Hawo djipen kamell o Dewel i menshen te dell?

I bibla penell, kai djiwenn i menshe i tikno tsiro, un marenn pen tele (Hiob 14:1). Kamas o Dewel, kai hi men sawo djipen? Te kamas lo kowa gar, hawo djipen kamell lo men palle te dell? Well men ko djipen, hoi o Dewel menge glanstunes kamas te dell? Hoi i bibla pral kowa penella, krell men tchatchepah bachteles.

1. Hawo djipen kamell o Jehowah men te dell?

O Jehowah kamell, te nai djiwas o fetester djipen. Har kerdas lo kola glanstune menshen, i Adames un i Evat, tchiwas lo len an i shukar baar. Koi baar kharas Eden. Palle rakras o Dewel “latche laba pral lende win un penas: ‘Anenn bud tchawen ap i phub, te well i phub tumendar pherdo! Awenn rai pral i phub’” (1. Mose 1:28). O Jehowah kamas, te lenn le tchawe, te dikenn le pal i viechende un te krenn le dran i tseli phub i paradiso. Job kamas, te well i tsele menshenge i shukar un sassto djipen un te djiwenn le hake tsireske.

Ninna te hi o djipen gar jaake, har o Dewel kowa kamas, atchas an leskro dji kowa, hoi job glanstunes menge kamas te dell (Jesaja 46:10, 11).a Gomme an maro tsiro kamell lo, te djiwenn kola menshe, kai ap leste shunenna, hake tsireske an i shukar paradiso (Dik pal an Debleskro tsiro 21:3, 4).

2. Har nai well men an maro tsiro i bachtelo djipen?

O Jehowah tchiwas menge kowa an o dji, kai kamah les te prindjrell, kai kamah leskro lab te shunell, un kai kamah les te sharell. Job te hi an maro djipen, wah mer bachteles (Dik pal an Luka 11:28). Job kamell, te wah tchatche mala lestar. Doleske penell lo tuke, “te djas ap leskro drom an halauter hoi tu kreh” un dureder penell lo, te “kamess les o tselo djiestar” (5. Mose 10:12; Gilja 25:14). Mer te krah kowa, wah mer tchatchepah bachteles, ninna te hi men probleme. Mer te sharah i Jehowes an maro djipen, haiwah mer, har bachteles men kowa krella. Hoske? Palle djiwah mer maro djipen jaake, har o Jehowah kowa kamella.

3. O Jehowah kamell, te djiwas i bachtelo un shukar djipen

Te dikan o VIDEO, rakrenn khetne pral:

VIDEO: Hoske kerdas o Dewel mari phub? — Tikno video (1:41)

• Hoske kerdas o Dewel mari shukar phub?

An i bibla hi tardo, o Dewel Jehowah tchiwas kowa an maro dji, kai kamah hake tsireske te djiwell (Sikepaskro 3:11). Rakrenn kanna khetne pral:

• Hoi sikrell tuke kowa pral i Jehoweste?

4. Hoi o Jehowah kamas, kamell lo ninna an maro tsiro

Dikenn pal an Jesaja 55:11 un Hebrearja 6:17, un rakrenn khetne pral:

• Hoske djinah nai, kai khamell o Jehowah ninna an maro tsiro kowa, hoi job glanstunes kamas?

5. Te djiwah i Jehoweske, well maro djipen tchatchepah bachteles

VIDEO: Me haiwum, hoske me djiwau (5:03)

• Hoi kras mari phenjat, i Terumi, an lakro djipen tchatchepah bachteles?

Dikenn pal an Sikepaskro 12:13, un rakrenn khetne pral:

• Har nai sikrah i Jehoweske, kai molell menge ko baro latchepen lestar, un hoi hunte das mer leske pale?

HOI KATE PENLO WAS

O Jehowah kamell, te well men i shukar un bachtelo djipen kate ap i phub. Mer te djiwah leske maro tselo djieha, hi men ninna kanna an maro tsiro i bachtelo djipen.

Hoi penals tu?

• Hoi kamas o Jehowah glanstunes i Adames un i Evat te dell?

• Hoske djinah mer, kai khamell o Jehowah ninna an maro tsiro kowa, hoi job glanstunes kamas?

• Har nai well tiro djipen tchatchepah bachteles?

BUDEDER

Kate hatseh o tchatchepen ap ko putchepen: Hi o baar Eden i legenda?

“Das o baar Eden tchatchepah?” (O Gardeskro Kheer, Januar 1, 2011)

Kate drawereh nai, hoske mer djinah, kai atchell i phub hake tsireske.

“Well i tsiro, kai i phub paash djala?” (I artikla online)

Kate nai dikeh, hoi i bibla penella, hoske mer djiwah.

“Hoske djiwah mer?” (I artikla online)

Kate nai dikeh har i morsh tchomone hatsas, hoi les an peskro djipen gomme gar his.

Kanna djiwau i bachtelo djipen (3:55)