LEKTIONA 4

Hoi djas lenge, ha jon ap o bengeste shunan?

O Adam un i Ewa shunan gar ap o Dewleste. Jon hunte meran. 1. Mose 3:6, 23

I Ewa chajas o rukhesta, hoi o Dewel penas, te chass gar. Ninna das li o Adameste te chal.

I Ewa shunas ap i sap un chajas kowa rukhestar. Koi pal das li o Adameste ninna te chal.

O Adam un i Ewa hunte djan dran o paradiso wri.

Hoi jon kran, his tchilatches. Kowa his i bari doosh. O Dewel tradas len dran lengro paradistiko khere wri.

Kanna was lengro djipen phares. Jon wan pures un hunte meran. Pal lengro merepen djiwan le gar an o bollepen, ninna gar ap i phub. Tchi lendar djiwas dureda.

I muhle hi ha i phup. Tchi lendar djiwella dureda. 1. Mose 3:19

Manusha dran bud natione an wawar tsire.

Mer hunte merass. Jaake haiwah mer, gai ham mer tchawe o Adamestar un i Ewatar. I muhle nashte dikenn tchi, hunenn tchi, ninna nashte krenn jon buda tchi (Ketenepaskro 9:5, 10).

I tchai meras. Lakri familia rowenn pal late.

O Jehowah khamas gar, te merenn i manusha. An kek rar tsiro djangerell job i muhlen pale pre. Kanna, te shunenn le ap o Dewleste, nashte djiwenn jon i djipen hake tsireske.