So shaj sityarel amenge e Biblia? – Vershura, so trubul te ginaven
1. KOTOR
KON SI O DEL?
(Job 34:10–12) Shunen pe mande, tume godyaver manusha! Nashtig avel, ke o chacho Del nasul te kerel, ke o Majbaro bengimo te kerel! 11 Kade potyinel le manushen, sar so kerde, thaj mukhel t’avel len dukh, ke nasul kerde. 12 O Del chi kerel khanchi nasulimo, thaj o Majbaro chi shinel banges e krisi.
(Asharimata 37:9–11) Ke le nasulen pustitina, de kon ando Jehova patyan, pe kodol mukhena e phuv. 10 Inke jekh cerra vrama, thaj chi avena majbut nasula,dikhes lengo than, thaj chi avna kothe. 11 De e phuv pe le pachake mukhena, thaj losshana, ke mindig ande bari pacha trajina.
(1Peter 5:7) thaj tumari sako dar pe leste mukhen, ke voj grizhil pe tumende.
(Aposhtola 17:11) Kadal pale majmishto gindinaspe, sar le tessalonikake, ke andar pengo jilo line andre le Devleski vorba, sako dyes sityonas o Iskirimo, ke kade si kadala butya.
2. KOTOR
E BIBLIA JEKH GINADYI SI, KATHAR O DEL
(2Timoteus 3:16) O intrego Iskirimo kathar o Del si, thaj lashij te sityarel, thaneste te shol, te lasharel, palpale te xutyilel, kodo te keras, so chachoj.
(Izaiash 48:17) Kado phenel o Jehova, kon muntuj tut, le Izraelesko sunto: „Me, Jehova sim tyo Del, kon pe kodo sityarav tut, so lashoj tuke, kon pe kodo drom ingrav tut, pe soste trubul te phires.
(Izaiash 44:27–45:2) kon kade del duma kaj le lungi paja: »Shutyon opre, thaj tye sakofelo paja avri shutyarav«, 28 kon kodo phenel pal o Cirus: »Muro pastorij voj, thaj sakofelo kerel, so kamav«, thaj kon kodo phenel pal o Jeruzhalem: »Nyevo kerdyol«, pe khangeri kodo phenel: »Tele shuven tyo fundo.«”
45 Kade del duma o Jehova kaj pesko opre makhlo, kaj o Cirus, kaske xutyildas lesko chacho vast, ke nipon te bandyarel tele angla leste, ke krajen te marel tele, te putrel angla leste le bare vudara, thaj kade chi le vudara te na aven andre phandade: 2 „Me zhav angla tute, thaj le cine plaja lasharav angla tute. Le xarxumale vudara phagrav, thaj le sastrune kiji tele shingrav.
(4Mozesh 23:19) O Del naj manush, te xoxavel, china na manushesko shavo si, te boldelpe lesko gindimo. Phenel kasavo, so chi kerel? Vorbil pe kasaveste, so chi kerel?
(Heberenge 4:12) Ke le Devleski vorba zhuvindoj, thaj zor mukhel avri, majzuralo si, sar o xanro, duj riga shinel o dyi kathar o duxo, shineltar le kokala kodolestar so ande kokala si, thaj uzhes zhanel te dikhel le jileske gindura, thaj so o jilo kamel.
3. KOTOR
SO KAMEL O DEL LE MANUSHENCA?
(Jakab 1:13–15) Khonyik te na phenel kana zumaven les: „O Del zumavel man.” Nasulimasa nashtig zumaven le Devles, thaj chi voj chi zumavel kasavesa khanyikas. 14 Sakono kade si zumado, sar lesko kamipe ingrel les thaj andre cirdel les. 15 Kana pala kodo o kamipe kerdyilas, bezex anel, o bezex pale, kana keren les, meripe anel pe luma.
(1Mozesh 3:1–5) O sap majfeder las sama sar le majbut vadni, so o Jehova kerdas. Thaj kade vorbindas kaj e zhuvlyi: „Vi chaches kodo phendas o Del, ke chi pe jekh kasht nashtig xan?” 2 E zhuvlyi kodo phendas le sapeske: „Shaj xas pal le kashtengo frukto. 3 De pe kodo kasht so mashkaral si ande bar, pe kodolesko frukto, o Del kado phendas: »Te na xan, chi te na unzon leste, ke merena.«” 4 O sap pe kado phendas la zhuvlyake: „Chi merena. 5 Ke zhanel o Del ke savo dyes xana pe leste, avri puterdyon tumare jakha, thaj kasave avena sar o Del, zhanena so si o lasho, thaj so si o nasul.”
(Roma 5:12) Ande kodo si, ke sar kathar jekh manush avilas andre ande luma o bezex, thaj le bezexesa o meripo, thaj kade o meripo pe sakone manusheste perdal gelas, ke sakono bezex kerdas.
(Godyaver Vorbi 27:11) Av godyaver muro shavo, thaj ker lossh mure jileske, te shaj dav palpale vorba kodoleske, kon man prassal.
(Daniel 2:44) Ande kodolenge krajenge dyesa le cheresko Del opre tordyarel jekh krajipe, so soha chi pustilape. Kado krajipe chi zhal perdal pe kaver nipo. Kethane phagrel, thaj khosel kodole krajipen, thaj feri kado krajipe ashel mindig,
(Janosh 3:16) Ke o Del kade kamelas e luma, ke peske anglune Shaves das, ke sakono, kon ande leste patyal te na xasajvel, thaj mindig te trajil.
(Janosh 17:3) Pasha kodo, varikon mindig te trajil, kodo trubul, te pinzharen tut, le korkoro chache Devles, thaj kodoles, kas bishaldan, le Jezush Kristushes.
(Izaiash 32:18) Muro nipo po pachako than beshela, chi trubul te daran, thaj chi azbal len khonyik, kaj so tele pashjon.
(Mikeash 4:4) Sakono tela peski drakh thaj tela pesko kasht beshela, thaj khonyik chi daravela len, ke le bute ketanengo Raj, o Jehova phendas kado.
(Izaiash 65:21–24) Khera kerena, thaj beshena ande lende, drakh beshajarena, thaj xana lesko frukto. 22 Na kade keren khera, kavera te beshen kothe, na kade beshajaren, kavera te xan o frukto. Ke sar le kashtenge dyesa, kasave avna mure niposke dyesa, thaj kon murej, sa zurales losshana penga butyake. 23 Na po khanchi keren pengi zurali butyi, na po chorrimo avla len shavoro, ke kasave si von, kas aldil o Jehova, lenge shavorenca kethane. 24 Inke angla soste cipinena, aba me palpale dav vorba, inke vorbin, thaj me aba shundem len.
(Sikadyimaski 11:18) De xojajle le nipura, thaj vi tu xojajlan, thaj avilas e vrama pe kodo, krisi te shinen pe mule, thaj avri te potyines tye slugin, le profeten, le sunton, thaj kodolen, kon daran tyo anav, cinen thaj baren, thaj te mudares kodolen, kon rumusaren e phuv.
(Izaiash 11:6–9) O ruv kethane beshela le bakresa, o leopardo la cina buznyasa pashlyol, e cini guruvnyi, e vadno muca thaj o thulo allato sa kethane avna, thaj jekh cino shavoro lela pe lende sama. 7 E guruvnyi thaj e medve kethane xana, thaj kethane pashjon tele lenge cine. E vadno muca sulum xala, sar o guruv. 8 O cino shavoro, kon inke thud pel, pasha sapeski gropa khelelape, thaj o shavoro, kon aba chi pel thud, opre shola pesko vast pa le sapeski gropa. 9 Chi azbana, thaj chi pustitina khatik pe muro sunto plaj, ke pe intrego phuv pinzharena le Jehovas, sar le paja pherdyaren o baro paji.
(Izaiash 65:25) O ruv, thaj o bakro kethane xana, e vadno muca sulum xala, sar o guruv, le sapeske o praxo avla lesko xamasko. Chi azban, thaj chi pustitin khanyikaj pe amaro sunto plaj” – kado phenel o Jehova.
(Janosh 5:28, 29) Na chudin tume pe kado, ke avela o chaso, kana sakono, kon ande serimaski gropa si, shunena leski vorba, 29 thaj avri aven: kon lasho kerde kodol opre ushtyon, te trajin, kon nasulipe kerde, opre ustyen, krisi te shinen pe lende.
4. KOTOR
KON SI O JEZUSH KRISTUSH?
(Janosh 3:13) Chi jekh manush chi gelas opre ando cheri, feri kodo, kon andar o cheri avilas tele: le Manushesko Shavo.
(Janosh 6:38) Ke na anda kodo avilem tele anda o cheri, kodo te kerav, so me kamav, ke kodoleski voja, kon bishaldas man.
(Janosh 6:62) So avla, kana dikhena le Manusheske Shaves opre te zhal kothe, kaj so angla kodo sas?
(Janosh 17:4, 5) Me barardem tyo anav pe phuv, thaj kerdem e butyi, so dan man. 5 Akanak pale Dade, de man patyiv, mukh t’avav pasha tute, thaj te shaj avel muri kodi patyiv, so atunchi sas man, kana pasha tute simas, angla soste e luma kerdyilas.
(Janosh 14:28) Shunde, ke kado phendem tumenge: »Zhavtar, thaj palpale avav tumende.« Chaches te kamen man, losshan, ke zhavtar kaj muro Dad, ke o Dad majbaro si mandar.
(Mate 9:35, 36) Thaj o Jezush krujal gelas ande sako foro thaj gav, sityarelas ande le biboldengi khangeri vorbilas le krajipeski lashi vorba, thaj sastyarelas sako nasvalimo thaj sako bangimata. 36 Kana dikhlas le bute manushen, sunundas len, ke dikhlas, ke avri si khinyarde, chi grizhin pe lende, thaj kasavej, sar le bakre, kas naj pastori.
(Filippi 2:8) Inke majbut, kana avilas sar manush, majcineske kerdaspe, thaj muj patyandas, vi o merimo opre las, ova, o merimo po kasht.
5. KOTOR
O MAJKUCH, SO DAS O DEL, O PARUJIMO
(Mate 20:28) Chi le Manushesko Shavo na anda kado avilas, ke leske te sluginen, anda kodo avilas voj te slugil kaveren, thaj pesko trajo te paruvel ande butende.
(Roma 5:19) Ke sar ande le jekhe manusheski dosh, butzhene bezexale kerdyile, vi kade, ande jekhe manushesko chachipe, butzhene chache kerdyona.
(Roma 3:23, 24) Ke savorazhene bezexalej, thaj tele ashen kathar le Devlesko baripe, 24 de kuch si kathar o Del o dragimo, so chi phirel amen, ke chacheske shol len anda kodo, ke o Kristush Jezush avri potyindas o parujimo, te shaj slobodisajven.
(Lukach 22:19) Thaj las jekh manro, najisindas, phaglas les, kothe das les lenge, thaj kado phendas: „Kado sikavel muro trupo, so ande tumende dav. Majdur kado te keren, kana pe muro meripo gindinen.”
6. KOTOR
KAJ ZHASA KANA MERAS?
(Predikator 9:5, 6) Ke kon trajin, kodol zhanen ke merena, de le mule khanchi chi zhanen, thaj naj len aba potyinipe, ke aba bisterde len. 6 Majbut chi hatyaren kamipe, zurali xoji, dar, thaj aba majbut khanchi nashtig keren, so tela kham perel.
(Predikator 9:10) Sakofelo, so zhanes te keres, ker les ande tyiri intrego zor, ke ande gropa, kaj so zhas naj butyi, gindo, pinzharimo vaj godyaverimo.
(1Mozesh 3:19) Le paja marena tu, kade xasa tyiro manro, zhi kaj palpale zhas ande phuv, ke anda kodo kerdyilan. Ke praxo san, thaj palpale zhasa ando praxo.
(1Janosh 4:8) Kon chi kamel, kodo chi pinzhardas le Devles, ke o Del kamipo si.
7. KOTOR
OPRE USHTYONA LE MULE!
(2Korintus 1:3, 4) Te avel barardo le Jezush Kristushesko, amare Rajesko Del thaj Dad, kon kovlo thaj lashe jilesko Dad si, kodo Del, kon ande sako vrama zurarel amen! 4 Voj zurarel amen, varisosko zumavipe trajinas perdal, kodole zhutimasa, sosa o Del zurarel amen, vi ame te zhanas te zuraras kodolen, kon varisosko zumavipe trajinen perdal.
(Janosh 11:41, 42) Line kothar o barr. O Jezush pale po cheri vazdas peske jakha, thaj kodo phendas: „Dade najisarav tuke, ke shundan man! 42 Chaches, zhanos, ke mindig shunes ma. Feri kon krujal si but manusha, anda kodo vorbindem, te patyan, ke tu bishaldan man.”
(Izaiash 40:26) „Vazden opre tumare jakha po cheri, thaj dikhen! Kon kerdas kadala? Kodo, kon vorta kattyi anel angle, sar but ketanen, thaj sa pe lengo anav akharel le. Anda peski bari zor, thaj anda peski energia, so butyi kerel, thaj anda leski chudimaski zor, chi jekh nashtig xasajvel mashkar lende.
(Aposhtola 24:15) thaj patyav ando Del, sar vi kadal manusha, ke opre ushtyona vi le chache, vi le nasula.
(Izaiash 25:8) Nakhavel o meripe pe sako vrama, thaj o majbaro Raj, o Jehova tele khosela pe sako muj le asva. Shudela peske niposko marhimo pe intrego phuv, ke o Jehova phendas kado.
8. KOTOR
SO SI LE DEVLESKO KRAJIPO?
(Mate 6:9–13) Tume kade rudyinen: »Amaro Dad, kon san ando cheri, te suntosardyol tyiro anav. 10 Te avel tyiro krajipo. Te kerdyol so tu kames, sar ando cheri, kade vi pe phuv. 11 De amenge adyes, kadale dyesesko manro, 12 thaj jertisar amare bezexa, sarso vi ame jertisaras, kon bezex keren amenge. 13 Thaj na inger amen ando zumavipe, feri muntun amen kathar o nasul.«
(Sikadyimaski 14:1) Pala kodo dikhlem, ke o bakro kothe tordyol pe Shionosko plaj, thaj lesa le 144 000, kaske pe lengo chikat si iskirime lesko anav, thaj leske Dadesko anav.
(Sikadyimaski 14:4) Von si kodola, kon chi mejardepe andre zhuvjanca, ova, von uzhej. Pala bakro zhan, karing feri zhal. Len andar le manusha kinde, sar angluno frukto, le Devleske thaj le bakreske,
(Sikadyimaski 12:7–10) Thaj baro maripe maladas avri ando cheri: o Michael thaj peske andyala mardepe le sapesa. Vi o sap mardaspe peske andyalonca kethane, 8 de tele marde len, thaj majbut aba nas len than ando cheri. 9 Tele shudine le bare sapes, le dulmutane sapes, kas le Bengeske, thaj le Shatanoske akharen, kon e intrego phuv rigate ingrel. Tele shudine les pe phuv, thaj vi leske andyalon tele shudine lesa kethane. 10 Shundem, ke jekh glaso kado cipil ando cheri: „O Del akanak andas o muntusaripe, peske zorasa tele mardas les, lesko krajipo kerdyilas, thaj o Kristush raj kerdyilas, ke tele shude kodoles, kon amare phralen doshajarel, kon vi dyese vi ratyi doshajarel len angla amaro Del.
(Asharimata 37:10) Inke jekh cerra vrama, thaj chi avena majbut nasula,dikhes lengo than, thaj chi avna kothe.
9. KOTOR
PASHAL SI LA LUMAKO AGOR?
(Heberenge 10:24, 25) Thaj te las sama pe jekhavreste, ke po kamipe, thaj po lashipe te inkras jekhavres, 25 te na mukhas opre, te avas kethane, sar siklej varisave, te tromasaras jekhavres, inke majfeder atunchi, sar dikhen, ke kodo dyes aba sigo kathe si.
10. KOTOR
SO SI O CHACHIPO PAL LE ANDYALURA?
(1Mozesh 6:2) le chache Devleske shave dikhle, ke le manushenge sheja shukaraj, thaj kas feri kamenas, romnyake line.
(2Korintus 2:11) Anda kodo trubul kado te keras, te na xoxavel amen o Beng, ke pinzharas leske buzhanglimata.
(5Mozesh 18:10, 11) Nashtig te rakhen mashkar tute kasaven, kon perdal ingrel peske shaves, peska sheja pe jag, chi kasaves kon drabarel, magia kerel, anglal dikhel so avla, kon chudi sikavel, 11 kon kaveren kerarel, kon karing nasul duxo vaj kaj drabari boldelpe, vaj kon mulendar pushel.
(Godyaver Vorbi 18:10) Zuralo kher si le Jehovasko anav. Kothe nashel o chacho, thaj sama lena pe leste.
(Jakab 4:7, 8) Mukhen tumen le Devleske, thaj tordyon anglal le Bengeske, thaj nashelatar tumendar. 8 Pashadyon karing o Del, thaj voj pashadyola pasha tumende. Uzharen tumare vast tume bezexale, thaj uzharen tumaro jilo, tume kon chi zhanen karing te bolden tume.
11. KOTOR
SOSTAR SI KATTYI DUKH?
(2Peter 3:9, 10) O Jehova chi zhukaravavel pe peste, andre te pherdyarel so shinadas, sar kodo unyizhene gindin, ke zhukarel pe tumende, ke chi kamel, ke varikon te merel, ke kodo kamel, ke sakono te bunul peske bezexa. 10 De le Jehovasko dyes kade aveltar, sar jekh chor, thaj pe kodo dyes o cheri bare bashajimasa nachola, le kotora pale kathar o baro tatyipe kethane peren, thaj e phuv thaj so ande leste si butya, opre avena.
(1Korintus 10:13) Feri kasavo zumavipe reslas tumen, so vi kaveren. De patyivalo si o Del, thaj chi mukhela ke kasavo zumavipe te resel tumen, so aba chi zhanen te phiraven, thaj kana ande zumavipe san, vi o drom kerel pe soste avri zhanen te zhan, ke avri zhanen te inkren.
12. KOTOR
SAR SHAJ AVES LE DEVLESKO AMAL?
(Asharimata 55:22) Shuv tyiro pharipe po Jehova, thaj voj opre inkrel tut. Soha chi mukhel, te pereltar o chacho.
(Asharimata 15:1–5) Muro Jehova, kas zhukares ande tyi cerha? Kon shaj beshel pe tyiro sunto plaj? 2 Kon patyivales phirel, kon chachimo kerel, thaj ande pesko jilo o chachipo vorbil. 3 Kon chi xoxavel peska shibasa, chi kerel nasul le kaver manusheske, thaj chi phenel tele peske amalen. 4 Bishavel kodoles, kon gracoshoj, de patyivil kodolen, kon le Jehovas kamen. Inke vi atunchi tordyol peski vorba, kana ande kodo nasules phirel. 5 Chi mangel pe peske love opral love, thaj nashtig potyinen les tele, te na chorrarel le chorren. Kon kado kerel, zurales tordyola.
13. KOTOR
SOSTAR T’AVEL KUCH AMENGE O TRAJO?
(Asharimata 36:9) Tu san, kastar o trajo avel, kathar tyo kham dikhas uzhes.
(1Janosh 3:15) Kon pe pesko phral zurales xojajvel, kodo sa kasavoj, manushes te mudarelas, thaj zhanen, ke khanyikas, kon mudarel, chi avla lungo trajo.
(2Mozesh 21:22, 23) Thaj mursha te marenape, thaj malavena jekha phara romnya, thaj angla vrama rakhadyola lako shavoro, thaj chi merel khonyik, atunchi kon mardaspe, kattyi trubul te potyinel, kattyi la romnyako rom phenel. Thaj angla krisake manusha trubul te potyinel. 23 De, te merela varikon, atunchi trajo de anda trajo.
(Aposhtola 15:28, 29) Ke o sunto duxo, thaj vi ame, kade gindindam, ke mishto avla, ke khanchi pharipe te na shas pe tumende, feri kadala so trubul: 29 Te inkren tume dur kathar le xoxamno Dela, kathar o rat, kathar le tasade allatura, kathar le zhungale sexualisha butya. Sama te lena tume kathar kadala, mishto avla tumenge. T’aven saste!
14. KOTOR
VOJAKO SHAJ AVEL TYI FAMILIJA!
(Efezush 5:25–29) Tume roma, vi pala kado te kamen tumare romnyan, sar vi o Kristush kamelas e khangeri, thaj kothe daspe anda leste, 26 te suntosarel kodo, t’avel uzhardo le Devleska vorbake pajesa, 27 thaj kade, angla peste te shaj tordyarel la khangera, ande lako shukarimo, kade, te na avel pe kodo mel vaj korco, vaj variso kasavo, sunto, thaj uzho t’avel. 28 Thaj vi kade le romenge kade trubul te kamen penga romnya, sar pen. Kon kamel peska romyna, pes kamel, 29 ke khonyik chi gracondaspe pestar, feder xaxavel thaj grizhilpe, sar o Kristush la khangera,
(Titus 2:4, 5) kade pe kodo te sityaren e terne romnyan, te kamen penge romes, thaj penge shavoren, 5 t’aven godyavera, t’aven uzhe, butyake, lashe, thaj te mukhenpe penge romenge, anda kodo kavera te na kushen e Devleski vorba.
15. KOTOR
SAR SHAJ PATYIVINAS CHACHIKANES LE DEVLES?
(Janosh 17:17) Suntosar len le chachimasa, tyiri vorba chachimo si.
(Janosh 17:6) „Pinzharavadem tyo anav kodole manushenca, kas mange dan ande luma. Ke tyire sas, tu pale mange dan le, thaj inkerde tyiri vorba.”
(Janosh 13:35) Pe kodo zhanela sakono, ke mure sityarde san, kana kamipe si mashkar tumende.
(Janosh 3:36) Kon patyal ando Shavo, kodo chi merel, kon chi mukhelpe le Shaveske, kodo chi dikhela o trajo, ke le Devleski xoji ashol pe leste.
(Janosh 18:36) O Jezush kado phendas: „Muro krajipe na ande kadi lumaj. Muro krajipe andre t’avlas ande kadi luma, mure slugi mardope, te na den man avri le biboldenge. Muro krajipe na kathar si.”
(Mate 24:14) Thaj le krajipeski lashi vorba phenena pe intrego phuv, ke sako nipo te shunel pe leste, thaj atunchi aveltar o agor.
16. KOTOR
KODO KER, SO O JEHOVA MANGEL!
(2Mozesh 20:4, 5) Na ker tuke xoxamne devlen, vaj kasavo savo ando cheri si, pe phuv si, thaj ando paji si. 5 Na bandyuv anlga le, thaj na mukh zor te len pe kodo, te slugisares le, ke me, o Jehova tyiro Del, kasavo Del sim, kon kodo zhukarel, feri les te patyivin. Krisi shinav pe kodola, kon xojajven pe ma, ande le dadengo bezex le shaves, zhi kaj o trito thaj o shtarto generaciovo.
(Izaiash 52:11) Zhantar, zhantar! Aven avri kothar, kaj khanchi biuzho te na unzon! Aven avri ande leste, ashen uzhe, tume, kon le Jehovaske khereske vasura ingren!
(Mate 7:12) Sakofelo, so kamen te keren tumenca le manusha, vi tume kade te keren lenca, ke pe kado tordyol e Krisi, thaj le Profeti.
(Heberenge 10:24, 25) Thaj te las sama pe jekhkavereste, ke po kamipe, thaj po lashipe te inkras jekhavres 25 te na mukhas opre, te avas kethane, sar siklej varisave, te tromasaras jekhkaveres, inke majfeder atunchi, sar dikhen, ke kodo dyes aba sigo kathe si.
17. KOTOR
BARI PATYIV SI, KE SHAJ RUDYINAS!
(Filippi 4:6, 7) Na daran khanchestar, ke so avla, feri mindig te phenen le Devleske so kamen, kade, ke rudyinen thaj zurales mangen lestar, thaj vi najisaren leske. 7 Kade le Devleski pacha, so majbaro si sar sako gindimo, sama lela pe tumaro jilo, thaj pe tumari godyi, ando Kristush Jezush.
(Jakab 2:26) Ova, sar o manush muloj biduxosko, kade vi o patyamo muloj, te na keresa khanchi.
(Mate 6:9–13) Tume kade rudyinen: „Amaro Dad, kon san ando cheri, te suntosardyol tyiro anav. 10 Te avel tyiro krajipo. Te kerdyol so tu kames, sar ando cheri, kade vi pe phuv. 11 De amenge adyes, kadale dyesesko manro, 12 thaj jertisar amare bezexa, sarso vi ame jertisaras, kon bezex keren amenge. 13 Thaj na inger amen ando zumavipe, feri muntun amen kathar o nasul.”
(Sikadyimaski 14:6) Thaj dikhlem jekhe kaver andyalos, kon mashkar o cheri huralas, thaj lashi vorba sas leste, te phenel la kodolenge, kon pe phuv beshen, thaj sakone niposke, shibake thaj le manushenge,
(Filippi 4:13) Pe sakofelo sima zor, thaj najisarav kodoleske, kon zor del man.
18. KOTOR
PERDAL TE DAV MURO TRAJO LE DEVLESKE, THAJ TE BOLAVMA?
(Janosh 17:3) Pasha kodo, varikon mindig te trajil, kodo trubul, te pinzharen tut, le korkoro chache Devles, thaj kodoles, kas bishaldan, le Jezush Kristushes.
(1Peter 4:2) ke peski vrama so palal si inke ando trupo, na ande manushenge voja te trajil majdur, feri anda kodo, so o Del kamel.
(Mate 28:19) Zhan, thaj sityaren andar sako nipo le manushen, thaj bolen len ande Dadesko, ande Shavesko thaj ande sunto duxosko anav,
19. KOTOR
ASH PASHA JEHOVA!
(Mate 22:37) Voj kodo phendas leske: „Te kames le Jehovas, tyire Devles tyire intrego jilesa, intrego duxosa, thaj intrego godyasa.”
(1Janosh 5:3) Ke te kamas le Devles, andre inkras leski vorba. Leske vorbi pale naj phare amenge.
(1Tessalonika 5:17) Ande sako vrama rudyinen!
(1Korintus 15:58) Apol mure kamade phrala, zurales te tordyuven, te aven avri inkerde thaj mindig te keren majbut ande le Rajeski butyi, ke zhanen, ke tumari butyi naj anda khancheste.
(Kolosse 3:13) Vi majdur inkren avri pasha jekhavreste, thaj jertisaren jekhavreske andar jilo, inke vi atunchi, kana varikon shaj vazdilas opre peski vorba. Vi o Jehova andar jilo jertisardas tumenge, ande kado vi tume kade te keren.
© 2018 Watch Tower Bible and Tract Society of Pennsylvania