Κερέν Υπομονή

Σο Κερντάς ο Ιησούς

ΒΙΝΤΕΟΣ: Ο Ιησούς Βοηθίνελα με Υπομονή πι Πφραλές

1. Ντικχέν ο ΒΙΝΤΕΟΣ ή διαβάνεν Ιωάννης 7:​3⁠-5 ντα 1 Κορινθίους 15:3, 4, 7. Σοράν σκεφτίνεν ο ερωτήσεις:

1. α. Σο κερντέ κι αρχή ο πφραλά ι Ιησούσκε κάνα ασουντέ οντουλά σο βακερέλας;

2. β. Σο σικαβέλα ότι ο Ιησούς να χασαρντάς πι ελπίδα πι πφραλέσκε, ι Ιακωβόσκε;

Σο Σικλιάσα Κατά Ιησούς;

2. Πρέπει τι κεράς υπομονή επειδή μερικά τζενέ μανγκένα πο μπουτ χρόνος γιαβερένταρ για τι δεχτίνεν ο λατσσέ αμπέρια.

Μοιάζεν κο Ιησούς

3. Δοκιμάνεν εκ γιαβέρ τρόπος. Άμα ο τζενό να κα δεχτίνελ αμέσως τι κερέλ μελέτη κατά Γραφή, μα ζορισκιαρέν-λες. Κάνα ισί λατσσό, χρησιμοποιήνεν βίντεα ή θέματα για τι βοηθίνεν-λες τι αγαβέλ σαρ αβέλα-πες η μελέτη ντα σαρ κα βοηθίνελας-λες.

4. Μα συγκρίνεν. Κάθε τζενό ισί διαφορετικός. Άμα εκ τουμαρέ τζενένταρ ή εκ επανεπίσκεψη τουμαρί σακιντίνελα τι κερέλ μελέτη ή τι δεχτίνελ κάτι σο σικλιαρέλα η Αγία Γραφή, σκεφτίνεν σο μπορεί τι φταίνελα. Μήπως υπαρχίντιβελα κάτι σο σικλιαρέλα λέσκι θρησκεία ντα ισί μπουτ σημαντικός λέσκε; Μήπως λέσκε τζενέ ή γείτονες πιένενα-λες; Ντεν-λες χρόνος τι σκεφτίνελ οντουλά σο βακερντέν λέσκε ντα τι εκτιμίνελ οντουλά σο βακερέλα η Γραφή.

5. Τι προσευχίντιβεν ι τζενέσκε. Μανγκέν κατά Ιεχωβά τι βοηθίνελ-τουμέν μα τι χασαρέν τουμαρί ελπίδα ντα τι σικαβέν σεβασμός. Προσευχίντιβεν για τι βοηθίνελ-τουμέν ο Ιεχωβά τι αγαβέν κάνα πρέπει τι τσσιναβέν τι τζαν εκχέ τζενέστε σο σικαβέλα μπουτ χάνικ ενδιαφέρον.​—1 Κορ. 9:26.