LEKTIONA 56
Tu nai kreh koi dori, hoi mari familja khetne rikrella, sorleder
Te ham mare phralentsa un phenjentsa khetne, hi menge kowa jaake, har o rai David penas: “Dikenn, har mishto un shukar hi, te djiwenn phrala an o latchepen khetne” (Gilja 133:1). Koi dori, hoi mari familja khetne rikrella, wella gar dran peste sorles. Hakeno mendar hunte krell tchomone.
1. Hoi della kokres pash i Debleskre menshende?
Tu te djah an i Khetnepen an i wawar them, nashte haiweh tu koi tchip vielleicht gar te rakrell, aber tu haiweh: Ake hum khere! Hoske hi kowa jaake? Ap i tseli phub lah mer kola selbige publikatione, te rodah an i bibla. Mer sikrah mare phralenge un phenjenge ninna maro kamlepen. Hi jek, kai djiwah, mer halauter kharah o baro Debleskro lab Jehowah an, un mangah les khetne an (Zefanja 3:9).
2. Hoi nai kreh tu, te well koi dori, hoi men khetne rikrella, sorleder?
“Kamenn tumen o tselo djiestar” (1. Petro 1:22). Har nai krah kowa? Ma konzentriere tut ap ko negativ koowa — dik ap ko latcho koowa lendar. Ma ab kokres kolentsa khetne, kolen kola emlige interessen hi, har tut — ab ninna kolentsa khetne, kai gar jaake hin, har tu hal. Mer hunte budras ninna sorles ap kowa, te dikas un te rakras gar tchilatches pral kolende, kai gar mare menshendar hin (Dik pal an 1. Petro 2:17).a
3. Hoi hunte kress tu, te choireh tut pral tiro phraleste?
Ninna te rikrah khetne, hi kek mendar perfekt, un jek nai dukrell i wawares. I bibla penella, kai hunte bistras mer “o tchilatcho koowa, hoi o wawar” ap mende krella. Dureder hi tchinlo: “Palle bistrell tumaro dad an o bolepen ninna o tchilatchepen, hoi tumer kran” (Mateo 6:14). Ninna kai dukram i Jehowes bud kope, bistrell lo maro tchilatcho koowa. Doleske kamell lo mendar kowa ninna. Tu te haiweh, kai dukral jekes, le koi initiativa an o wast, un penn, kai khaitell tuke kowa (Dik pal an Mateo 5:23, 24).b
RODAS DUREDER
Kanna dikeh, har te rodess pal droma, te nai atchell tel mende koi harmonia un koi kamlepaskri dori, hoi men khetne rikrella.
Hoi kreh tu, te well i harmonia pale?
4. Ma dik ap kowa, hawe menshendar jek wella
Ninna te kamah mare tsele phralen kamlepen te sikrell, nai well menge kowa phares, te hin le jaake bud wawartchandes, har mer ham. Hoi hi palle mishto? Dikenn pal an Bitchepangre 10:34, 35, un rakrenn khetne pral:
Te djinah, kai rodell o Jehowah pes menshen win, kai hake menshendar wenna: Har hunte dikas mer ap kolende, kai wawar menshendar hi?
Har rakrenn le, kote kai tu beshdo hal, pral menshe wawar menshendar, un har kameh tu ap sawe te dikell, kai wawar menshendar hin?
Dikenn pal an 2. Korintarja 6:11-13, un rakrenn khetne pral:
Har nai well tiro kamlepen ap phralende un phenjende wawar menshendar bareder un bareder?
5. Biste tiro djiestar — un rike i harmonia
O Jehowah bistrell mari doosh, obwohl mer leske kowa nie krah. Dikenn pal an Gilja 86:5, un rakrenn khetne pral:
Hoi sikrell menge ko verso pral kowa, kai kamell o Jehowah mari doosh te bistrell?
Hoske hal tu i Jehoweske parkedo, kai bistrell lo mari doosh o djiestar?
Hoske nai well kowa phares, te rikras wawarentsa i harmonia?
Har nai krah mer i Jehowes an kowa pal, un rikrah i harmonia mare phralentsa un phenjentsa? Dikenn pal an Gosewe Laba 19:11, un rakrenn khetne pral:
Hoi nai kreh tu, te dukras tut jek oder te choireh tut pral jekeste?
Hoi te kras mer, mer te dukram i wawares? Te dikan o VIDEO, rakrenn khetne pral:
Hoi kras koi pheen, te nai well li koi wawar phenjah pale latches khetne?
6. Dik ap o latchepen an tire phralende un phenjende
Mer te prindjrah mare phralen un phenjen feteder, djinah mer, hoi jon latches haiwenna, un ninna kowa, hoi jon gar latches haiwenna. Har nai dikah mer ap lengro latcho koowa? Te dikan o VIDEO, rakrenn khetne pral:
Hoi hi tuke mishto, te dikess ap ko latcho koowa tire phralendar un phenjendar?
O Jehowah rodell pal o latchepen an mende. Dikenn pal an 2. Familjakro Liil 16:9a, un rakrenn khetne pral:
Har hi tuke kowa, te djineh kanna, kai rodell o Jehowah an tute o latchepen?
Ninna te hi i diamanto gar ’djudjo’, hi lo bud moldo. Jaake hin mare phrala un phenja an i Jehoweskre jaka bud moldo, ninna te hin le gar perfekt
BUD PENENNA: “Job hunte wella pash mande — job his kowa, kai dukras man.”
Hoske hunte well menge kowa i baro koowa an o dji, te bistras o djiestar?
HOI KATE PENLO WAS
Tu te bistreh o djiestar, un te sikreh kamlepen ap i tsele phralende un phenjende, rikreh tu i harmonia an i Versammlunga.
Hoi penals tu?
Hoi hunte kress tu, te dikess gar tele ap menshende, kai wawar menshendar wenna?
Hoi kameh tu te krell, te hi tut i tchingepen i phraleha oder i phenjah?
Hoske kameh tu — jaake har o Jehowah — ko tchilatchepen wawarendar o djiestar te bistrell?
BUDEDER
Kate well tuke penlo, hawe labentsa o Jesus sikras, kai te rakras gar tchilatches pral wawarende.
Kate drawereh nai, hoske kowa mishto hi, te penas, kai khaitell menge tchomone, ninna te kram tchi.
“’Ko khaitell man’ — I lab, hoi harmonia anella” (O Gardeskro Kheer, November 1, 2002)
Kate dikeh, har persone sikedo wan, te djan le wawarentsa fair trujel.
Kate drawereh, har te mukess kek tchingepen pre te well, jaake kai atchell i harmonia an i Versammlunga.
“Tchip differenze an kamlepen tele” (O Gardeskro Kheer, Mai 2016)
a An o Palstuno Tchinepen 6 wella sikedo, hoi christe dran kamlepen krenna, te anenn le kek infektiontiko nasslepen ap wawarende dureder.
b An o Palstuno Tchinepen 7 wella sikedo, har te wess jekeha pale mishto khetne, te djala pral koowa ap i budi, oder pral legal koowa.