2 Каринфо

13 Мэ ужэ до трито тидавпэ тэ авав каринг тумэндэ. «Любо дила трэбуй тэ потвердин дуй или трин мануша». 2 Хоть щас мэ дур тумэндар, мэ, можно тэ ԥэнэс, авелэм каринг тумэндэ до дуйто. И мэ май данглал ԥэнав кодэлэнди, ко терэлас бэзэх, ай кадяжэ всаворэнди аврэнди, кай, если мэ упалэ варикала авава, на жалуисарава лэн. 3 Тумэ камэн тэ авэл доԥэндо, кай через мандэ дэл дума о Христос, саво най би зорэско машкар тумэндэ, ай зорало. 4 Лэс казнисардэ по столбо, кала во сас би зорэско, но акана во жундо через лэ Дэвлэско зор. И амэ би зорэстирэ, сар и во сас би зорэско, но амэ ласа тэ жувас вместе лэса через лэ Дэвлэско зор, саво исин тумэндэ.

5 Драго розуӷанэн, пэскати дэ састэс тумэ патян, росполэн, со тумэндэ андо ди. Или тумэ на додэн, кай лэ Исусостэ лэ Христостэ ек гиндо тумэнца? Када кадя, если кати тумэ идоси уӷодни лэ Дэвлэсти. 6 Амэ уӷодни лэ Дэвлэсти, и мэ анда ди надеисавав, кай тумэ када полэна.

7 Амэ мангас Дэвлэс, кай тумэ тэ на терэн о найлашымос. Но амэ терас када най кай екжэнэ тэ авас уӷодни лэ Дэвлэсти, ай кай тумэ тэ терэн драго, дажэ если здэлпэ, кай амэ на уӷодисарас лэсти. 8 Амэ нисо не можэм тэ стерас против о чачимос, ай кати важ о чачимос. 9 Амэ вся и время лошавас, кала амэ би зорэстирэ, ай тумэ зоралэ, и амэ мангаспэ, кай тумэ тэ парудён. 10 Акэ васо мэ и пистросарав пала када, кай, кала авава, мэ тэ на авав каринг тумэндэ строӷо, важ кода кай о Баро Хулай дя манди право тэ придав тумэнди зор, ай най тэ одлав лэс.

11 Ни акэ, ԥрала, на́ парашэн тэ лошавэн, парудён, домэкэн аврэнди тэ подритярэн тумэн, мэк тумэндэ вся и время авэл ек гиндо и ладин ек еқэса. И тоди о Дэл, саво любий и дэл мирно жызня, авэла тумэнца. 12 Кала диқэнпэ, чуминдэн ек еқэс, сар ԥрала. 13 Всаворэ свынти пэрэдэн тумэнди поклоно.

14 Тэ здиқэл пэр тумэндэ па пэско баро ковло ди о Баро Хулай о Исусо Христос, тэ любий тумэн о Дэл и тэ авэл тумэндэ о свынто зор, саво исин амэндэ.