Η Γραφή Απαντίνελα Αμαρέ Ερωτησιέντε / Ζωή ντα Μεριπέ / Σο Αβέλα-πες Κάνα Μεράσα;
Σο βακερέλα η Αγία Γραφή
Η Αγία Γραφή βακερέλα, κάνα κερέλα λάφι ι μουλένγκε: «Λένγκι αγάπη, λένγκο μίσος ντα λένγκι ζήλια νασλέ μπίλιμα . . . Σο ισί τι βαστέστε τι κερές, κερ-λες ντα τσσουβ σαρί τι ζορ, σόσκε κο Μεζάρι, κο τθαν σο τζάσα, να αβέλα-πες τι κερές ούτε μπουτί ούτε σχέδια ούτε τι σικλιός κάτι ούτε τι λες σοφία». (Εκκλησιαστής 9:6, 10· Ψαλμός 146:4) Άρα, ο μουλέ να μπορίνενα ούτε τι σκεφτίνεν ούτε τι νιωθίνεν ούτε τι κερέν κάτι. Κάνα μεράσα, σταματίνασα τι υπαρχίντιβας.
«Κι τσικ κα βουρτίνες»
Ο Ντεβέλ εξηγιντάς σο αβέλα-πες κάνα μεράσα ι λαφίσαρ σο βακερντάς κο πρώτος τζενό. Αφού ο Αδάμ να ντινάς καν, ο Ντεβέλ βακερντάς λέσκε: «Τσικ ισινάν ντα κι τσικ κα βουρτίνες». (Γένεση 3:19) Πριν τι κερέλ-λες ο Ντεβέλ κατά τσικ ι πφουβιάκι, ο Αδάμ να υπαρχίντιβελας. (Γένεση 2:7) Αντικάς, κάνα μουλό, βουρτισάλο κι τσικ ντα σταματισάλο τι υπαρχίντιβελ.
Ο ίδιος αβέλα-πες σαρέ οντουλέντζαρ σο μερένα ακανά. Εμ ο τζενέ εμ ο ζώα η Αγία Γραφή βακερέλα: «Σαρέ αβένα κατά τσικ ντα σαρέ βουρτίνενα κι τσικ».—Εκκλησιαστής 3:19, 20.
Τελειώνενα σαρέ ι μεριμάσαρ;
Η Αγία Γραφή μπουτ φαρ βακερέλα ότι ο μεριπέ μοιάζελα ι σοϊμάσαρ. (Ψαλμός 13:3· Ιωάννης 11:11-14· Πράξεις 7:60) Κάνα εκ τζενό σοβέλα πφαρές, να αγαβέλα σο αβέλα-πες ντονταλάι λέσταρ. Αντικάς, ο μουλέ να αγαβένα τίποτα. Όμως, η Αγία Γραφή βακερέλα ότι ο Ντεβέλ μπορίνελα τι τζανγκαβέλ-λεν κατά σοϊπέ ι μεριμάσκο ντα τι ντελ-λεν πάλι ζωή. (Ιώβ 14:13-15) Άρα, ι τζενένγκε σο κα αναστίνελ-λεν ο Ντεβέλ να τελειώνενα σαρέ ι μεριμάσαρ.