Sar shaj zhanas majpashal te avas karing o Del?

1. Sako rudyimo shunel o Del?

O Del sakone manushestar kodo mangel, te rudyinel karing leste (Salmongi [Zsoltárok] 65:2). Chi shunel sakofelo rudyimo. Kodo phenel, numa kodolengo rudyimo shunel, kon patyivil peska romnya (1Peteresko 3:7). Le bibolden na shundas o Del, kana nasul kerde. O Del patyivil amen, ke shaj vorbinas lesa. Variko, kon baro bezex kerel, pala kodo bunuj les, atunchi o Del shunel lesko rudyimo. Dikh: Izajasheski 1:15; 55:7.

Dikh o filmo: Sako rudyimo shunel o Del?

2. Sar te rudyinas?

Amare rudyimasa avri zhanas te sikavas, ke patyas le Jehovas, anda kado feri les te rudyinas (Matevesko 4:10; 6:9). Ame doshale sam, kade anda le Jezushesko anav trubul karing o Del te das duma, ke voj anda amare bezexa mulas (Janoshesko 14:6). O Jehova kodo kamelas, anda amaro chacho jilo te vorbinas lesa, thaj te na sityuvas andre rudyimo. Dikh: Matevesko 6:7; Filippicko 4:6, 7.

Amaro Del vi kodola rudyimata shunel, so ande amende phenas (1Shamueleski 1:12, 13). Pe kodo mangel amen, butivar te rudyinas karing leste, detehara, pe ratyate, kana xas, kana brigake sam. Dikh: Salmongi 55:22; Matevesko 15:36.

3. Sostar aven kethane le kerestenya?

Pharoj karing o Del pashal te zhas, ke but manusha, na patyan ande leste. Avri assan les anda kodo, ke kodo shinadas, ke pacha avla pe phuv (2Timoteusheske 3:1, 4; 2Peteresko 3:3, 13). Anda kado te avas kethane, ke kadalasa zhanas te zhutinas jekhavres, ke majzurale te avas. Dikh: Biboldenge (Héberek) 10:24, 25.

Kodolenca trubul amala te avas, kon kamen le Devles, kade shaj avas majpashe karing leste. Ando Jehovasko kher kasave manushenca maladyuvas, kasko patyamo zuralo si, anda kado vi amaro patyamo zuralo avla. Dikh: Romaicko 1:11, 12.

4. Sar shaj zhanas majpashal te zhas karing o Del?

Gindin andre, so sityilam kathar o Jehova andar leski vorba, kodolesa shaj zhas majpashal karing leste. Gindisaras pe leske butya, pe leske vorbi, pe leske droma. O rudyimo, thaj amare gindura zhutin te hatyaras lesko baro kamipe, thaj leski bari godyi. Dikh: Jozhueski 1:8; Salmongi 1:1–3.

Feri kade shaj ashas pashal karing o Del, kana patyas ande leste. O patyamo kasavo si, sar jekh luludyi, so si te bararen. Nashtig tordyuvas tele pe kodo, ke amaro patyamo te zuraras kodolesa, so sityuvas po Del. Dikh: Matevesko 4:4; Biboldenge 11:1, 6.

5. Sostar si mishto amenge, pashal te avas karing o Del?

O Jehova grizhil pe kodola, kon kamen les. Na mukhel, te phadyol lengo patyamo, thaj kodo, ke te avel lengo o trajo, so chi nachola (Salmongi 91:1, 2, 7–10). Del amen vorbi, savenca zhutil te las sama pe amaro sastyipe, thaj te na avas brigake. O Jehova sityarel amen, sar shaj trajinas majfeder. Dikh: Salmongi 73:27, 28; Jakabesko 4:4, 8.