Jaake hi tut o Biblakro Kursestar budeder
Rake i Biblakro Sikepaskreha: Tu nai putcheh koles pal i Biblakro Kurso, konestar tu kai publikationa lal. Ninna nai putcheh online ap mari rig jw.org.
GLANSTUNO KOTAR
Drawerenn i verse an i lektiona un ninna kowa, hoi pesses tchinlo hi (A). Hi mishto, te dikenn ninna an i bibla dren (B). Kola laba sikrenn, hoi i bibla pral i themra penella. Denn ninna sawe, kai “Dik pal” tchindes hi.
MASHKRAL
Kola laba tel RODAS DUREDER (C) sikrenn, hoi gomme wella. Hoi palle pesses tchinlo hi (D), hi kowa, pral hoi tumer hunte rakrenn khetne. Drawerenn i laba an i bibla, rakrenn pral kowa un dikenn i Videos (E).
Rakrenn ninna khetne pral kola illustratione un kola laba, hoi telal tchinlo hi (F). Hoi penals tu, te penell jek ap tute kowa, hoi tel BUD PENENNA (G) tchinlo hi? Kre tuke ninna pral kowa i shero.
PALSTUNO KOTAR
Palstunes well tel HOI KATE PENLO WAS sikedo, pral hoi i lektione djan. Tel Hoi penals tu? (H) nai peneh, hoi tu sikedo wal. Te kameh, nai tchineh tuke ninna ko diwes pre, kaana tu i lektiona kral. Kote hi ninna Hoi me kamau te krell (I) tchindes. Kote nai tchineh tuke pre, hoi lal tuke glan. Pash BUDEDER (J) hi tut informatione, hoi nai drawereh oder hoi nai dikeh, te djiness budeder pral koi themra.
Har te hatsess verse an i bibla
Glanstunes hatseh tu o Liileskro Lab (A), palle well o kotar (B), un pal kowa i verso oder i verse (C). Har kanna Johanni 17:3. O Liileskro Lab hi Johanni un palle well o kotar 17, un palle o verso 3.