So avla le vallashonca?

1. Sako vallasho karing o Del zhal?

Ande sako vallasho si manusha, kon kamen le Devles. Pacha del, ke zhanas ke o Del sama lel len. De kon kodo phenen, ke patyan le Devles, but nasulimata keren (2Korintushicko 4:3, 4; 11:13–15). Vi kodo shaj shunas, ke si rashaja, kon pasha terrorishti tordyon, zhutin o marimo, shavoren asban, thaj zor keren pe lende. Ande kadala bari briga si ande kodol, kaske chacho si lengo jilo! Dikh: Matevesko 24:3–5, 11, 12.

O chacho vallasho asharel le Devles. O xoxamno vallasho opre xolyarel les, ke so sityaren pe leste, thaj po merimo, naj andre ande Biblia. De o Jehova kodo kamel, ke le manusha te pinzharen o chachipe. Dikh: Ezekieleske 18:4; 1Timoteusheske 2:3–5.

2. So avla le vallashonca?

Le Devles nashtig xoxaven, jive phenen le manusha, ke kamen le Devles, kana le Bengeski luma kamen (Jakabesko 4:4). Le Devleski Vorba kade akharel o xoxamno vallasho, ke baro Babilono, ke anda dulmutano Babilono avilas avri o xoxamno vallasho. Na butara o Del nacharela o xoxamno vallasho, so rigate ingrel le manushen. Dikh: Viziovongi (Jelenések) 17:1, 2, 5, 16, 17; 18:8.

Vi kodo lossh si, ke o Jehova na bistrel kodolen, kaske chachoj lengo jilo, akarsosko vallasho si len. Pinzharavel lenca o chachipo, thaj kethane kiden len. Dikh: Mikeasheske 4:2, 5.

3. So te keren, kon andar pengo jilo roden le Devles?

O Jehova chi bistrelpe pe kodola, kon lasho kamen te keren. Phenel lenge, te zhan avri ando xoxamno vallasho. Kon kamen le Devles, bolden pe pengo trajo, thaj lossh keren le Devleske. Dikh: Viziovongi 18:4.

Ando angluno shel bersh kodola manusha, kon daranas le Devles, losshanas, ke shunenas e lashi vorba kathar le aposhtola. So pinzharde kathar o Jehova, kodo boldas lengo trajo, majshukar kerdyilas, thaj losshasa dikhle anglal. Dikh: 1Tessalonicko 1:8, 9; 2:13.

O Jehova losshal kodolenge, kon ande lesko chalado aven, thaj mukhen o xoxamno vallasho. Kon aven kaj o Jehova, kaj lesko shukar chalado, leske amala avna, thaj den len o trajo, so chi nachola. Dikh: Markosko 10:29, 30; 2Korintushicko 6:17, 18.

4. So kerela o Del, ke la manusha vojake te aven?

Pacha del amen kodo, ke o xoxamno vallasho na butara khosela. Le manusha opre slobodinpe. Pala kadi, aba chi inkrela rigate, thaj chi kidela kethane le manushen, o xoxamno sityarimo. Sakono le chache Devles rudyila. Dikh: Viziovongi 18:20, 21; 21:3, 4.