O Timoteus kamlas te zhutil le manushenge

O Timoteus jekh terno mursh sas, kon losshasa zhutindas le manushenge. Anda kado but droma andre phirdas. Lesko trajo boldogo sas. Kames te shunes pa leste? (. . .)

O Timoteus ande Listra barilas opre. Kana o Timoteus shavoro sas, leski mami, e Lois, thaj leski dej, e Eunike, sityarde les pal o Jehova. Kana o Timoteus opre barilas, kamlas te vorbil pal o Jehova.

O Pal manglas le terne Timoteuses, hoj te zhal lesa te ingren e lashi vorba. O Timoteus kado phendas: „Ova, lashe jilesa zhav tusa!” Kamlas te zhutil le manushenge.

O Timoteus thaj o Pal geline ande Tessalonika, kado foro ande Makedonia si. O drom lungo sas phujatar, thaj vi hajovesa geline. Kana kothe resle, vorbinde pal o Jehova le manushenge. De sas kon xolyajline pe lende, thaj kamle te azban len. Anda kado gelinetar, thaj kaver thaneste vorbinde pal o Jehova.

O Pal palpale bishaldas le Timoteuses ande Tessalonika. Kamlas te zhanel, sar si le phrala. O Timoteus trubundas tromako te avel, ke but nasul manusha beshenas ande Tessalonika. De voj palpale gelas, ke kamlas le phralen. Lashi vorba ingerdas le Paleske. Sako phral mishto sas ande Tessalonika.

O Timoteus pash o Pal sas butaig, thaj but bersha solgalinde le Jehovas. Zurales kamlas le Jehovas thaj le manushen. O Pal kodo iskirindas pal leste, ke voj si o legmajlasho manush, kas shaj bishavel kaj le gyülekezetura.

Vi tu kames le manushen, thaj kames te zhutis lenge, te phinzharen le Jehovas? (. . .) Te kames, atunchi vi tu boldogo avesa, sar o Timoteus.