«Фэрисар кода, со тути динэ»

1, 2. Со динэ лэ Тимофеёсти, сар запистромэ андэ 1 Тимофею 6:20?

КАЛА амэнди варико или варисо куч, амэ фэрисарас када. Например, кала лэ манушэсти куч лэско бэято, во лэс дэл кати кодэлэсти, касти во доверяет.

² Адиносар 1 Тимофею 6:20b. О Павло ԥэндя лэ Тимофеёсти, кай лэсти дино варисо куч, када тэ ӷанэн о чачимос пала Дэл и тэ росԥэнэн аврэнди и лащи весть пала кода, со о Дэл загиндосардя (2 Тимофею 4:2, 5). Кадяжэ о Павло ԥэндя, кай о Тимофеё тэ цэний кода, со лэсти динэ тэ терэл. Ай со амэнди дя о Иегова, и васо када амэнди трэбуй тэ цэнисарас?

АМЭ ӶАНАС О ЧАЧИМОС, САВО ФАРТЭ КУЧ

3, 4. Васо о чачимос анда Библия кадя куч?

³ О Иегова стердя важ амэндэ розлашо подарко, кай росԥэндя о чачимос анда Библия. Када поможыя амэнди тэ ашас лэса май пашэ и тэ авас инке май бахталэ. Кода, кай амэ ӷанас о чачимос анда Библия, амэ никала на стераса, со нэнавидит о Иегова и амэн нико и никала на обхохавэла (1 Коринфянам 6:9—11).

⁴ О Иегова дэл тэ ӷанэн о чачимос кодэлэ манушэнди, ко на гиндой пала пэстэ бут и ко камэл тэ уӷанэн о чачимос (Деяния 13:48). Кадэла мануша фартэ патян андэ кода, со ԥэнэн о «годявэрно и кандино рабо» (Матфея 11:25; 24:45). Амэ нэ сможэм екжэнэ тэ полас кадэва чачимос и важ када май куч кадэлэстар нисо нинай (Притчи 3:13, 15).

5. Со инке о Иегова дя амэнди тэ терас?

⁵ О Иегова доверил амэнди кацави дила, кай амэ тэ росԥэнас аврэнди о чачимос анда Библия. Амэ росԥэнас лэ манушэнди о чачимос пала Иегова и пала кода, со во камэл тэ стерэл (Матфея 24:14). И весть, сави амэ росԥэнас фартэ куч, важ кода кай вой поможый, кай и мануша тэ авэн андэ лэ Иеговаско ери и тэ жувэн вечно (1 Тимофею 4:16). Терас амэ набут чи бут андэ служэния, када со май важно дила, сави адес исин (1 Тимофею 2:3, 4). Када фартэ бари бах тэ терас «лэ Дэвлэса ек дила»! (1 Коринфянам 3:9).

ФЭРИН, СО ТУМЭНДИ ДИНЭ

6. Со тердяпэ кодэлэ христианонэнца, савэ парашэлэ тэ цэнин, кай терэнас лэ Дэвлэса ек дила?

⁶ Андэ лэ Тимофеёсти время дэсавэ христианоря парашэлэ тэ цэнин, кай терэн ек дила лэ Иеговаса. О Димасо ашадя лэ Павлос, важ кода кай лэсти ля тэ чалёл тэ жувэл кадя, сар жувэн и мануша, савэ на полэн лэ Иеговас (2 Тимофею 4:10). О Фигелло и о Ермогено парашэлэ тэ росԥэнэн о чачимос анда Свынто Писания, важ кода кай пэрэдарайлэ, кай лэн, кадяжэ сар и лэ Павлос, лэна тэ ӷонин важ и вера (2 Тимофею 1:15). О Именеё, о Александро и о Филито линэ тэ патян лэ отступниконэнди и парашэлэ тэ патян лэ Иеговасти (1 Тимофею 1:19, 20; 2 Тимофею 2:16—18). Спэрва кадэла мануша любинас лэ Иеговас, но потом парашэлэ тэ цэнин кода, со дя лэнди о Дэл.

7. Со терэл о Сатана, кай тэ одмарэл амэн лэ Иеговастар?

⁷ Со терэл о Сатана, кай амэ тэ парашас тэ цэнисарас кода, со доверил амэнди о Иегова? Во ԥэнэн пэстирэ гиндоря через о телевизоро, через и киноря, через и ӷазеты, журналоря и книжки. Кадя во камэл, кай амэ тэ парашас тэ патяс андо Иегова. Во камэл, кай амэ тэ дарас, со пала амэндэ гиндона и мануша или кай ӷонина амэн, кай амэ тэ парашас тэ проповедуем. Ай инке во хытрияса камэл тэ подмарэл амэн, кай амэ тэ патяс андо хохаимос, саво ԥэнэн и отступникоря (1 Тимофею 6:20, 21).

8. Со амэ тэ терас, кай тэ на шаспэ по Данил?

⁸ Если амэ на ласа тэ диқас пала кода, сар амэ пэс андярас, тоди амэ можэм по набут тэ парашас тэ цэнисарас о чачимос анда Библия. Ек ԥрал, савэс ақарэн Данилc, росԥэнэн, кай во цэлэлас андэ видеоиӷры. Во ԥэнэн, кай ля тэ цэлэл андэ видеоиӷры, кала лэсти сас варикай 10 бэрш. Спэрва кадэла иӷры сас лашэ, но по набут во ля тэ цэлэл андэ иӷры, кай исин жэстокость и бэнгалимос. Тоди о Данил ля тэ цэлэл андэр лэндэ по 15 часоря андо дес. Лэ шэрэса во полэлас, кай проандярэл фартэ бут время андэ кадэла иӷры и римой и дружба лэ Иеговаса. Но потом о ԥрал присытеля каринг када и лэс на ля тэ хал и совесть. Через и развличении и амэ можэм тэ на шас сама, сар парашас тэ цэнисарас о чачимос анда Библия и тэ хасарас кода цэно, со дя амэнди о Иегова.

САР ТЭ ФЭРИСАРАС КОДА, СО АМЭНДИ ДИНЭ?

9. Со ԥэндя о Павло лэ Тимофеёсти? (1 Тимофею 1:18, 19).

⁹ Адиносар 1 Тимофею 1:18, 19d. О Павло ԥэндя лэ Тимофеёсти тэ марэлпэ, но най па чачимастэ тэ марэлпэ, ай тэ марэлпэ, кай тэ фэрий пэстири дружба лэ Иеговаса и амэ тожэ кадя терас. О Павло росԥэндя пала воино и кай амэ май драго када тэ полас, роздиқаса панч маменторя. Вонэ поможына амэнди тэ фэрисарас кода, со амэнди динэ.

10. Васо амэнди трэбуй фартэ тэ любисарас лэ Дэвлэс?

¹⁰ Любин май фартэ лэ Дэвлэс. О лашо воино анда вся зор марэлпэ, кай тэ фэрий кодэлэс, кас любий или кода, со лэсти куч. Важ када о Павло ԥэндя лэ Тимофеёсти, кай во трэбуй тэ стол зор, кай инке май фартэ тэ любий лэ Дэвлэс (1 Тимофею 4:7). Со май фартэ ласа тэ любисарас лэ Дэвлэс и кандаса лэс, со май фартэ амэ камаса тэ фэрисарас кода, со амэнди динэ (1 Тимофею 4:8—10; 6:6).

11. Васо амэ трэбуй тэ пристас бут зор?

¹¹ Пристон инке май бут зор. О воино трэбуй тэ пристол бут зор, кай тэ авэл ӷотово тэ жал тэ марэлпэ. Кадя жэ и о Тимофеё пристолас бут зор, хоть када сас и найвушэро, кай тэ фэрий и дружба лэ Иеговаса. Инке о Павло ԥэндя лэсти, тэ на камэл, со на чалёл лэ Дэвлэсти и тэ андярэл пэс кадя, сар камэл о Дэл и тэ дружый лэ ԥралэнца и лэ ԥэянца анда собрания (2 Тимофею 2:22). И амэнди трэбуй тэ улас пэстар о найлашимос, дажэ кала када найвушэро тэ стерас (Римлянам 7:21—25). И инке амэнди трэбуй тэ парудювас (Эфесянам 4:22, 24). Дэкала посли бути амэ фартэ цыенэ и нинай зор тэ тидаспэ, кай тэ жас пэ собрания. И андэ када амэ тожэ трэбуй тэ пристас зор (Евреям 10:24, 25).

12. Со поможыя амэнди инке май драго пользоваться ла Библияса?

¹² Кай о воино исин оружыя и во драго ӷанэн лэса тэ марэлпэ. Кадяжэ и амэ трэбуй драго тэ ӷанас тэ пользуемся ла Библияса (2 Тимофею 2:15). Андэ када амэнди поможына амарэ собрании. Кадяжэ кала амэ екжэнэ сытювас па Библия и амэндэ исин ӷрафико важ када. Инке амэндэ када драго вижала, если амэ адиносарас и Библия, ай кадяжэ и литература, сави стерди пар латэ и стас зор тэ полас, со пистромэ андэ амари литература. Кала амэ када вся терас, тоди амари дружба лэ Дэвлэса ашэла май лащи. Кала амэ на промэкас тэ сытювас екжэнэ па Библия, тоди амэ сможэм тэ сытярас аврэн, кай вонэ тэ полэн, со ԥэнэнпэ андэ Библия (2 Тимофею 3:16, 17). Кала амэ адиносарас о стихо анда Библия, амэ трэбуй най кати лэс тэ проадиносарас, ай инке тэ росԥэнас, сар о мануш лэс трэбуй тэ полэл и тэ прилэл каринг пэстэ (1 Тимофею 4:13—15).

13. Васо, сар пистромэ андэ Евреям 5:14, амэ трэбуй тэ полас, со лашо, ай со най?

¹³ Полэн, сави бида можэт тэ авэл. О воино диқэл, сави бида можэт тэ авэл и старыийпэ тэ на попэрэл андэр латэ (Притчи 22:3; адиносар Евреям 5:14e). Кадя и амэ трэбуй тэ розласпэ андэ кода, сар амэ отцыювас, савэ амэндэ развличении и со амэ диқас. Важ кода кай щяс андэ проӷраммы, андо кино сыкавэн, кай и мануша андярэн найлащи жызня. Кадэлэса вонэ лажаварэн лэ Дэвлэс, ай кадяжэ кадэлэстар ԥарэс и лэнди и аврэнди. Важ када амэндэ трэбуй тэ на авэн кацавэ развличении, через савэ амэ парашаса тэ любисарас лэ Дэвлэс (Эфесянам 5:5, 6).

14. Со поможысардя лэ Даниласти?

¹⁴ О Данил, пала саво ужэ дямас дума, ля тэ полэл, пэ скати када дэ страшно, кай андэ кадэла видеоиӷры исин жэстокость и бэнгалимос. Во ришыл тэ уӷанэн пала када май драго. Во зажыля андэ библиатека Watchtower Library и виарақля котэ кода, со трэбуй сас лэсти пэ кадэя тема. Сар лэсти када поможысардя? Во парашэля тэ цэлэл андэ кадэла иӷры, через савэ лэстэ римояспэ и дружба лэ Иеговаса. Тоди во парашэля тэ цэлэл андэ кадэла иӷры и на ля общяца кодэлэнца, ко тожэ цэлэлас андэр лэндэ. О Данил ԥэнэн, кай во на ля десэнца тэ бэшэл цэрэ, ай ля тэ вижал аврял, ля тэ проандярэл и время лэ друӷонэнца анда собрания. Акана во старейшына и пианеро.

15. Сави бида анэна, если ласа тэ ашунас лэ отступниконэн?

¹⁵ Амэ трэбуй, сар и о Тимофеё, тэ полас, сави бида можэт тэ авэл, если амэ ашунаса лэ отступниконэн (1 Тимофею 4:1, 7; 2 Тимофею 2:16). И отступникоря моӷут тэ хохавэн пэ амарэ ԥрала и тэ дэн дума кадя, кай амэ тэ парашас тэ патяс кодэлэсти, со ԥэнэн лэ Иеговастири арӷанизацыя. Через када амэ можэм тэ парашас тэ патяс лэ Иеговасти. Кацави хохавни дума розындярэн и мануша, савэндэ андо шэро ек о хохаимос и андэр лэндэ ни ӷрама нинай чачимос. Вонэ камэн, кай амэ тэ спорисавас и тэ на полас ек еқэс, и тэ патяс андэ лэнго хохаимос и тэ парашас тэ патяс амарэ ԥралэнди (1 Тимофею 6:4, 5).

16. Со важ амэндэ трэбуй тэ авэл со май ӷлавно?

¹⁶ Сэрэн пала кода, со май ӷлавно. Сар лэ Христоско «лашо воино», о Тимофеё трэбуй сас тэ диқэл, кай и служэния тэ авэл со май ӷлавно лэстэ андэ жызня и тэ на цырдэлпэ пала барвалимос или инке пала варисо (2 Тимофею 2:3, 4). Амэ тожэ трэбуй тэ на цырдаспэ пала барвалимос, важ кода кай через лэстэ амэ парашаса тэ любисарас лэ Иеговас, тэ росԥэнас пала лэстэ и на аваса блаӷодарни важ и Библия (Матфея 13:22). Амэнди трэбуй тэ пристас вся пэско зор и время, кай тэ на парашас «тэ родас спэрва лэ Дэвлэско Царство» и тэ на цырдаспэ пала барвалимос (Матфея 6:22—25, 33).

17, 18. Со амэ трэбуй тэ терас, кай тэ фэрисарас и дружба лэ Иеговаса?

¹⁷ Йто терэн варисо. О воино трэбуй тэ погиндой, со во авэла тэ терэл, кала пэр лэстэ камэла варико тэ дэл. Если амэ полям, кай авэла варисави бида, амэ йто трэбуй варисо тэ стерас, кай тэ фэрисарас кода, со дя амэнди о Иегова. Со амэнди андэ када поможыя? Трэбуй драго тэ ӷанас, со тэ терас.

¹⁸ Представьте, кай па вулица жал мануш и во додиқэл барэ хортос. Тоди во йто трэбуй тэ полэл, со тэ терэл. Но во ужэ ӷанэн, со тэ терэл. Йто тэ дурёл лэстар и тэ ужал пэ авэр вулица. Кадяжэ и амэ трэбуй май англал тэ ӷанас, со амэ тераса, если амэнди пэ яқа попэрдёлапэ андо интэрнэто или андо телевизоро билажавардимос или жэстоко кино, ай кадяжэ кода, со ԥэнэн и отступникоря. Если амэ ӷанас, со йто тэ терас, амэ фэрисараса амари дружба лэ Иеговаса и ашасапэ лашэ андэ лэстирэ яқа (Псалом 101:3; 1 Тимофею 4:12).

19. Савэ блаӷословении авэна, если амэ ласа тэ цэнисарас кода, со доверил амэнди о Иегова?

¹⁹ Амэ трэбуй тэ цэнисарас кода, со дя амэнди о Иегова. Када о чачимос анда Библия и кода, кай амэ поможысарас лэ манушэнди тэ уӷанэн лэ Дэвлэс. Тоди амэндэ авэла вужи совесть и амэ поласа, васо жувас, ай андо ди авэла бари радость. О Иегова чаче амэн подритярэла, и амэ сможэм тэ фэрисарас кода, со во амэнди доверил (1 Тимофею 6:12, 19).