1 Тимафеё

4 Но лэ Дэвлэско зор* ворта ԥэнэн, кай авэла время, кала дэсавэ отԥэндёна кодэлэстар, андэр со патян. Вонэ лэна тэ приашундён каринг и алава*, савэ обдилярэн, каринг кода, сости сытярэн и найвужэ, 2 и каринг о хохаимос, саво росԥэнэн и двухлични мануша, каско ди ԥэнэса приԥабардо састреса. 3 Вонэ уԥэнэн тэ на жэнинпэ и тэ на жан миростэ и на мэкэн тэ хан дэсаво хамос. Но о Дэл стердя лэс, кай кодэла, ко патял и точно ӷанэн о чачимос, тэ хан и тэ блаӷодарин лэ Дэвлэс. 4 Вся, со стердя о Дэл, драго, и нащи тэ отԥэндювас кодэлэстар, со хан, если важ када блаӷодарин. 5 О хамос вужо важ кода, кай о Дэл кадя ԥэнэн и кай амэ блаӷодарисарас лэс пала када андэ молитва.

6 Если ту лэса тэ потԥэнэс лэ ԥралэнди андэ када, тоди ту доԥэнэса, кай драго терэс лэ Христостири лэ Исусостири дила. Кадя ту сыкавэса, кай ашэс май састо, кала ашунэс и чачунэ алава и андэ вся приритярдёс лэ шукарнэ законости. 7 На́ ашун лэ ԥурэ манушняндирэ сказки, савэ лажаварэн лэ Дэвлэс. Но мэк важ тутэ авэл важно тэ стос бари патив по Дэл, и пристов вся о зор, кай тэ домардёс када. 8 Кала ту састярэс пэстири тила*, када анэн кати набут лашымос, ай если ту стос бари патив по Дэл, када анэн лашымос андэ вся, важ кода кай вой дэл амэнди жызня — сави исин щас и сави авэла англэ. 9 Кадэла алава чачунэ и лэнди андэ вся исин патяимос. 10 Важ када амэ анда ди терас и дила и пристас вся о зор. Амэ надеисавас по жундо Дэл, саво спасый бутэ разнонэ манушэн, ай особено кодэлэн, ко лэс кандэл.

11 На́ параш тэ приԥэнэс и тэ сытярэс кадэлэсти. 12 Нико на трэбуй тэ гиндой, кай во май лашо тутар через тирэ тэрнэ бэрша. Но важ кодэла, ко на парашэл тэ терэл лэ Дэвлэстири дила, подэ примеро андэ кода, сар ту дэс дума, сар андярэс пэс, сар любис, сар патяс, сар андярэс и вужи жызня. 13 Пока мэ на авава, на́ параш тэ адинос важ авэр, тэ сытярэс, тэ росԥэнэс. 14 Цэнисар кодэя бах, сави випэля тути, сар сас ԥэндо лэ Дэвлэстар, кала лэ барэдэрэ ԥралэнго круӷо стодя пэр тутэ и вас. 15 Гиндосар пала када, жув кадэлэса, кай всаворэнди тэ дицол, со ту домарделян андэ лэ Дэвлэстири время. 16 Вся и время следисар пала пэстэ и пала кода, сости* ту сытярэс. На́ параш тэ залэспэ всаворэса кадэлэса, важ кода кай, если ту терэс кадя, ту спасыса и пэс, и кодэлэн, ко тут ашунэл.