LEKTIONA 3
Ha his o djipen an o paradiso?
O Jehowah das i Adameske un i Ewake hallauter, te wenn le bachteles. 1. Mose 1:28
O Jehowah kras i Adameske i djuwel. Joj kharas Ewa (1. Mose 2:21, 22).
O Jehowah kras o Adames un i Ewat perfekt – kek doosh his ap lende.
Jon djiwan an o paradiso. Kote his hallauter shukka: I nashedo pani, bud rukha chapaske un bud dire.
O Jehowah tsikeras len bud un rakeras lentsa ninna. Jon te shunans ap leste, hunte merans jon gar. Jon nashte djiwans hake tsireske.
Job penas, te ma chan le jek rukestar. 1. Mose 2:16, 17
O Jehowah tsikeras o Adames un i Evat jek rukh un penas ap lende: Te chan tumer kolestar, hunte merenn tumer.
Jek bollepaskro khamas pes pral o Dewleste te hadell. Kowa tchilatcho bollepaskro hi o beng. Job well ninna Satan kharedo.
O beng ma khamas, te shunenn o Adam un i Ewa ap o Dewleste Jehowah. Job las i sap glan peste un rakeras dran lakro mui un penas ap i Ewate: Tumer te chan kowa rukestar, merenn tumer gar, naa, tumer wenn ha o Dewel. Kowa his i baro chochepen (1. Mose 3:1-5)!