Васо важно тэ дав алав лэ Дэвлэсти тэ жував важ лэстэ и тэ болдював?

Када само важно ришэния, сави о мануш можэт тэ прилэл андэ пэсти жызня. Тэ дэс алав лэ Иеговасти тэ жувэс важ лэстэ, када ту андэ молитва ԥэнэс лэсти, кай андэ тири жызня ту лэса тэ терэс кати кода, со во камэл. Ай кадяжэ, кай лэса тэ служыс кати лэсти (Псалом 40:8). Посли када ту можэш тэ болдёс. Кадя ту сыкавэса аврэнди, кай ужэ дян алав лэ Дэвлэсти. Но васо ту камэс тэ стерэс када?

1. Васо о мануш камэл тэ дэл алав лэ Дэвлэсти тэ жувэл важ лэстэ?

Амэ камас када тэ стерас, важ кода кай любисарас лэ Дэвлэс (1 Иоанна 4:10, 19). Андэ Библия пистромэ: «Любисар пэстирэ Дэвлэс лэ Иеговас всаворэ одеса, всаворя жызняса, всаворя годяса и всаворэ зорэса» (Марка 12:30). Кала мурш и жувли па чачимастэ любин ек еқэс, вонэ дэн алав ек еқэсти и жэнинпэ. Кадяжэ и амэ пэ дила сыкавас, кай любисарас лэ Дэвлэс, ай най кати алавэнца. Важ када амэ дас алав лэ Дэвлэсти тэ жувас важ лэстэ и болдювас.

2. Саво лашимос о Иегова дэла пэстирэ служытелёнэнди, савэ болделэ?

Посли кода, сар ту болдёса, ту зажаса андо лашо и баро лэ Иеговаско ери. Ту инке май фартэ полэса, кай во любий тут и ту ашэса инке май пашэ каринг лэстэ. (Адиносар Малахия 3:16—18.) Тут любия най кати о небесно Дад, но и бут ԥрала и ԥэя па вся и люма, савэ тожэ любин лэ Иеговас. (Адиносар Марка 10:29, 30.) Канешно, англа кода, сар тэ болдёс, трэбуй май драго тэ уӷанэс и тэ любис лэ Иеговас, трэбуй тэ патяс андо Иисусо и тэ дэс алав лэ Иеговасти тэ жувэс важ лэстэ. Тоди ту можэш тэ болдёс. И кадя ту жаса па дром, саво андярэл каринг вечно жызня. Най евья андэ Библия ԥэнэнпэ, кай кала о мануш болдёл, када фэрия лэс (1 Петра 3:21).

УӶАНАМ МАЙ БУТ

3. Витидэ, касти ту лэса тэ служыс

Андо древнё Израилё дэко гиндояс, кай можно тэ тэлёс и лэ Иеговасти и хохавнэ дэвлэсти лэ Ваалости. О Иегова бишалдя каринг лэндэ пэстирэ пророкос лэ Ильяс, кай во лэнди тэ ԥэнэн, кай када фартэ нэправильно англа Дэл. Адиносарам 1 Царей 18:21 и подам дума пала вопросо, саво май тэлэ.

• Со трэбуй сас тэ витидэн кадэла израильтяноря?

Амэнди кадя жэ, сар и кодэлэ израильтянонэнди, трэбуй тэ витидас, касти тэ служысарас. Адиносарам Луки 16:13 и подам дума пала вопросоря, савэ май тэлэ.

• Васо на вижала тэ служысарас лэ Иеговасти и инке варикасти или варисости?

• Сар амэ можэм тэ сыкавас лэ Иеговасти, кай витидям тэ служысарас лэсти?

4. Погиндосар, сар дэ фартэ тут любий о Иегова

О Иегова подарисардя амэнди фартэ бут лашэ подаркоря. Ай со амэ можэм тэ дас лэ Иеговасти? Диқам о ВИДЕО.

ВИДЕО: «Со амэ можэм тэ дас лэ Дэвлэсти?» (3:04)

Сар о Иегова сыкадя пэстири любовь каринг тутэ? Адиносарам Псалом 104:14, 15 и 1 Иоанна 4:9, 10 и подам дума пала вопросоря, савэ май тэлэ.

• Пала савэ подаркоря ту май фартэ блаӷодарно лэ Иеговасти?

• Со тутэ по ди, кала гиндос, скати дэ бут о Дэл стердя важ тутэ?

Кала амэнди варико дарий подарко, саво амэнди фартэ трэбуй, амэ камас тожэ варисо тэ стерас важ лэстэ. Адиносарам Второзаконие 16:17 и подам дума пала вопросо, саво май тэлэ.

• Кала ту гиндос, скати о Иегова стердя важ тутэ, со ту камэс тэ стерэс важ лэстэ?

5. Ту никала нэ пожалееш, кай дян алав лэ Иеговасти тэ жувэс важ лэстэ

ВИДЕО: «О футболо сас со май ӷлавно андэ мэрни жызня» (5:45)

• Васо кадэва мурш ашадя о футболо, хоть и фартэ любияс лэс?

• Сар ту гиндос, правильно во стердя, кай важ лэстэ ашэля ӷлавно о Иегова, ай най о футболо? Роспэн.

Инке сар о Павло на служыяс лэ Иеговасти, во сытёлас кай ашунгло мануш, кай драго тэ розлэлпэ андо иудейско законо. Во терэлас када, кай тэ авэл ашунгло машкар о миро. Но потом во ашадя вся када, кай тэ ашэл христианино. Пожалел о Павло пала када? Адиносарам Филиппийцам 3:8 и подам дума пала вопросо, саво май тэлэ.

• Васо о Павло ԥэндя пэ вся, соса во залэласпэ, пока на ашэля христианино, кай када нисо на ашэл?

• Со лэсти андя кода, кай во ашэля христианино?

• Со па тирятэ фэдэр, кай тэ авэл ӷлавно андэ тири жызня, служэния лэ Иеговасти или авэр варисо?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай амэ дас алав лэ Иеговасти тэ жувас важ лэстэ и болдювас, важ кода кай любисарас лэс.

Сар ту гиндос?

• Васо о Иегова ашэл кода, кай амэ тэ любисарас лэс всаворэ одеса и тэ служысарас кати лэсти?

• Саво лашимос во дэл пэстирэ служытелёнэнди, савэ болделэ?

• Ай ту камэс тэ дэс алав лэ Иеговасти тэ жувэс важ лэстэ?

ДИК ИНКЕ

Васо и манушни, сави сас оперно певица, и о мануш, саво сас професионально спорцмено, витидэ, кай ӷлавно андэ лэндири жызня тэ авэл о Иегова?

«И тэрнэ мануша пушэн. Сости тэ отдэс пэстири жызня? Вспоминая кода, со сас» (6:54)

Васо инке ашэл, кай тэ дэс алав лэ Дэвлэсти тэ жувэс важ лэстэ?

«Почему нужно посвятить себя Иегове?» («Сторожэво башня» важ 15 январё пала 2010 бэрш)

Дик, сави анэн радость, кала о мануш витидэл тэ служый лэ Иеговасти.

«Свою жизнь отдаю» (4:30)

Андэ статья «Годами я спрашивала себя „Для чего мы живём?“» ту уӷанэса, васо ек манушни закамля тэ парувэл кода, со сас ӷлавно андэ латири жызня.

«Библия меняет жизнь» («Сторожэво башня» важ 1 ноябрё пала 2012 бэрш)