Η Γραφή Απαντίνελα Αμαρέ Ερωτησιέντε / Ζωή ντα Μεριπέ / Σόσκε Μεράσα;

Σο βακερέλα η Αγία Γραφή

Ισί λογικός τι πουτσάς-αμέν σόσκε μεράσα, ειδικά κάνα χασαράσα εκχέ τζενές αμένταρ. Όμως, η Αγία Γραφή βακερέλα: «Η ζορ σο ανέλα μεριπέ ισί η αμαρτία».​—1 Κορινθίους 15:56.

Σόσκε σαρέ ο τζενέ ισί αμαρτωλοί ντα μερένα;

Ο πρώτα τζενέ, ο Αδάμ ντα η Εύα, μουλέ επειδή αμαρτιντέ ντα γκιλέ κόντρα κο Ντεβέλ. (Γένεση 3:17-19) Αφού γκιλέ κόντρα κο Ντεβέλ, οντουλέστε “σο ντέλα ι ζωή”, ανταβά κα οδηγίνελας-λεν σάντε κο μεριπέ.​—Ψαλμός 36:9· Γένεση 2:17.

Σαρέ ο τζενέ λιντέ ο ελάττωμας ι αμαρτιάκο κατά Αδάμ. Η Αγία Γραφή βακερέλα: «Εκχέ τζενέσταρ αβιλί η αμαρτία κο ντουνιάς ντα κατά αμαρτία ο μεριπέ, ντα αντικάς ο μεριπέ γκιλό σαρέ κο τζενέ, σόσκε σαρέ αμαρτιντέας». (Ρωμαίους 5:12) Σαρέ ο τζενέ μερένα σόσκε σαρέ ισί αμαρτωλοί.​—Ρωμαίους 3:23.

Σαρ κα νασέλ ο μεριπέ

Ο Ντεβέλ ντέλα πο λάφι ότι «κα μπιλιαβέλ ο μεριπέ για πάντα». (Ησαΐας 25:8) Για τι νασέλ ο μεριπέ, ο Ντεβέλ πρέπει πρώτα τι νασκιαρέλ οντουβά σο ανέλα-λες, δηλαδή ι αμαρτία. Κα κερέλ-λες ανταβά αντράλ κατά Ιησούς Χριστός, σο «νασκιαρέλα ι αμαρτία ι ντουνιάσκι».​—Ιωάννης 1:29· 1 Ιωάννη 1:7.