μπορίναας τι κεράς ισινέ τι γκεράς ι υπόθεση κο ΕΔΔΑ. Όμως πριν τι ασουνέλ αμαρί υπόθεση, ο ΕΔΔΑ μανγκλάς αμένταρ τι συναντίντιβας ι δικηγορόντζαρ σο τθερέλας η γαλλική κυβέρνηση. Κι συνάντηση ανταγιά κα αβέλας εκ τζενό-ντα κατά ΕΔΔΑ για τι ντικχάς άμα κα μπορίναας τι κεράς εκ συμφωνία πριν τι τζαλ η υπόθεση κο μπαρό Δικαστήριος.

Σκεφτίναας ότι η τζενί σο αβιλίας κα πιένελας-αμέν τι ποκινάς πο χάνικ λοβέ για μα τι τζαλ η υπόθεση κο Δικαστήριος. Αμέν όμως αγαβάας ξεκάθαρα ότι, άμα κα ντάας ατζέ-ντα εκ ευρώ, ανταβά κα τζάλας κόντρα οντουλέσαρ σο βακερντάς ο Ιησούς κο Ματθαίος 22:21. Ο πφραλά ντα ο πφενιά ντινέ ανταλά συνεισφορές για τι υποστηρίνεν ι Βασιλεία ι Ντεβλέσκι. Άρα λένγκε συνεισφορές να ισινέ για την κυβέρνηση. Όμως αμέν γκιλάμ κι συνάντηση για τι σικαβάς ότι σεβάνασα ο κανόνες του ΕΔΔΑ.

Η συνάντηση ανταγιά αβιλί σε εκ κατά σουκάρ αίθουσες ι Δικαστηριόσκε. Ο πράγματα κι αρχή να γκιλέ λατσσές. Αμέσως, η τζενί σο μπουτσσαντάς ο ΕΔΔΑ βακερντάς ότι ο Μάρτυρες ι Ιεχωβάσκε έπρεπε τι ποκινέν μερικούς κατά φόρους σο μανγκλάς η κυβέρνηση κι Γαλλία. Αμέν νιωσάλαμ οντιά στιγμή ότι έπρεπε τι πουτσάς-λα: «Τζανένα ότι η κυβέρνηση λιντάς αμένταρ ήδη πο μπουτ από τεσσεράμισι εκατομμύρια ευρώ κατά λογαριασμός αμαρό;»

Κάνα ασουντάς-λες ανταβά, ατσσιλί πουταρντέ μόσαρ. Κάνα ο δικηγόροι σο τθερέλας η κυβέρνηση βακερντέ ότι ανταβά ισινέ μπαγιά, ο τρόπος σο ντικχέλας-αμέν αλλαξάλο ντιπ. Ντινάς βίκος ανταλέ δικηγορόνγκε ντα σταματιντάς αμέσως ι συνάντηση. Αζομάν αγαντόμ ότι ο Ιεχωβά αλλαντάς ντιπ ο πράγματα για τι κερδίνας ανταγιά υπόθεση. Νασλάμ μπουτ χαρούμενοι, ντα να μπορίναας τι πακιάς οντουβά σο αβιλόας-πες.

30 Ιουνίου 2011, ο ΕΔΔΑ αποφασιντάς ότι τθεράας δίκιος. Ακυρωντάς ο φόροι ντα βακερντάς κι κυβέρνηση τι βουρτίνελ παλάλ ο λοβέ σο λιντάας ντα τι ντελ-αμέν εμ τόκους! Ανταγιά σημαντική απόφαση κατά νόμος συνεχίνελα τι αρακχαβέλ μέχρι αντιβές ι αληθινή λατρεία κι Γαλλία. Η ερώτηση σο αβιλί αμένγκε οντιά στιγμή τι κεράς ισινέ σαρ ο μπαρ σο ντινάς τον Γολιάθ κο τσικάτ. Ανταγιά ερώτηση αλλαντάς ο αποτέλεσμας της απόφασης. Σόσκε κερδιντάμ; Επειδή, σαρ βακερντάς ο Δαβίδ κο Γολιάθ, «ο τζένγκι ισί ι Ιεχωβάσκο».​—1 Σαμ. 17:45-47.

Να κερδιντάμ σάντε ανταγιά φαρ. Παρόλο σο ο ζουρανέ κυβερνήσεις ντα ο θρησκείες τζάνα αμέντζαρ κόντρα μέχρι αντιβές, αμέν κερδιντάμ χίλιες 225 νομικές υποθέσεις κο μπαρέ δικαστήρια σε 70 τθεμά ντα κο διεθνή δικαστήρια. Ανταλά νομικές νίκες αρακχαβένα ο δικαιώματα σο τθεράσα. Σαρ για παράδειγμας τι δεχτίνελ-αμέν ο νόμος σαρ εκ κανονική θρησκεία, τι μπορίνας τι κεράς αμαρό έργος ελεύθερα, τι μπορίνας τι βακεράς όχι κο γιορτές σο κερντιόνα για τι ισαρέν εκ τθεμ ντα μα τι τσσουβάς ρατ.

Σόσκε ισινόμας σε εκ νομική υπόθεση κι Ευρώπη ενώ υπηρετίναβας κο Μπέθελ κι Νέα Υόρκη, κι Αμερική;

ΤΣΣΑΒΟ ΙΕΡΑΠΟΣΤΟΛΟΝΓΚΟ

Μο ντατ ντα μι ντάι, ο Τζορτζ ντα η Λουσίλ, νακχλέ ι τάξη 12 κι Γαλαάδ ντα υπηρετίνενας κι Αιθιοπία κάνα μπιάντιλομ κο 1956. Τσσουντέ μάνγκε ο ναβ Φίλιπ, κατά Φίλιππος σο ισινέ ευαγγελιστής. (Πράξ. 21:8) Εκ μπρες πο σοράν, η κυβέρνηση να μουκχέλας-αμέν τι ντας ελεύθερα λατρεία. Παρόλο σο ισινόμας μπουτ χουρντό, ντάβα-μαν γκοντί ότι μι φαμιλί ντέλας λατρεία ι Ιεχωβάς αποτσοράλ. Σαρ χουρντό, μπεϊντίναβας-λες μπουτ ανταβά! Δυστυχώς, η αστυνομία νασκιαρντάς-αμέν ζορίσαρ ανταλέ τθεμέσταρ κο 1960.

Μι φαμιλιάσαρ γκιλάμ τι μπεσάς κι Γουίτσιτα κο Κάνσας κι Αμερική, αλλά μο ντατ ντα μι ντάι να χασαρντέ ποτές πουμαρί αγάπη για το έργος από αζομάν σο ισινέ ιεραπόστολοι. Σικλιαρντέ σαρέ πουμαρέ τσσαβέν, μαν, μι πο μπαρέ πφενιά την Τζούντι, ντα μι πο χουρντέ πφραλές, τον Λέσλι, σο μπιάντιλε βον-ντα κι Αιθιοπία, τι μανγκάς ι Ιεχωβάς ντα τι υπηρετίνας-λες σαρέ αμαρέ γκίσαρ. Με μπολντιλόμ κάνα ισινόμας 13 μπρεσένγκο. Τριν μπρεσά πο σοράν, γκιλάμ γιεκ μι φαμιλιάσαρ κι Αρεκίπα κο Περού για τι υπηρετίνας οτθέ σο η ανάγκη ισινέ πο μπαρί.

Κο 1974, κάνα ισινόμας 18 μπρεσένγκο, ο Μπέθελ κο Περού διοριντάς-μαν ειδικός σκαπανέας γιεκ γιαβερέ σταρέ πφραλέντζαρ. Κα κεράας έργος τθανέντε σο ποτές να βακέρντιλεας ο λατσσέ αμπέρια, οπρέ κο Κεντρικές Άνδεις. Κεράας έργος μπουτέ τζενέντε, αντρέ ανταλέντε ισινέ τζενέ-ντα σο κερένας λάφι ι τσσιπ κέτσουα ντα αϊμάρα. Κεράας ταξίδια με εκ τροχόσπιτος σο βακεράας λέσκε χάι Κιβωτός επειδή μοιάζελας με εκ μπαρό κουτίς. Λέλα-μαν ροϊπέ κάνα ντάβα-μαν γκοντί σαρ σικαβάας κατά Γραφή κο τζενέ οτθέ ότι ο Ιεχωβά μπουτ σουγκό κα νασκιαρέλ ο τσοροριπέ, ο νασφαλίματα ντα ο μεριπέ. (Αποκ. 21:3, 4) Μπουτ τζενέ ασουνένας ο λάφια ι Βασιλειάκε.

ΚΟ ΜΠΕΘΕΛ ΚΙ ΑΜΕΡΙΚΗ

Κο 1977, ο Άλμπερτ Σρόντερ, σο ισινέ κο Κυβερνών Σώμας, αβιλό κο Περού. Βακερντάς μάνγκε τι κεράβ αίτηση για τι υπηρετίναβ κο Μπέθελ κι Αμερική. Ντα ανταβά κερντόμ. Μπουτ σουγκό σοράν ανταλέσταρ, 17 Ιουνίου 1977, αρχισάλομ τι υπηρετίναβ κο Μπέθελ κο Μπρούκλιν. Ο γιαβερά σταρ μπρεσά, κεράβας μπουτί κι Καθαριότητα ντα κι Συντήρηση.

Κο Ιούνιος του 1978, γνωριντόμ την Ελίζαμπεθ Άβαλοουν σε εκ συνέλευση κι Νέα Ορλεάνη της Λουιζιάνας. Λάκο ντατ ντα λάκι ντάι υπηρετίνενας ι Ιεχωβάς σαρέ πουμαρέ γκίσαρ σαρ μιρέ-ντα τζενέ. Η Ελίζαμπεθ υπηρετίνελας ήδη σαρ τακτική σκαπάνισσα σταρ μπρεσά ντα μανγκέλας τι συνεχίνελ τι κερέλ μπουτ πράγματα κι υπηρεσία κι Ιεχωβάσκι σαρί πι ζωή. Συνεχιντάμ τι κεράς λάφι ντα σοράν μανγκλάμ ο εκ ι γιαβερές. Παντρισάλαμ 20 Οκτωβρίου 1979 ντα αρχισάλαμ τι υπηρετίνας κο Μπέθελ σαρ ζευγάρι.

Ο πφραλά ντα ο πφενιά κι πρώτη κχανγκιρί σο ισινάμας, Μπρούκλιν Ισπανική, σικαντέ αμένγκε μπαρί αγάπη. Σαρέ ανταλά μπρεσά, υπηρετιντάμ γιαβερέ τρινέ λατσσέ κχανγκιρίντε σο σικαντέ αμένγκε αγάπη ντα στηριντέ-αμέν για τι συνεχίνας αμαρί υπηρεσία κο Μπέθελ. Εκτιμίνασα μπουτ λένγκι βοήθεια, αλλά εμ-ντα ι βοήθεια σο ντινέ-αμέν αμαρέ αμαλά ντα αμαρέ τζενέ για τι φροντίνας μι νταντές ντα μι νταγιά, αλλά εμ ι νταντές ντα ι νταγιά της Ελίζαμπεθ, κάνα ισινέ πφουρέ.

ΜΙ ΥΠΗΡΕΣΙΑ ΚΟ ΝΟΜΙΚΟΣ ΤΜΗΜΑΣ

Σαστισάλομ κάνα κο Ιανουάριος του 1982 διορισάλομ κο Νομικός Τμήμας κο Μπέθελ. Τριν μπρεσά πο σοράν, μανγκλέ μάνταρ τι τζαβ κο Πανεπιστήμιος για τι αβάβ δικηγόρος. Σικλιλόμ ότι ο τζενέ κι Αμερική ντα γιαβερέ τθεμέντε-ντα ισί ελεύθεροι τι κερέν μπουτ πράγματα χάρη κο νίκες σο τθερένας ο Μάρτυρες ι Ιεχωβάσκε κο δικαστήρια. Κι τάξη συζητίναας μπουτ λατσσές ανταλά νίκες.

Κο 1986, κάνα ισινόμας 30 μπρεσένγκο, διορισάλομ επίσκοπος κο Νομικός Τμήμας. Ισινόμας χαρούμενος επειδή ο Μπέθελ ντινάς μάνγκε αζόμ μπαρί μπέσα παρόλο σο ισινόμας τερνό. Αλλά νιωσάλομ επίσης ότι ανταβά διορισμός ισινέ μπουτ μπαρό μάνγκε επειδή υπαρχίντιβενας μπουτ πράγματα σο να τζανάβας ντα αγαβάβας ότι να κα αβέλας ιτς εύκολος.

Αβιλόμ δικηγόρος κο 1988, αλλά να αγαντόμας καζόμ μπουτ επηρεαντάας ο πανεπιστήμιος μαν ντα μι σχέση ι Ιεχωβάσαρ. Ο πανεπιστήμιος μπορεί τι κερέλ εκχέ τζενές τι μανγκέλ τι σικαβέλ-πες ντα τι κερέλ-λες τι πακιάλ ότι ισί πο λατσσό κατά γιαβερά σο να λιντέ ασακί εκπαίδευση. Η Ελίζαμπεθ βοηθιντάς-μαν τι τζανγκάντιβαβ. Λάκε βοηθειάσαρ αρχισάλομ τι τθεράβ πάλι ο πνευματικός πρόγραμμας σο τθεράβας πριν τι τζαβ κο πανεπιστήμιος. Σοράν από χάνικ καιρός, νιωσάλομ πάλι πο πασέ κο Ιεχωβά. Μπορίναβα τι βακεράβ με σιγουριά ότι ο πο σημαντικός πράγμας κι ζωή νανέ τι τζανέλ εκ τζενό μπουτ πράγματα. Ανταβά σο ντέλα μπαγιά αξία κι ζωή ισί τι τθεράς λατσσί σχέση ι Ιεχωβάσαρ ντα τι μανγκάς μπουτ εμ λες εμ λέσκε λαός.

ΥΠΕΡΑΣΠΙΝΑΣΑ Ο ΛΑΤΣΣΕ ΑΜΠΕΡΙΑ ΝΤΑ ΠΡΟΣΠΑΘΙΝΑΣΑ ΤΙ ΝΤΙΝΤΙΟΛ-ΑΜΕΝ Ο ΔΙΚΑΙΩΜΑΣ ΚΑΤΑ ΝΟΜΟΣ ΤΙ ΒΑΚΕΡΑΣ-ΛΕΝ

Αφού τελειωσάλομ ι νομική σχολή, αρχισάλομ τι βοηθίναβ πο μπουτ αμαρό τμήμας τι φροντίνελ ο νομικές ανάγκες κο Μπέθελ ντα τι αρακχαβάβ ι οργάνωση ι Ιεχωβάσκι ντα αμαρό δικαίωμας τι βακεράς ο λατσσέ αμπέρια. Μπεϊντίναβας μπουτ μι μπουτί αλλά τθερέλας δυσκολίες-ντα επειδή ο πράγματα αλλάνενας μπουτ σουγκό κι οργάνωση αμαρί. Για παράδειγμας, για μπουτ μπρεσά, κάνα ντάας αμαρέ έντυπα λάας κάποια λοβέ. Αλλά κατά 1990, μανγκλέ κατά Νομικός Τμήμας βοήθεια για τι αλλάνελ ανταβά. Οτθάρ μπερί, ο Μάρτυρες ι Ιεχωβάσκε αρχισάλε τι ντεν πουμαρέ έντυπα δωρεάν. Ανταβά κερντάς πο απλά ο πράγματα κο Μπέθελ ντα κο έργος, ντα μέχρι αντιβές βοηθίνελα μα τι τθεράς προβλήματα με το φόροι. Κάποιοι πακιάνας ότι ανταγιά αλλαγή κα κερέλας-αμέν τι χασαράς αζόμ μπουτ λοβέ σο να κα τθεράας μπουτ έντυπα για τι ντας κο έργος, ντα αντικάς να κα μπορίνενας μπουτ τζενέ τι σικλιόν ι αλήθεια. Αλλά να αβιλό-πες ανταβά. Κατά 1990 ο τζενέ σο υπηρετίνενα ι Ιεχωβάς αβιλέ μπουτ πο μπουτ ντα μέχρι αντιβές σαρέ ο τζενέ μπορίνενα τι σικλιόν κατά έντυπα αμαρέ. Σικλιλόμ ότι ο μπαρέ αλλαγές σο κερέλα αμαρί οργάνωση τθερένα επιτυχία σάντε επειδή ο Ιεχωβά βοηθίνελα-αμέν ντα οδηγίνελα-αμέν αντράλ κατά πιστός δούλος.​—Έξοδ. 15:2· Ματθ. 24:45.

Να νικίνασα κο δικαστήρια απλώς επειδή τθεράσα λατσσέ δικηγορόν. Μπουτ φαρ, οντουβά σο κερέλα ι τζενέν σο τθερένα εξουσία τι ντικχέν-αμέν γιαβέρτουλους ισί η σουκάρ συμπεριφορά σο τθερέλα ο λαός ι Ιεχωβάσκο. Ντικχλόμ σαρ αβέλα-πες ανταβά κο 1998, κάνα τριν πφραλά κατά Κυβερνών Σώμας γιεκ πουμαρέ ρομνίντζαρ αβιλέας σε ειδικές συνελεύσεις κι Κούβα. Οντουβά σο βοηθιντάς πο μπουτ ι τζενέν σο τθερένας εξουσία τι αγαβέν ότι να τθεράσα καέκ σχέση με την πολιτική ισινέ ο λατσσιπέ ντα ο σεβασμός ανταλέ πφραλένγκο ντα όχι αζόμ μπουτ αμαρέ λάφια.

Όμως, μπουτ φαρ ο μόνος τρόπος σο υπαρχίντιβελα για τι διορθώνας εκ αδικία ισί τι τζας κο δικαστήρια για “τι λας ο δικαίωμας τι μουτθαβάς ο λατσσέ αμπέρια”. (Φιλιπ. 1:7) Για παράδειγμας, για μπουτ μπρεσά ο κυβερνήσεις κι Ευρώπη ντα κι Νότια Κορέα να δεχτίνενας ο δικαίωμας σο τθεράσα τι τζας κοινωνική υπηρεσία αντίς τι τζας κο στρατός. Οτθάρ, περίπου 18 χιλιάδες πφραλά κι Ευρώπη ντα πο μπουτ από 19 χιλιάδες πφραλά κι Νότια Κορέα γκιλέ κι φυλακή σόσκε να δεχτιντέ τι τζαν κο στρατός επειδή λένγκι συνείδηση να μουκχέλας-λεν.

Τελικά, 7 Ιουλίου 2011, ο ΕΔΔΑ λιντάς ι σημαντική απόφαση Μπαγιατιάν κατά Αρμενίας. Ανταγιά απόφαση αναγκάνελα σαρέ ο τθεμά κι Ευρώπη τι μουκχέν ι τζενέν τι κερέν κοινωνική υπηρεσία άμα μανγκένα αντίς τι τζαν κο στρατός. Εκ ασακί απόφαση λιντάς εμ ο Συνταγματικός Δικαστήριος της Νότιας Κορέας, 28 Ιουνίου κο 2018. Ατζέ-ντα άμα χάνικ αμαρέ τερνένταρ να κα ατσσόνας ουδέτεροι, να κα λιντιόνας ανταλά σημαντικές αποφάσεις.

Ο Νομικός Τμήμας κο Μπέθελ κι Αμερική ντα επίσης ο γιαβερά-ντα νομικά τμήματα κο Μπέθελ σαρό κο ντουνιάς κερένα μπουτ μπουτί για τι τθεράς ο δικαίωμας τι ντας λατρεία κο Ιεχωβά ντα τι βακεράς ο λατσσέ αμπέρια ι Βασιλειάκε. Ισί μπαρό προνόμιος αμένγκε τι υπερασπίνας ι πφραλέν ντα ι πφενίν σο τθερένα εναντίωση κατά κυβέρνηση. Ατζέ-ντα κάνα να κερδίνασα σε εκ υπόθεση κο δικαστήριος, ντιντιόλα μαρτυρία οντουλέντε σο κερένα κουμάντος, κο βασιλιάδες ντα σαρέ κο τζενέ. (Ματθ. 10:18) Δικαστές, τζενέ κατά κυβέρνηση, τζενέ σο ασχολίντιβενα με την τηλεόραση, ντα γιαβερά-ντα τζενέ, μανγκένα να μανγκένα, ντικχένα ή ασουνένα εδάφια σο υπαρχίντιβενα είτε κο χαρτιά σο γραφίνασα για το δικαστήριος είτε κατά συζητήσεις σο αβένα-πες οτθέ. Τζενέ σο τθερένα λατσσό γκι σικλιόνα σο πακιάνα ο Μάρτυρες ι Ιεχωβάσκε ντα κατέ βασίνενα οντουλά σο πακιάνα. Μερικά τζενέ ανταλένταρ αβιλέ πφραλά ντα πφενιά.

ΕΥΧΑΡΙΣΤΩ, ΙΕΧΩΒΑ!

Κο τελευταία 40 μπρεσά, τθεράβας ο μπαρό προνόμιος τι συνεργαζίντιβαβ με μπουτ διαφορετικά Μπέθελ για το νομικά πράγματα ντα τι κεράβ λάφι αντρέ σε μπαρέ δικαστήρια ντα ανγκλάλ τζενέντε σο τθερένας μπαρί εξουσία. Μανγκάβα μπουτ ντα εκτιμίναβα μι συνεργατόν σο ισί κο Νομικός Τμήμας κι Αμερική ντα κο νομικά τμήματα σαρό κο ντουνιάς. Τζουβντιλόμ εκ μπουτ ευλογημέ ντα πφερντί ζωή.

Η Ελίζαμπεθ στηρίνελα-μαν μπουτ ντα λατσσέ τροπόσαρ σαρέ ανταλά 45 μπρεσά, εμ κο εύκολα εμ κο δύσκολα. Εκτιμίναβα-λα μπουτ επειδή κερέλα-λες ανταβά παρόλο σο τθερέλα εκ νασφαλιπέ σο να μουκχέλα-λα τι κερέλ μπουτ πράγματα.

Ντικχλάμ αμαρέ γιακχίντζαρ ότι η ζορ ντα ο νίκες να αβένα αμένταρ. Σαρ βακερντάς ο Δαβίδ, «Ο Ιεχωβά ισί οντουβά σο ντέλα ζορ πι λαόστε». (Ψαλμ. 28:8) Μπαγιά, «ο τζένγκι ισί ι Ιεχωβάσκο».