Σο Σκοπός Τθερέλα ο Ντεβέλ Αμένγκε;

Η Αγία Γραφή βακερέλα ότι ο τζενέ “τζουβντιόνα χάνικ μπρεσά ντα ισί πφερντέ ντουκχ”. (Ιώβ 14:1) Όμως, αντικάς μανγκέλας ο Ντεβέλ τι τζουβντιάς; Άμα να μανγκέλας-λες ανταβά, σο σκοπός τθερέλα αμένγκε; Κα κερέλ-λες ποτές; Ντικχ ο απαντήσεις ι Γραφιάκε σο κα κοβλιαρέν το γκι.

1. Σαρ μανγκέλα ο Ιεχωβά τι αβέλ αμαρί ζωή;

Ο Ιεχωβά μανγκέλα τι τθεράς ι πο λατσσί ζωή. Κάνα λατσσαρντάς ι πρώτε τζενέν, ι Αδαμίς ντα ι Ευά, τσσουντάς-λεν σε εκ σουκάρ παράδεισος, κο κήπος της Εδέμ. Σοράν, «ο Ντεβέλ ευλογιντάς-λεν ντα βακερντάς λένγκε: “Τι κερέν μπουτέ τσσαβέν ντα τι αβγατίντιβεν, τι πφερέν ι πφουβ ντα τι τθερέν-λα τουμένγκε”». (Γένεση 1:28) Ο Ιεχωβά μανγκέλας τι τθερέν τσσαβέν, τι κερέν σαρί ι πφουβ παράδεισος ντα τι αρακχαβέν ο ζώα. Λέσκο σκοπός ισινέ τι αβέν ζουρανέ σαρέ ο τζενέ ντα τι τζουβντιόν για πάντα.

Παρόλο σο ο πράγματα να αβιλέ αντικάς,a ο σκοπός σο τθερέλα ο Ντεβέλ να αλλαξάλο. (Ησαΐας 46:10, 11) Ο Ντεβέλ μανγκέλα ατζέκ ατζέκ ο τζενέ σο ντένα-λες καν τι τθερέν τέλεια ζωή για πάντα.—Διαβάνεν Αποκάλυψη 21:3, 4.

2. Αβέλα-πες τι τθεράς μπαγιά εκ πφερντί ζωή ακανά;

Ο Ιεχωβά τσσουντάς αντρ’ αμέντε ι “ανάγκη πνευματικέ πραγματένγκε”, δηλαδή κερντάς-αμέν τι μανγκάς τι σικλιάς-λες ντα τι ντας-λες λατρεία. (Διαβάνεν Ματθαίος 5:3-6) Μανγκέλα τι αβάς λατσσέ αμαλά λέσαρ, “τι πφιράς σαρέ λέσκε ντρομέντε, τι μανγκάς-λες” ντα τι υπηρετίνας-λες “σαρέ αμαρέ γκίσαρ”. (Δευτερονόμιο 10:12· Ψαλμός 25:14) Κάνα κεράσα-λες ανταβά, ισινάμ ευτυχισμέ ατζέ-ντα άμα τθεράσα προβλήματα. Η λατρεία σο ντάσα κο Ιεχωβά κερέλα αμαρί ζωή μπαγιά πφερντί επειδή τζουβντιάσα αντικάς σαρ μανγκέλα βοβ.

3. Ο Ιεχωβά τθερέλα εκ μπουτ σουκάρ σκοπός ι τζενένγκε

Ντικχέν ο ΒΙΝΤΕΟΣ ντα σοράν συζητίνεν ι ερώτηση:

ΒΙΝΤΕΟΣ: Σόσκε Κερντάς ο Ντεβέλ ι Πφουβ;—Χουρντό Βίντεος (1:41)

• Σόσκε λατσσαρντάς ο Ντεβέλ αμαρί μπουτ σουκάρ πφουβ;

Διαβάνεν Εκκλησιαστής 3:11 ντα σοράν συζητίνεν ι ερώτηση:

• Σο σικλιαρέλα-τουτ ανταβά ι Ιεχωβάσκε;

4. Ο σκοπός ι Ιεχωβάσκο να αλλαξάλο

Διαβάνεν Ψαλμός 37:11, 29 ντα Ησαΐας 55:11 ντα σοράν συζητίνεν ι ερώτηση:

• Σαρ τζανάσα ότι ο σκοπός ι Ιεχωβάσκο αμένγκε να αλλαξάλο;

5. Η λατρεία σο ντάσα κο Ιεχωβά πφερέλα μπαγιά αμαρί ζωή

ΒΙΝΤΕΟΣ: Σικλιλόμ Σόσκε Λατσσαρντάς-αμέν ο Ντεβέλ (5:03)

• Σο λατσσιπέ ντικχλάς η Τερούμι κάνα σικλιλί σόσκε λατσσαρντάς-αμέν ο Ντεβέλ;

Διαβάνεν Εκκλησιαστής 12:13 ντα σοράν συζητίνεν ι ερώτηση:

• Αφού ο Ιεχωβά κερντάς αζόμ μπουτ αμένγκε, σαρ μπορίνασα τι σικαβάς αμαρί εκτίμηση λέσκε;

ΧΑΝΙΚ ΛΑΦΙΝΤΖΑΡ

Ο Ιεχωβά μανγκέλα τι τθεράς τέλεια ζωή για πάντα ατθέ κι πφουβ. Κάνα ντάσα-λες λατρεία σαρέ αμαρέ γκίσαρ, αμαρί ζωή ισί μπαγιά πφερντί ατζέ-ντα ακανά.

Σο Σικλιλάν;

• Σο σκοπός τθερέλας ο Ιεχωβά ι Αδαμίσκε ντα ι Ευάκε;

• Σαρ τζανάσα ότι ο σκοπός σο τθερέλας ο Ντεβέλ ι τζενένγκε να αλλαξάλο;

• Σαρ αβέλα-πες τι αβέλ μπαγιά πφερντί τι ζωή;

ΡΟΝΤΕ

Ντικχ σο σικαβέλα ότι ο κήπος της Εδέμ υπαρχίντιβελας μπαγιά.

«Ο Κήπος της Εδέμ —Μασάλι ή Αλήθεια;» (Η Σκοπιά 1 Ιανουαρίου 2011)

Σίκλιουβ σόσκε μπορίνασα τι αβάς σίγουροι ότι η πφουβ κα ατσσόλ για πάντα.

«Κα Καταστραφίντιβελ η Πφουβ;» (Θέμας κο ιστότοπος)

Τσσουβ σημασία σαρ βακερέλα η Γραφή ότι κα αβέλ μπαγιά πφερντί αμαρί ζωή.

«Καβά Ισί ο Νόημας ι Ζωγιάκο;» (Θέμας κο ιστότοπος)

Ντικχ σαρ εκ τζενό σο αμντίνελας ότι τθερέλας-λεν σαρέ αρακχλάς οντουβά σο λειπίνελας λέσταρ.

Ακανά Τθεράβα Σκοπός μι Ζωγιάτε (3:55)