«Ο Λάφι ι Ντεβλέσκο . . . Τθερέλα Ζορ»

1. Σόσκε ισινέν σίγουροι ότι ο Λάφι ι Ντεβλέσκο τθερέλα ζορ; (Ντικχ ι φωτογραφία σο ισί κι αρχή)

Ο ΛΑΟΣ ι Ιεχωβάσκο ισί σίγουρος ότι λέσκο λάφι, οντουβά σο βακερέλα ι τζενένγκε, «ισί τζουβντό ντα τθερέλα ζορ». (Εβραίους 4:​12) Ντικχλάμ ι ζορ σο τθερέλα η Αγία Γραφή αμαρέ ζωγιάτε ντα κι γιαβερένγκε ζωές. Πριν τι αβέν Μάρτυρες κάποιοι ισινέ τσορά, ναρκομανείς ή κερένας μπίλατζανε πράγματα. Γιαβερά τθερένας μπαρό ναβ ή λοβέ αλλά νιωθίνενας ότι κάτι λειπίνελας λένγκε ζωγιάταρ. (Εκκλησιαστής 2:​3-11) Ευτυχώς, μπουτ τζενέ σο να τθερένας ελπίδα ντα ισινέ χαμέ, ακανά τζανένα σο κερένα ντα τθερένα ελπίδα. Κι Σκοπιά, διαβαντάμ ντα μπεϊντιντάμ μπερεκέτι ασακέ εμπειρίες κι σειρά σο τθερέλα ο θέμας «Η Αγία Γραφή Αλλάζει Ζωές». Ντα ντικχλάμ ότι, ατζέ-ντα αφού σικλιλέ ι αλήθεια, ο Χριστιανοί πρέπει τι συνεχίνεν τι βοηθίντιβεν κατά Γραφή για τι κερέν πουμαρί φιλία ι Ιεχωβάσαρ πιο ζουρανί.

2. Σαρ επηρεάνελας ι τζενέν κο πρώτος αιώνας ι ζορ σο τθερέλα ο Λάφι ι Ντεβλέσκο;

² Να κερέλα αμένγκε εντύπωση σο μπουτ τζενέ κερένα μπαρέ αλλαγές όταν σικλιόνα ι αλήθεια. Ο πφραλά ντα ο πφενιά κο πρώτος αιώνας σο τθερένας ι ελπίδα τι τζαν κο ουρανός κερντέ ασακέ αλλαγές. (Διαβάνεν 1 Κορινθίους 6:​9-11) Όταν ο Παύλος κερντάς λάφι ι τζενένγκε σο να κα νακχένας κι Βασιλεία κι Ντεβλέσκι, βακερντάς: «Ασακέ τζενέ ισινένας μερικοί τουμένταρ». Ο Λάφι ι Ντεβλέσκο ντα ο άγιος πνεύμας βοηθιντέ οντουλέ τζενέν τι αλλάνεν. Αλλά ατζέ-ντα όταν αβιλέ Χριστιανοί, μερικοί λένταρ κερντέ μπαρέ λάθη σο επηρεαντέ λένγκι σχέση ι Ιεχωβάσαρ. Για παράδειγμας, η Γραφή βακερέλα εκχέ χρισμέ πφραλέσκε σο έπρεπε τι χαλ αποκοπή. Πιο σοράν, κερντάς αλλαγές για τι μπορίνελ τι αβέλ πάλι αντρέ κι Χριστιανική εκκλησία. (1 Κορινθίους 5:​1-5· 2 Κορινθίους 2:​5-8) Λάσα δύναμη κατά πφραλά ντα κατά πφενιά σο μπορισάλε τι κερέν αζόμ μπουτ αλλαγές χάρη κι ζορ σο τθερέλα ο Λάφι ι Ντεβλέσκο.

3. Σο κα ντικχάς ανταλέ μαθημάστε;

³ Ο Λάφι ι Ντεβλέσκο τθερέλα μπουτ μπαρί ζορ. Ο Ιεχωβά ντινάς-λες αμέντε ντα αμέν μανγκάσα τι χρησιμοποιήνας-λες λατσσές. (2 Τιμόθεο 2:​15) Ανταλέ μαθημάστε, κα ντικχάς σο μπορίνασα τι κεράς για τι χρησιμοποιήνας ι ζορ ι Γραφιάκι (1) αμαρέ ζωγιάτε, (2) κο έργος σο κεράσα ντα (3) όταν σικλιαράσα κατά βήμας. Ανταλά σο κα σικλιάς κα βοηθίνεν-αμέν τι σικαβάς ότι μανγκάσα ντα εκτιμίνασα αμαρέ Νταντές, ι Ντεβλές, σο σικλιαρέλα-αμέν αμαρέ λατσσιμάσκε.​—Ησαΐας 48:17.

ΑΜΑΡΕ ΖΩΓΙΑΤΕ

4. (α) Σο μπορίνασα τι κεράς για τι επηρεάνελ-αμέν ο Λάφι ι Ντεβλέσκο; (β) Σαρ αρακχένα χρόνος για τι διαβάνεν ι Γραφή;

⁴ Για τι μουκχάς ο Λάφι ι Ντεβλέσκο τι επηρεάνελ-αμέν, πρέπει τι προσπαθίνας τι διαβάνας-λες κάθε ντιβές. (Ιησούς του Ναυή 1:8) Ο πιο μπουτ ισινάμ απασχολημέ μπουτέ πραγματέντζαρ αλλά δεν πρέπει τι μουκχάς τίποτα, ούτε ο ευθύνες σο τθεράσα, τι κερέν-αμέν τι σταματίνας τι διαβάνας ι Γραφή. (Διαβάνεν Εφεσίους 5:​15, 16) Μπορεί τι αρακχάς χρόνος για τι κεράς-λες ανταβά είτε ντισάρα είτε εκ γιαβέρ σαάτι αντρέ κο ντιβές είτε αρατί. Συμφωνίνασα οντουλέσαρ σο γραφιντάς ο ψαλμωδός: «Καζόμ μπουτ μανγκάβα το νόμος! Σκεφτίναβα-λες σαρό ο ντιβές».​—Ψαλμός 119:97.

5, 6. (α) Σόσκε ισί σημαντικός τι σκεφτίνας προσεκτικά οντουλά σο διαβάνασα; (β) Σο μπορίνασα τι κεράς για τι βοηθίντιβας μπαγιά όταν σκεφτίνασα προσεκτικά οντουλά σο διαβάνασα; (γ) Σαρ βοηθίντιλεν επειδή διαβάνενα ντα σκεφτίνενα προσεκτικά ι Γραφή;

⁵ Όμως, να ερεσέλα σάντε τι διαβάνας ι Γραφή. Πρέπει τι σκεφτίνας προσεκτικά ντα λατσσές οντουλά σο διαβάνασα. (Ψαλμός 1:​1-3) Σάντε αντικάς κα μπορίνας τι κεράς αμαρέ ζωγιάτε ο σοφές συμβουλές ι Γραφιάκε. Άρα, είτε διαβάνασα ι Γραφή αντράλ κατά σελίδες σο τθερέλα είτε από εκ ηλεκτρονική συσκευή, μανγκάσα τι μουκχάς ο Λάφι ι Ντεβλέσκο τι αλλάνελ-αμέν ντα τι ντελ-αμέν ζορ τι κεράς ο σωστός.

⁶ Σο μπορίνασα τι κεράς για τι βοηθίντιβας μπαγιά όταν σκεφτίνασα προσεκτικά οντουλά σο διαβάνασα; Όταν διαβάνασα ι Γραφή ισί λατσσό τι ατσσάς ντα τι πουτσάς αμαρό νεαυτός: “Σο βακερέλα μάνγκε ανταβά ι Ιεχωβάσκε; Σαρ κεράβα ακανά μι ζωγιάτε ανταβά σο διαβαντόμ; Καλά γιαβερά αλλαγές πρέπει τι κεράβ;” Όταν σκεφτίνασα προσεκτικά ο Λάφι ι Ντεβλέσκο ντα προσευχίντιβασα για τι βοηθίντιβας οντουλένταρ σο διαβάνασα, κα μανγκάς τι κεράς οντουλά σο σικλιάσα. Αντικάς, κα μπορίνας τι ντικχάς ι ζορ ι Γραφιάκι αμαρέ ζωγιάτε.​—2 Κορινθίους 10:4, 5.

ΚΟ ΕΡΓΟΣ ΚΙ ΝΤΕΒΛΕΣΚΟ

7. Σαρ μπορίνασα τι χρησιμοποιήνας λατσσές ο Λάφι ι Ντεβλέσκο κο έργος σο κεράσα;

⁷ Ισί σημαντικός τι χρησιμοποιήνας συνέχεια ο Λάφι ι Ντεβλέσκο όταν βακεράσα ο λατσσέ αμπέρια ντα σικλιαράσα ι γιαβερέν. Εκ πφραλ βακερντάς: «Άμα νικίστιλενας κο έργος κχερ κχερέστε ι Ιεχωβάσαρ, κα κερένας λάφι συνέχεια τουμέν ή κα μουκχένας λες τι κερέλ λάφι;» Όταν διαβάνασα εκχέ τζενέσκε κάτι κατά Γραφή, μουκχάσα ι Ιεχωβάς τι κερέλ λέσκε λάφι. Εκ εδάφιος σο τραμπιντάμ προσεκτικά τθερέλα πιο μπαρί δύναμη σαρέ οντουλέ λαφίνταρ σο μπορεί τι βακεράς αμέν. (1 Θεσσαλονικείς 2:​13) Όταν ισινέν κο έργος, προσπαθίνενα τι διαβάνεν εδάφια κατά Γραφή καζόμ πιο μπουτ φαρ μπορίνενα;

8. Σόσκε να ερεσέλα απλά τι διαβάνας εδάφια όταν κεράσα έργος;

⁸ Όμως, να ερεσέλα απλά τι διαβάνας εκ εδάφιος κο τζενέ σο αρακχάσα κο έργος. Ο πιο μπουτ τζενέ να αγαβένα σο μανγκέλα τι βακερέλ η Γραφή. Ανταβά αβέλας-πες κο πρώτος αιώνας ντα αβέλα-πες αμαρέ ντιβεσέντε-ντα. (Ρωμαίους 10:2) Δεν πρέπει τι αμντίνας ότι ο τζενό αγαβέλα ο εδάφιος σο διαβάνασα. Για τι βοηθίνας-λες, μπορίνασα τι βακεράς πάλι ο πιο σημαντικές λέξεις ή σημεία ι εδαφιόσκε ντα σοράν τι εξηγίνας λέσκε σο μανγκένα τι βακερέν. Αντικάς, ο Λάφι ι Ντεβλέσκο μπορίνελα τι ερεσέλ κι γκοντί ντα κο γκι κι τζενένγκο.​—Διαβάνεν Λουκάς 24:32.

9. Σαρ μπορίνασα τι βοηθίνας ι τζενέν τι σεβάνεν ι Γραφή οντουλέντζαρ σο βακεράσα πριν τι διαβάνας εκ εδάφιος; Βακερέν εκ παράδειγμας.

⁹ Οντουλά σο βακεράσα πριν τι διαβάνας εκ εδάφιος μπορίνενα επίσης τι βοηθίνεν ι τζενές τι σεβάνελ ι Γραφή. Για παράδειγμας, κα μπορίναας τι βακεράς: «Για τι ντικχάς σο βακερέλα αμαρό Δημιουργός ανταλέσκε». Ή όταν κεράσα λάφι εκχέ τζενέσαρ σο νανέ Χριστιανός, κα μπορίναας τι βακεράς: «Ντικχ σο βακερέλα αμένγκε εκ Άγιος Βιβλίος». Άμα κα αρακχάς εκχέ τζενές σο να ενδιαφερίντιβελα ι θρησκειάκε, κα μπορίναας τι πουτσάς-λες: «Ασουντάν ποτές ακαβά πουρανό λάφι;» Άμα τθεράσα αμαρέ γκοντιάτε ότι ο κάθε τζενό μπαριλό διαφορετικά ντα πακιάλα γιαβερά πράγματα, κα κεράς ο πιο λατσσό σο μπορίνασα για τι ταρτίνελ αμαρί παρουσίαση ι προσοχή ι τζενένγκι.​—1 Κορινθίους 9:​22, 23.

10. (α) Σο αβιλό-πες εκχέ πφραλέστε; (β) Σαρ ντικχλέν ι ζορ σο τθερέλα ο Λάφι ι Ντεβλέσκο κο έργος σο κερένα;

¹⁰ Μπουτ πφραλά ντα πφενιά αγαντέ ότι ο Λάφι ι Ντεβλέσκο μπορίνελα τι επηρεάνελ μπουτ ι τζενέν σο αρακχένα κο έργος. Για παράδειγμας, εκ πφραλ γκιλό εκχέ πφουρέστε σο διαβάνελας αμαρέ περιοδικά μπουτ μπρεσά. Εκ ντιβές, αντί απλώς τι ντελ-λες ο τελευταίος περιοδικός Σκοπιά, ο πφραλ αποφασιντάς τι διαβάνελ λέσκε κάτι κατά Γραφή. Διαβαντάς ο εδάφια 2 Κορινθίους 1:3, 4, σο βακερένα: «Ο Ντατ σο σικαβέλα έλεος αντράλ πι γκίσταρ ντα ο Ντεβέλ κάθε παρηγοριάς . . . ντέλα-αμέν κουράγιος σαρέ κο στεναχώριες σο τθεράσα». Ανταλά λάφια αγγιντέ αζόμ μπουτ ι πφουρές σο μανγκλάς κατά πφραλ τι διαβάνελ λέσκε πάλι ο εδάφια. Σοράν, βακερντάς ότι βοβ ντα λέσκι ρομνί τθερένας μπαρί ανάγκη από παρηγοριά. Επειδή ασουντάς ανταλά εδάφια, μανγκλάς τι σικλιόλ πιο μπουτ πράγματα ι Γραφιάκε. Ο Λάφι ι Ντεβλέσκο τθερέλα μπαρί ζορ όταν χρησιμοποιήνασα-λες κο έργος!​—Πράξεις 19:20.

ΟΤΑΝ ΣΙΚΛΙΑΡΑΣΑ ΚΑΤΑ ΒΗΜΑΣ

11. Καγιά ευθύνη τθερένα ο πφραλά σο σικλιαρένα κατά βήμας;

¹¹ Απολαμβάνασα μπουτ αμαρέ συναθροίσεις ντα αμαρέ συνελεύσεις. Ο πιο σημαντικός λόγος σο τζάσα οτθέ ισί τι ντας λατρεία κο Ιεχωβά. Επίσης, βοηθίντιβασα οντουλένταρ σο σικλιάσα. Οτθάρ, ο πφραλά σο σικλιαρένα κατά βήμας τθερένα μπαρό προνόμιος ντα σημαντική ευθύνη. (Ιακώβου 3:1) Πρέπει τι αβέν σίγουροι ότι οντουλά σο σικλιαρένα βασίντιβενα κο Λάφι κι Ντεβλέσκο. Άμα τθερένα ανταβά προνόμιος, σαρ μπορίνενα τι χρησιμοποιήνεν ι ζορ ι Γραφιάκι για τι ερεσέν κο γκι οντουλένγκο σο ασουνένα-τουμέν;

12. Σαρ μπορίνελα εκ πφραλ τι αβέλ σίγουρος ότι λέσκι ομιλία ισί βασισμέ κι Γραφή;

¹² Η Γραφή πρέπει τι αβέλ ο πιο σημαντικός κομμάτι ι κάθε ομιλιάκο. (Ιωάννης 7:​16) Οτθάρ, τι προσοχίνεν μπουτ για μα τι μουκχέν ο τρόπος σο κερένα ι ομιλία, ο εμπειρίες ή ο παραδείγματα σο βακερένα τι ταρτίνεν ι γιαβερένγκι προσοχή πιο μπουτ από ό,τι η Γραφή. Επίσης, τι ντεν-τουμέν γκοντί ότι γιαβέρ ισί τι διαβάνεν κατά Γραφή ντα γιαβέρ τι σικλιαρέν κατά Γραφή. Κι πραγματικότητα, άμα διαβάνενα μπουτ εδάφια, ο πιο μπουτ τζενέ κα μπιστρέν-λεν. Οτθάρ, τραμπίνεν λατσσές ο εδάφια σο μανγκένα τι χρησιμοποιήνεν. Σοράν, αφιερώνεν χρόνος για τι διαβάνεν-λεν, τι εξηγίνεν-λεν, τι βακερέν παραδείγματα ντα τι χρησιμοποιήνεν ο εδάφια για τι ντεν ο σωστός νόημας. (Νεεμίας 8:8) Όταν εκ ομιλία βασίντιβελα σε σχέδιος, τι διαβάνεν λατσσές ο σχέδιος ντα ο εδάφια σο τθερέλα. Τι προσπαθίνεν τι αγαβέν σο σχέση τθερέλα ο σχέδιος οντουλέ εδαφιόντζαρ. Μετά, χρησιμοποιήνεν μερικέ οντουλέ εδαφιόνταρ για τι σικλιαρέν ο σημεία σο τθερέλα ο σχέδιος. (Κα αρακχέν λατσσέ συμβουλές κο βιβλίος Ωφεληθείτε από την Εκπαίδευση της Σχολής Θεοκρατικής Διακονίας, κο μελέτες 21 μέχρι 23) Ντα ο πιο σημαντικός ισί τι μανγκέν κατά Ιεχωβά τι βοηθίνελ-τουμέν τι βακερέν ο σημαντικά λάφια λέσκε σο ισί κι Γραφή.​—Διαβάνεν Έσδρας 7:​10· Παροιμίες 3:​13, 14.

13. (α) Σαρ επηρεασάλι εκ πφεν εκχέ εδαφιόσταρ σο ασουντάς κι συνάθροιση; (β) Σαρ επηρεάνελα-τουμέν ο τρόπος σο χρησιμοποιήντιβελα η Γραφή κο συναθροίσεις;

¹³ Όταν εκ πφεν κι Αυστραλία ισινέ χουρντί, νακχλάς μπουτ μπέτι πράγματα ντα παρόλο σο μετά σικλιλί ι Ιεχωβάσκε να ισινέ σίγουρη ότι ο Ιεχωβά μανγκέλας-λα. Εκχέ συναθροισιάτε, οντιά πφεν ασουντάς εκ εδάφιος σο επηρεαντάς-λα μπουτ. Σκεφτιντάς προσεκτικά ανταβά εδάφιος ντα ροντιντάς κο έντυπα σο τθεράσα, ντα ανταβά βοηθιντάς-λα τι αρακχέλ γιαβερά-ντα εδάφια κατά Γραφή. Ανταβά κερντάς-λα τι πακιάλ ότι ο Ιεχωβά σίγουρα μανγκέλας-λα.a (Ντικχ ι υποσημείωση) Ασουντέν ποτές εκχέ συναθροισιάτε ή εκχέ συνελευσιάτε εκ εδάφιος σο επηρεαντάς-τουμέν αζόμ μπουτ;​—Νεεμίας 8:12.

14. Σαρ μπορίνασα τι σικαβάς ότι εκτιμίνασα ντα μανγκάσα ο Λάφι ι Ιεχωβάσκο;

¹⁴ Να ισινάμ πφερντέ εκτίμηση ι Ιεχωβάσκε σο ντινάς-αμέν πο Λάφι, ι Αγία Γραφή; Ατσσικιαρντάς ι υπόσχεση σο ντινάς ότι λέσκο Λάφι κα ατσσόλ. (1 Πέτρου 1:​24, 25) Άρα μανγκάσα τι διαβάνας ι Γραφή κάθε ντιβές, τι κεράς αμαρέ ζωγιάτε οντουλά σο βακερέλα ντα τι χρησιμοποιήνας-λα για τι βοηθίνας γιαβερέν. Όταν κεράσα-λες ανταβά, σικαβάσα ότι μανγκάσα μπαγιά ντα εκτιμίνασα ανταβά θησαυρός, ι Γραφή, ντα πιο μπουτ Οντουλές σο γραφιντάς-λα, ι Ιεχωβά Ντεβλές.