Σαρ Αρχισάλι η Ζωή;

“[Ο Ντεβέλ] ντέλα ι ζωή”. (Ψαλμός 36:9) Πακιάσα-λες τούι ανταβά; Μερικά τζενέ αμντίνενα ότι καέκ να κερντάς ι ζωή. Άμα ανταβά ισί μπαγιά, κα βακεράας ότι αβιλάμ τυχαία. Αλλά άμα κερντάς ι ζωή ο Ιεχωβά Ντεβέλ, η ζωή τθερέλα σκοπός, αντικάς νανέ;a Ντικχ κατάρ βακερέλα η Γραφή ότι αβιλί η ζωή, ντα σόσκε μπορίνασα τι πακιάς ότι ανταβά ισί μπαγιά.

1. Σαρ αρχισάλο ο σύμπαν;

Η Γραφή βακερέλα: «Κι αρχή ο Ντεβέλ κερντάς ο ουρανός ντα ι πφουβ». (Γένεση 1:1) Ο πο μπουτ επιστήμονες συμφωνίνενα ότι ο σύμπαν τθερέλας αρχή. Σαρ λατσσαρντάς-λες ο Ντεβέλ; Ο Ντεβέλ αντράλ πι “μπαρέ ζοριάταρ”​—κατά άγιος πνεύμας​—κερντάς σο-ντα ισί κο σύμπαν, φιρειπείν ο γαλαξίες, ο τσεργανιά ντα ο πλανήτες.​—Γένεση 1:2.

2. Σόσκε κερντάς ο Ντεβέλ ι πφουβ;

Ο Ιεχωβά «να κερντάς [ι πφουβ] χωρίς λόγος, αλλά λατσσαρντάς-λα για τι μπορίνας τι μπεσάς λάτε». (Ησαΐας 45:18) Κερντάς αμαρί πφουβ τροπόσαρ σο κα μπεϊντίναας-λα ντα κα μπορίναας τι τζουβντιάς για πάντα λάτε. (Διαβάνεν Ησαΐας 40:28· 42:5) Ο επιστήμονες βακερένα ότι η πφουβ ισί μπουτ ξεχωριστή ντα ότι νανέ σαρ ο γιαβερά πλανήτες. Σάντε η πφουβ μπορίνελα τι ατσσικιαρέλ εκχέ τζενές κι ζωή.

3. Σο κερέλα ι τζενέν διαφορετικούς κατά ζώα;

Πρώτα ο Ιεχωβά κερντάς ι πφουβ ντα σοράν λατσσαρντάς ο φυτά ντα ο ζώα. Σοράν ανταλέσταρ, «αρχισάλο ο Ντεβέλ τι κερέλ ι τζενές τι μοιάζελ λέστε». (Διαβάνεν Γένεση 1:27) Σο κερέλα ι τζενέν διαφορετικούς; Αφού μοιάζασα κο Ντεβέλ, μπορίνασα τι σικαβάς σαρ λέσκε λατσσίματα, φιρειπείν ο μανγκιπέ ντα ι δικαιοσύνη. Επίσης, αντικάς σαρ κερντάς-αμέν ο Ντεβέλ μπορίνασα τι σικλιάς τσσιμπά, τι μπεϊντίνας οντουβά σο ισί σουκάρ ντα τι αβέλ αμαρό γκι κάνα ασουνάσα γκιλιά. Ατζέκ, αμέν μπορίνασα τι ντας λατρεία Οντουλές σο κερντάς-λεν σαρέ, ενώ ο ζώα να μπορίνενα.

ΧΑΝΤΖΟΥΒ ΠΟ ΑΧΟΡΤ

Σίκλιουβ ο αποδείξεις ότι η ζωή κερντιλί ντα ότι οντουλά σο βακερέλα η Γραφή για τη δημιουργία ισί γκοντιαβέρ. Σκέφτινε σο σικλιαρένα-αμέν ι Ντεβλέσκε ο λατσσίματα σο τθερένα ο τζενέ.

4. Η ζωή κερντιλί

Ο τζενέ λένα νάμι κάνα λατσσαρένα πράγματα σο μοιάζενα οντουλέντζαρ σο ισί κι φύση. Άρα κον πρέπει τι λελ ο νάμι ι πραγματένγκε σο τθερέλα η φύση; Ντικχέν ο ΒΙΝΤΕΟΣ ντα σοράν συζητίνεν ι ερώτηση:

ΒΙΝΤΕΟΣ: Υπαρχίντιβελα Δημιουργός (2:43)

• Καλά πράγματα σο μοιάζενα οντουλέντζαρ σο ισί κι φύση λατσσαρντέ ο τζενέ;

Σαρέ ο κχερά κερντιόνα τζενένταρ. Αλλά κον κερντάς σαρέ οντουλά σο ισί κι φύση; Διαβάνεν Εβραίους 3:4 ντα σοράν συζητίνεν ο ερωτήσεις:

• Καλά πράγματα σο ντικχέσα κι φύση κερένα-τουτ τι σαστίνες;

• Ισί γκοντιαβέρ τι πακιάς ότι ο σύμπαν ντα σο-ντα ισί λέστε κερντιλέ; Σόσκε βακερέσα-λες ανταβά;

Τζανέας-λες;

Μπορίνεσα τι αρακχές θέματα ντα βίντεα ανταλέ θεμάσκε κο jw.org, κι σειρά «Μανγκέλας Γκοντί για τι Κερντιόλ;» ντα «Κατάρ Βακερένα Μερικά Τζενέ ότι Αβιλί η Ζωή».

«Σαρ τζανάσα, σαρέ ο κχερά κερντιόνα τζενένταρ, αλλά οντουβά σο κερντάς σαρέ ο πράγματα ισί ο Ντεβέλ»

5. Οντουλά σο βακερέλα η Γραφή για τη δημιουργία ισί γκοντιαβέρ

ΒΙΝΤΕΟΣ: Κερντάς Κάποιος ο Σύμπαν;​—Χουρντό Βίντεος (3:51)

• Σικλιαρέλα η Γραφή ότι η πφουβ ντα η ζωή σο ισί λάτε κερντιλέ αντρέ σιοβέ ντιβεσέντε σο ατσσικιαρένα 24 σαάτια;

• Πακιάσα ότι οντουλά σο βακερέλα η Γραφή για τη δημιουργία ισί γκοντιαβέρ; Σόσκε βακερέσα-λες ανταβά;

Διαβάνεν Γένεση 1:1 ντα σοράν συζητίνεν ι ερώτηση:

• Ο επιστήμονες βακερένα ότι ο σύμπαν τθερέλας αρχή. Ταιριάνελα λένγκο λάφι ανταλέσαρ σο διαβαντάν ακανά κι Γραφή;

Μερικά τζενέ σκεφτίνενα άμα ο Ντεβέλ κερντάς ι ζωή αντράλ κατά εξέλιξη. Διαβάνεν Γένεση 1:21, 25, 27 ντα σοράν συζητίνεν ο ερωτήσεις:

• Σικλιαρέλα η Γραφή ότι ο Ντεβέλ κερντάς κάτι χουρντό σο τζουβντιόλας ντα σοράν μουκχλάς-λες τι αβέν αντρά-λέσταρ ο ματσσέ, ο γιαβερά ζώα ντα ο τζενέ; Ή κερντάς Βοβ σαρέ ο βασικά «είδη» ι ζωγιάκε;b

6. Ο τζενό ισί ξεχωριστός δημιούργημας ι Ντεβλέσκο

Ο Ιεχωβά να κερντάς ι τζενέν σαρ ο ζώα. Διαβάνεν Γένεση 1:26 ντα σοράν συζητίνεν ι ερώτηση:

• Αφού μοιάζασα κο Ντεβέλ, σο σικλιαρέλα-αμέν λέσκε η ικανότητα σο τθεράσα τι σικαβάς μανγκιπέ ντα τι τζιτζίνας;

ΧΑΝΙΚ ΛΑΦΙΝΤΖΑΡ

Ο Ιεχωβά κερντάς ο σύμπαν ντα σο-ντα τθερέλα ζωή.

Σο Σικλιλάν;

• Σαρ σικλιαρέλα η Γραφή, κατάρ αβιλό ο σύμπαν;

• Μουκχλάς ο Ντεβέλ ο διάφορα είδη ι ζωγιάκε τι αβέν από κάτι χουρντό σο τζουβντιόλας ή κερντάς-λεν σαρέ βοβ;

• Σο ξεχωριστός τθερένα ο τζενέ;

ΡΟΝΤΕ

Αράκχ πράγματα κι φύση σο σικαβένα ότι υπαρχίντιβελα Δημιουργός.

«Σο Σικλιαρέλα-αμέν η Φύση;» (Ξύπνα!, Σεπτέμβριος 2006)

Ντικχ σαρ μπορίνελα εκ ντατ τι πουτρέλ πι τσσαβορέσκε οντουλένγκε σο βακερέλα η Γραφή για τη δημιουργία.

“Ο Ιεχωβά Κερντάς-λεν Σαρέ” (2:37)

Σίκλιουβ άμα ισί σωστή εμ η Γραφή εμ η εξέλιξη.

«Αντάς ο Ντεβέλ ο Είδη ι Ζωγιάκε Αντράλ Κατά Εξέλιξη;» (Θέμας κο ιστότοπος)

Τσσουβ σημασία σο σικαβένα ο πουρανέ κόκαλα ντα ο πειράματα σο κερντέ ο επιστήμονες​—ισί κάποιος σο κερντάς-λεν σαρέ ή αβιλέ κορκορέ;

Σαρ Αβιλί η Ζωή​—Παντς Ερωτήσεις σο Ισί Λατσσό τι Κεράς (Βιβλιάριος)