Συνεχίνεν τι Βοηθίνεν ι Τζενέν

Σο Κερντάς ο Παύλος

ΒΙΝΤΕΟΣ: Ο Παύλος Συνεχίνελα τι Βοηθίνελ ι Τζενέν κι Έφεσος

1. Ντικχέν ο ΒΙΝΤΕΟΣ ή διαβάνεν Πράξεις 19:​8⁠-10. Σοράν σκεφτίνεν ο ερωτήσεις:

1. α. Αντίς τι μουκχέλ-πες ο Παύλος κάνα κάποιοι γκιλέ λέσαρ κόντρα, σο κερντάς για τι συνεχίνελ τι βοηθίνελ οντουλέν σο σικαντέ ενδιαφέρον;

2. β. Καμπόρ συχνά τζάλας ο Παύλος για τι σικλιαρέλ ι τζενέν σο σικαβένας ενδιαφέρον, ντα καζόμ βακίτι κερέλας-λες ανταβά;

Σο Σικλιάσα Κατά Παύλος;

2. Χρειαζίντιβελα τι ντας αμαρέ σαατίσταρ ντα αμαρέ ζοριάταρ για τι κεράς λατσσέ επανεπισκέψεις ντα για τι αρχίνας μελέτες κατά Γραφή.

Μοιάζεν κο Παύλος

3. Αλλάνεν τουμαρό πρόγραμμας για τι τζαν κο τζενό κάνα ισί λατσσό λέσκε. Σκεφτίνεν: “Κάνα ισί πο σίγουρος ότι κα αρακχάβ ι τζενές; Κάνα ντα κάι πακιάβα ότι κα τθερέλ σαάτι για τι κερέλ μάντζαρ λάφι;” Τι αβέν έτοιμοι τι μπαριαρέν ο ενδιαφέρον, ατζέ-ντα εκχέ σαατίστε σο νανέ λατσσό τουμένγκε.

4. Κανονίνεν κάνα κα τζαν λέσκε πάλι. Κάθε φαρ σο τελειώνελα η συζήτηση, προσπαθίνεν τι βακερέν εκ συγκεκριμέ σαάτι για τι κερέν πάλι λάφι ι τζενέσαρ. Τι αβέν τουμαρέ σαατίστε.

5. Τι σκεφτίνεν θετικά. Μα σιγκιαρέν τι πακιάν ότι ο τζενό να ενδιαφερίντιβελα επειδή ο πο μπουτ φαρ νανέ κχερέ ή τθερέλα μπουτιά. (1 Κορ. 13:4, 7) Όμως, τι τθερέν εκ ισορροπία​—τι προσπαθίνεν τι αρακχέν ι τζενές, αλλά τι χρησιμοποιήνεν γκοντιάσαρ-ντα τουμαρό σαάτι.​—1 Κορ. 9:26.