Ha rakerell o Dewel mentsa?

O Dewel rakerell mentsa dran i bibla. 2. Timoteo 3:16

O baro Dewel khamas, te tchinenn morsha pre, hoi an leskro dji un shero hi. Kola laba hatsah mer an i bibla. Job khamell ninna, te brindjerass i bibla.

O Dewel djinell hallauter. Mer te shunah ap leste, nashte haiwah mer, hoi latcho un tchatcho hi (Gosewe laba 1:5).

I bibla della an bud tchipja. O Dewel khamell, gai nashte haiwell hakeno an peskri tchip o Dewleskro lab.

Tu te khameh ap o Dewleste te shunell, hunte traberess un haiwess tu, hoi an i bibla tchindlo hi.

Bud manusha khamenn o Dewlestar sikedo te well. Mateo 28:19

I Jehoweskre Rakepangre tsikerenn tuke, hoi an i bibla tardo hi.

Ap i tseli phub tsikerenn jon o tchatchepen pral o Dewleste.

Kote, gai i Jehoweskre Rakepangre pen taprenna, nashte weh tu bud pral o Dewleste sikedo. Kowa well tuke kek lowe.