1 Иоано

4 Мэрнэ кучутнэ, на́ патян кажнонэсти, ко ԥэнэн, кай во сытярэл лэ Дэвлэстар*. Росполэн, лэ Дэвлэстар тумэн сытярэн чи най, важ кода кай андэ люма появисайлэ бут хохавнэ мануша, савэ притерэнпэ лэ Дэвлэстирэ.

2 Тэ уӷанэн, лэ Дэвлэстар сытярэн чи най, можно кадя: если варико, кала сытярэл, прижанэн, кай о Исусо Христос авеля пэ ԥув сар мануш, тоди када лэ Дэвлэстар. 3 Ай если варико, кала сытярэл, на прижанэн лэ Исусос, тоди када най лэ Дэвлэстар. Кадэва гиндо жал лэ Христостирэ вороӷостар: кадя, сар тумэ ашундэ, трэбуй тэ авэл, и када ужэ исин андэ люма.

4 Тумэ лэ Дэвлэстар, мэрнэ сомнакунэ бэяцэ, и тумэ победисардэ лэ хохавнэ манушэн, савэ притерэнаспэ лэ Дэвлэстирэ, важ кода кай о Дэл, савэстэ ек гиндо тумэнца, май зорало лэ Бэнгэстар, савэстэ ек гиндо кадэла люмаса. 5 Кадэла хохавнэ мануша, савэ притерэнпэ лэ Дэвлэстирэ, сԥанглэ кадэла люмаса, кочай вонэ ԥэнэн кода, со исин андэ люма, и о миро ашунэл лэн. 6 Амэ лэ Дэвлэстар. Кодэва, ко ӷанэн лэ Дэвлэс*, ашунэл амэн, ай кодэва, ко на ӷанэн лэ Дэвлэс, амэн на ашунэл. Кадя амэ полас, лэ чачимасти амэн сытярэн или лэ хохаимасти.

7 Мэрнэ кучутнэ, ласа тэ любисарас ек еқэс, важ кода кай и любовь — лэ Дэвлэстар, и кажно, ко любий, — лэ Дэвлэско бэято и ӷанэн лэс. 8 Кодэва, ко на любий, на ӷанэн лэ Дэвлэс, важ кода кай о Дэл исин любовь. 9 Акэ сар дицэля, кай о Дэл любий амэн: о Дэл бишалдя андэ люма пэстирэ особенонэ Шавэс, кай через о Шаво амэндэ тэ авэл жызня. 10 О Дэл бишалдя пэстирэ Шавэс сар жэртва важ амаро бэзэх, кай амэ тэ примирисавас лэса. О Дэл стердя кадя най важ кода, кай амэ полюбисардям лэс, ай важ кода, кай во полюбисардя амэн.

11 Мэрнэ кучутнэ, если о Дэл каринг амэндэ сыкадя, кай кадя амэн любий, тоди амэ трэбуй тэ любисарас ек еқэс. 12 Лэ Дэвлэс нико никала на диқля. Если амэ любисарас ек еқэс, тоди о Дэл амэнца и через лэстэ амэ па чачимастэ полям, со када любовь. 13 Во дя амэнди пэско свынто зор, и кадя амэ ӷанас, кай амэндэ лэса ек гиндо, ай лэстэ ек гиндо амэнца. 14 И амэ екжэнэ диқлям, кай о Дад бишалдя пэстирэ Шавэс сар кодэлэс, ко спасый и люма, и амэ росԥэнас пала када. 15 Ко прижанэн, кай о Исусо — лэ Дэвлэско Шаво, тоди кай о Дэл лэса ек гиндо и лэстэ ек гиндо лэ Дэвлэса. 16 Амэ уӷанглям, кай о Дэл любий амэн, и патяям андэ када.

О Дэл исин любовь. Кодэлэстэ, ко на парашэл тэ любий, вся и время ек гиндо лэ Дэвлэса, ай кай о Дэл вся и время ек гиндо лэса. 17 Кадя амари любовь дицол со май фартэ, кай андо дес важ о сындо амэ смило* тэ дас дума, важ кода кай андэ кадэя люма амэ кацавэ, сар о Христос. 18 Кодэлэстэ, ко любий лэ Дэвлэс, нинай дар. И дар сԥандэл амэн, но и чачуни любовь видаравэл ла. Кодэва, ко дарал, на поля па чачимастэ, со када любовь. 19 Амэ любисарас, важ кода кай о Дэл пэрво сыкадя, кай любий амэн.

20 Если варико ԥэнэн: «Мэ любисарав лэ Дэвлэс», но вэрыцый пэстирэ ԥралэс, тоди во хохавно. Важ кода кай кодэва, ко на любий пэстирэ ԥралэс, савэс диқэл, не можэт тэ любий лэ Дэвлэс, савэс на диқэл. 21 И акэ о законо, саво во амэнди дя: кодэва, ко любий лэ Дэвлэс, трэбуй тэ любий и пэстирэ ԥралэс.