Η Γραφή Απαντίνελα Αμαρέ Ερωτησιέντε / Ζωή ντα Μεριπέ / Καβά Ισί ο Νόημας ι Ζωγιάκο;

Σο βακερέλα η Αγία Γραφή

Μπουτ τζενέ κερένα ανταβά ερώτημας χάνικ γιαβέρσοϊ: «Σόσκε τζουβντιάσα;» ή «Καβά ισί ο σκοπός ι ζωγιάκο;» Η Αγία Γραφή σικαβέλα ότι ο σκοπός σο τζουβντιάσα ισί τι τθεράς εκ λατσσί φιλία ι Ντεβλέσαρ. Ντικχέν χάνικ σημαντικές αλήθειες σο βακερέλα η Αγία Γραφή.

• Ο Ντεβέλ ισί αμαρό Δημιουργός. Η Αγία Γραφή βακερέλα: «[Ο Ντεβέλ] κερντάς-αμέν, ντα ισινάμ λέσκε».​—Ψαλμός 100:3· Αποκάλυψη 4:11.

• Ο Ντεβέλ τθερέλα σκοπός ι κάθε πραγμάσκε σο λατσσαρέλα, άρα τθερέλα σκοπός αμένγκε-ντα.​—Ησαΐας 45:18.

• Ο Ντεβέλ λατσσαρντάς-αμέν ντα τσσουντάς αντρ’ αμέντε τι τθεράς ανάγκη ο πνευματικά πράγματα. Ντα αντρέ οντουλέντε ισί τι μανγκάς τι αρακχάς νόημας κι ζωή. (Ματθαίος 5:3) Ο Ντεβέλ μανγκέλα τι τσαλιαράς ανταγιά επιθυμία.​—Ψαλμός 145:16.

• Τσαλιαράσα ανταγιά πνευματική ανάγκη κάνα αβάσα αμαλά ι Ντεβλέσκε. Μερικοί μπορεί τι πακιάνα ότι ναστί αβάσα αμαλά ι Ντεβλέσαρ. Όμως η Αγία Γραφή βακερέλα αμένγκε: «Τζαν πασέ κο Ντεβέλ, ντα βοβ κα αβέλ πασέ τουμέντε».​—Ιακώβου 4:8· 2:23.

• Για τι αβάς αμαλά ι Ντεβλέσκε, πρέπει τι τζουβντιάς αντικάς σαρ μανγκέλα Βοβ. Κο εδάφιος Εκκλησιαστής 12:13, η Αγία Γραφή βακερέλα σο μανγκέλα αμένταρ ο Ντεβέλ: «Τι νταρές κατά αληθινός Ντεβέλ ντα τι κερές ο εντολές λέσκε, σόσκε ανταγιά ισί σαρί η υποχρέωση ι τζενέσκι».

• Ανγκλ’ αμέντε κα ντικχάς τι νικιόν μπαγιά σαρέ οντουλά σο τθερέλας σκοπός ο Ντεβέλ τι κερέλ αμένγκε. Βοβ κα νασκιαρέλ σαρέ ο βάσανα ντα κα ντελ πι αμαλέντε, δηλαδή οντουλέντε σο ντένα-λες λατρεία, αιώνια ζωή.​—Ψαλμός 37:10, 11.