Σο Ισί η Βασιλεία ι Ντεβλέσκι;

ΣΟ ΒΑΚΕΡΕΛΑ Η ΑΓΙΑ ΓΡΑΦΗ

«Ο Ντεβέλ σο ισί κο ουρανός κα τσσουβέλ εκ βασιλεία σο ποτές να κα καταστραφίντιβελ».​—Δανιήλ 2:​44, Μετάφραση Νέου Κόσμου.

«Τσσαβό ντιντιλό αμέντε· ντα η κυβέρνηση κα αβέλ λέσκε πλατιάτε».​—Ησαΐας 9:6.

ΣΟ ΜΑΝΓΚΕΛΑ ΤΙ ΒΑΚΕΡΕΛ ΑΝΤΑΒΑ ΤΟΥΜΕΝΓΚΕ

• Εκ δίκαια κυβέρνηση σο μπορίνελα τι βοηθίνελ ι κάθε εκχές ξεχωριστά.​—Ησαΐας 48:17, 18.

• Εκ ζωή με μπουτ λατσσί υγεία ντα ευτυχία, κο νεβό ντουνιάς σο κα αβέλ.​—Αποκάλυψη 21:3, 4.

ΜΠΟΡΙΝΑΣΑ ΤΙ ΠΑΚΙΑΣ ΟΝΤΟΥΛΑ ΣΟ ΒΑΚΕΡΕΛΑ Η ΑΓΙΑ ΓΡΑΦΗ;

Βα, για μπουτ λόγους, αλλά αμέν κα ντικχάς ντούι ντανέ:

• Ο Ιησούς σικαντάς σο κα κερέλ η Βασιλεία ι Ντεβλέσκι. Ο Ιησούς σικλιαρντάς πι μαθητέν τι προσευχίντιβεν τι αβέλ η Βασιλεία ι Ντεβλέσκι ντα τι αβέλ οντουβά σο μανγκέλα ο Ντεβέλ κι πφουβ. (Ματθαίος 6:9, 10) Σικαντάς σαρ κα ντιντιόλας απάντηση οντουλέ προσευχιάτε.

  Όταν ισινέ κι πφουβ, ο Ιησούς ντινάς μποκχαλέν τι χαν, κερντάς λατσσές νασφαλέν, δηλαδή πασλέν, ντα τζουβντιαρντάς μουλέν! (Ματθαίος 15:29-38· Ιωάννης 11:38-44) Αντικάς, σαρ Βασιλιάς σο κα αβέλ κι Βασιλεία κι Ντεβλέσκι, ο Ιησούς σικαντάς ο λατσσίματα σο κα κερέλ ανταγιά Βασιλεία οντουλένγκε σο ακολουθίνενα-λα.​—Αποκάλυψη 11:15.

• Οντουλά σο ντικχάσα αμαρέ ντιβεσέντε σικαβένα ότι η Βασιλεία ι Ντεβλέσκι κα αβέλ μπουτ σουγκό. Ο Ιησούς βακερντάας ότι, πριν η Βασιλεία τι ανέλ ειρήνη κι πφουβ, αμαρό ντουνιάς κα τθερέλας μπουτ τζένγκια, μποκχ ντα σεισμοί.​—Ματθαίος 24:3, 7.

  Ντικχάσα ακριβώς ανταλά τι αβέν-πες αμαρέ ντιβεσέντε. Οτθάρ μπορίνασα τι αβάς σίγουροι ότι η Βασιλεία ι Ντεβλέσκι ατζεχάνικ κα σταματίνελ σαρέ ανταλά προβλήματα.