Πρώτα Κερ Ειρήνη τι Πφραλέσαρ​—Σαρ;

Βακερέν ότι τζουβντιόνα κι Γαλιλαία αζομάν σο ισινέ ο Ιησούς κι πφουβ. Κερντέν ταξίδι μέχρι κι Ιερουσαλήμ για τη Γιορτή των Σκηνών. Η πόλη ισί πφερντί τζενέντζαρ σο αβιλέ μπουτ ντουράλ για τι ντεν λατρεία βον-ντα ι Ιεχωβάς. Μανγκένα τι ντεν εκ θυσία κο Ιεχωβά. Οτθάρ, λένα εκχέ χουρντέ μπουσνιά ντα αρχίνενα τι νακχέν αντράλ κατά στενά της πόλης, σο ισί πφερντέ τζενέντζαρ, για τι τζαν κο ναός. Όταν ερεσένα οτθέ, ντικχένα μπουτέ τζενέν σο μανγκένα βον-ντα τι κερέν θυσίες. Τελικά, αβέλα τουμαρί σειρά για τι ντεν ι χουρντέ μπουσνιά κο ιερείς. Οντιά στιγμή όμως ντένα-τουμέν γκοντί ότι τουμαρό πφραλ, σο κα μπορίνελας τι αβέλ κάπου αντρέ κο μπερεκέτι τζενέ ή κι πόλη, τθερέλα κάτι τουμέντζαρ. Ο Ιησούς εξηγίνελα σο πρέπει τι κερέν. (Διαβάνεν Ματθαίος 5:​24) Σαρ μπορίνενα τουμέν ντα ο πφραλ σο προσβαλισάλο τι προσπαθίνεν τι κερέν ειρήνη σαρ βακερντάς ο Ιησούς; Σε κάθε εκ κατά πλαίσια σο ισί πιο τελέ, σημειώνεν ι σωστή απάντηση.

ΠΡΕΠΕΙ ΤΙ . . .

• κερέν λάφι τουμαρέ πφραλέσαρ σάντε άμα πακιάνα ότι τθερέλα σημαντικός λόγος σο ισί χολιαμέ

• προσπαθίνεν τι διορθώνεν ο τρόπος σο σκεφτίνελα τουμαρό πφραλ άμα αμντίνενα ότι ισί μπουτ ευαίσθητος ή ότι φταίνελα βοβ-ντα οντουλέσκε σο αβιλό-πες

• ασουνέν-λες με υπομονή καζόμ πουτρέλα πο γκι, ντα ατζέ-ντα άμα να αγαβένα ντιπ τουμαρέ πφραλές, τι μανγκέν συγνώμη αντράλ τουμαρέ γκίσταρ σο κερντέν-λες τι ντουκχάλ ή για το αποτελέσματα σο αβιλέ-πες, χωρίς τι μανγκέν, οντουλένταρ σο κερντέν

ΤΟΥΜΑΡΟ ΠΦΡΑΛ ΠΡΕΠΕΙ ΤΙ . . .

• βακερέλ αντρέ κι εκκλησία ότι κερντέν λέσκε κάτι άδικος για τι υποστηρίνεν-λες ο γιαβερά

• κρίνελ-τουμέν, τι βακερέλ ακριβώς ο λάθος σο κερντέν ντα τι μανγκέλ τουμένταρ τι βακερέν ότι φταίνενα

• αγαβέλ ι ταπεινοφροσύνη ντα ο θάρρος σο έπρεπε τι τθερέν για τι πλησιάνεν-λες ντα τι συγχωρίνελ-τουμέν αντράλ πι γκίσταρ

Παρόλο σο αμαρέ ντιβεσέντε να χρειαζίντιβελα τι κεράς θυσίες με ζώα για τι ντας λατρεία ι Ντεβλές, σο σικλιαρντάς ο Ιησούς για τη σχέση σο τθερέλα η ειρήνη αμαρέ πφραλέσαρ ντα η λατρεία σο δεχτίνελα ο Ντεβέλ;